المساعد الشخصي الرقمي

مشاهدة النسخة كاملة : ناقش معنا

حكايتى مع الزمان
02-10-2008, 04:27ِAM
يعيش الإنسان فترة من الزمن في ركود تام أو روتين قاتل
ولكن فجأة تظهر في حياته أمر أوشيء
يقلب حياته 180 درجة ...
يغير حياته ويجعل لحياته معنى وهدف ويقلب موازينه
ويجعله يعيش ويستمتع بكل لحظة في حياته وكأنها آخر
لحظة في حياته يعيشها ..
بكل حب وبهجة وسعادة ومرح
و الآن ما هو الشي الذي غير حياتك ؟؟
هل هو
كتاب قرأته/قرأتيه..؟
دورة حضرتها/حضرتيها..؟
معلم/معلمه بعلمها النافع ..؟
خطبة سمعتها/سمعتيها..؟
محاضرة حضرتها/حضرتيها..؟
شخص قابلته/قابلتيها..؟
وفاة عزيز/او عزيزه ..؟
فقد محب/او محبة ..؟
بلاء إنسان..؟
شريط سمعتيه..؟
إنتقاد من شخص كان له بالغ الأثر في نفسك ..؟
نصيحة صديق/صديقه محبة..؟
مالذي غير حياتك وجعل لحياتك معنى ... !!
ام شيء اخر؟؟
ام مازالت حياتك كما هي راكده.... ؟؟
ننتظر منكم أحداث غيرت مجرى حياتكم
نغم في حياتي
02-10-2008, 18:37ِPM
السلام عليكم ورحمة الله وبركاته

لا يمكن أن تستمر الحياة راكدة على الدوام لأن السكون والركود ضد الحياة .. لكن من الممكن أن يمر الإنسان بفترة ملل أو عدم رضا عن نفسه أو عن ما حوله ثم يحدث ما يغيره ..

أول حاجة اتأثرت بيها في بداية حياتي .. محاضرة لما كنت في الجامعة كنت في سنه أولى صحافة في سيكشن 9 يوم الإتنين 16 أكتوبر الساعة 3 العصر من أكتر من 10 سنين المادة كان أسمها فلسفة إسلامية وكانت مادة مش أساسية عندنا وما كنتش بحضرها خالص إلا اليوم ده كان عنوان المحاضرة ( التصوف النفسي من المنظور الإسلامي )
للأستاذ الدكتور عامر النجار وكانت المحاضرة عن مفهوم النفس والروح والقلب والفؤاد في القرآن الكريم .. من اليوم ده اتعلمت حاجات كتير اتعلمت ازاي أتأمل وازاي افهم سلوك البشر ونوازعهم بجد محاضرة غيرت تفكيري ونظرتي للحياة في سن مبكر جدا .


الحاجة التانية اللي قلبت حياتي وفاة والدي رحمه الله منذ شهور.. وقتها حسيت اني حياتي اتغيرت بعد فقدان السند
وعرفت أن الله هو السند الوحيد وهو المعين الوحيد لينا جميعا ... وأصبحت أكثر صلابة وتحدي في مواجهة المشكلات .


الحاجة التالتة .. خسارتي لأهم إنسانة دخلت حياتي وأكتر واحدة حبيتها في الدنيا ..

الحاجة الرابعة.. خطبة الجمعة الأولى في شهر رمضان وكنت في مكة .. اتعلمت من الخطبة أهمية تدبر القرآن الكريم أثناء قراءته والتفكر في معانيه الخطبة كانت لإمام الحرم المكي فضيلة الدكتور سعود الشريم .

وطول ما الإنسان عايش أكيد حياته كل شوية ها يكون فيها تغيير تتقلب للأحسن شوية ووللأسوأ شوية وهي دي سنة الحياة .


شكرا لموضوعك الرائع
تقبلي مروري ِ
نغم في حياتي
02-10-2008, 18:44ِPM
http://www.alquraa.com/vb/showthread.php?t=8714

هذا هو رابط الخطبة
حكايتى مع الزمان
02-10-2008, 20:15ِPM
مشكور نغم على مرورك
وكويس بجد انك بتتغير للافضل
وميرسى على الرابط
حلم عمرى
03-10-2008, 03:56ِAM
بالنسبة لى ممكن يكون اللى غير حياتى هو شخص..مش غير حياتى وخلى لها معنى وهدف لا

ده غير تفكيرى ونظرتى للامور وللناس...

يمكن كنت سازجة فى تفكيرى وبشوف كل الناس طيبين وصادقين لكن للاسف

اكتشفت لما شوفت اقرب الناس ليا بيتاذى اننا فى غابة وان الرجال دول كدابين و مايعرفوش الرحمة

وياخدو اوسكار فى تمثيل الحب وهما قلبهم مايعرفش غير القسوة والغدر وتبقى هبلة اللى تصدق

انهم يعرفو حاجة اسمهاحب..هما ينفعو فى حاجات كتير اوى ..الا الحب والمشاعر الجميلة

عرفت على ايديه ازاى الشخص ممكن يكدب ويخادع ويمثل ويتحول زى الحية

ازاى شخص يكون بياكل معاك انهاردة وبكرة يطلع يشتم فيك

اتعلمت منه برده ان مش كل كلمة تتقال لاى بنت تصدقها

اتعلمت من بابا او الرجل موقف وكلمة..عرفت منه ان الواقع غير كده خالص..

وان الرجل ممكن يرجع فى كلامه شىء طبيعى ويكذب ويقول ماقولتش

يعنى فتح عينيا على حقايق كتير حوالينا انا ماكنتش اعرفها

وعلمنى مااوثقش فى اى حد ومش اى كلمة تتقالى اصدقها

ميرسى ياقمر على موضوعك الجميل

تقبلى مرورى
حكايتى مع الزمان
03-10-2008, 05:35ِAM
تسلمى حلم عمرى على مرورك ياقمر
نورتى الموضوع
وكويس بردو انك اتعلمتى وعرفتى كده
والمهم تخلى بالك دايما من اى حاجه كويس
نورالصديق
03-10-2008, 23:52ِPM
موضوع رائع ومشاركات مفيده
وعن نفسي اقول انني مررت بكثير من المواقف
الحساسه اثناع الحياه التي اثبتت لي
ان اصحاب الحكمه ينطقون بلتجارب الحقيقيه
وان الامثال نشأت عن واقع ربما يكون مرير
دائما اقول وفوق تقديرنا لله تقدير
ويمكرون ويمكر الله والله خير الماكرين
وشكرا على هذا الموضوع الحساس والرائع
الرحمه من عندك يارب
04-10-2008, 16:23ِPM
السلام عليكم ورحمة الله وبركاتة

ف الحقيقه دا موشوع جميل اوى وومميز شكرا جزيلا لصاحب الفكره وصاحب المووضع

انا لو اتكلمت عن نفسى ممكن اتكلم كتير

بس دى بعض الظروف الى عديت بييها على الرابط دا
http://www.drdcha.com/vb/showthread.php?t=73870&page=3
وف الحقيقه انا انهرضا بس رجعت المنتدى

وان شاء الله نفيد ونيتفيد

شكرا وتحياتى اليك

احمد
حكايتى مع الزمان
04-10-2008, 19:05ِPM
مشكور نور الصديق
على ردك الاكثر من رائع
ومرورك الجميل
بس ياريت كنت تحكيلنا عن اى موقف حتى من المواقف اللى مريت بيها
حكايتى مع الزمان
04-10-2008, 19:13ِPM
انا قريت كلامك ياحمد
ومش معنى انك عديت بظروف صعبه
يبقى تضعف وتتخلى عن اى حاجه ادامك
بس الافضل انك تحاول تصلح نفسك
وتحسن نفسك
واجمل حاجه انك عارف غلطك
يعنى سهل انك تتغير
واهلا بيك معانا من تانى فى المنتدى
وانت منور المنتدى
ويارب متسيبش المنتدى تانى
وربنا يوفقك