ياسمين الشام
22-04-2008, 19:03ِPM
بســـم الله الرحمن الرحيــم
المرأة.. هي ملكة متوجة على عرش المطبخ البيتي
المطبخ البيتي تبقى فيها المراة سيدة وملكة متوجة على هذا العرش لا تتنازل عنها مدى الدهر فالطبخ شغف و
هواية وفن ووسيلة تسلية وقتل وقت. لقد تفننت ربة البيت السوري في اعداد الاطعمة الشهية ...وما ملوك الا
أمهاتنا بلا منازع بالتحضير للمونه خلينا نشوف ...
هلاء بيت المونه كلنا بنعرف شو مونه وشو يعني شغل وتحضير الها من قبل بوقت واذا انتو يا بنات ما بتعرفو
التحضير الها باعتبار صار على وقتكم التطور بكل شي حتى بالاكلات والطبخات الجاهزه والمجمده المهم اسالو
امهاتكم رح يحكولكم عن طريقة المونه
المهم المونه بتصير بشرى الخضار بموسمها لانها بتكون بسعر معقول وسبب تاني انو مو دايما بنلاقي المطلوب
متل الخضار الشتوي ما بتنزل بالصيف أو بتنزل بس بتكون غاليه والمونه لهيك امور هلاء ...
ستاتنا وأمهاتنا المربيات الفاضلات الي بيعرفو كيف يقننو ميزانية البيت ويحتفظو بكل صغيره وكبيره وبيحكولك
بركي اجاها عازه بتلتقى ايه الله عليهم هنن ووقتهم شو كان بركه كانو ولا يزال الكتير منهم متل امي الله
يخليلي ياها يارب ..
تنشف الكوسا والبيتنجان والباميا ( على الخيط ) اكيد الكل الا شافها او بيعرف عنها
والفول الاخضر وفصفصته الله لا يورجيكم سواد الايدين من وراه
والجوز الأخضر وتكسيره و تيبيس اللب مشان الكبه المشويه واللببنه مع البقدونس والبصله
ورق العنب اليبرق يعني كانو يشرشو بالملح طبعا انتو بتاكلو بالشتى وما بتعرفو كيف امهاتكم عملوا ومونوا المهم
والجبنه المغليه مع حبة البركه والمستكه والملح لحتى تبقى طول السنه
والزيتون بيفقشو أو بيجرحو وبينحط بالاطرميزات مع الفليلفه الحده والليمون والزيت ليضل كمان لسنه كامله
والمكدوس البيتنجان المحشي بالجوز الي نشفوا والثوم والفليفله الحمرا الحده والزيت وما تنسوا انو هل
اكله من أطيب الاكلات الصباحيه او للعشى وما بظن في بيت سوري ما بيمون المكدوس
واللبنه المدعبله اممممممممم يعني هي لحالها شغله تانيا بتتنشف لاكتر من يوم مع المله لحتى تصفى بدون
ميه تماما وبتدعبل وبتنصف بالاطرميزات مع الزيت شو منظر لحالو بيشهيك الاكل وكمان هي بضل لسنه كامله او اكتر
المربى هيك هلاء بيسمو بس هو بالشامي الاصلي معووود كلنا بنعرف المشمش اما بيكون صحيح او مقطع
بينغلى مع وزنه سكر وبيتعقد وبس يبرد بينحط بالاطرميزات وبيتجلل بشلشيه على وش الاطرميز وفوقه
الغطى ليحافظ على أكبر وقت ممكن
السفرجل او الكباد الشامي الللللللللللله هاد كله بيقطعو وبيحطو بالكلس وليضل أبيض ونفس الشي بيغلو
مع السكر ليتعقد وبينشرو لمده كم يوم بعدين بيحطوا بالاطرميزات
ولا تنسوا الخبز الناشف كانو زمان ما يرموا ولا شقفة خبزه ويحافظوا على اصغر قطعه ليوم يحتاجوها
للفتوش او ليحطوها تحت البرغل او للشوربات متل شوربة الكشكه وللفتات واكيد طبعا لخوفهم من الحرام
برمي الخبز هون وهون متل مو صاير هلاء الحمد الله ما حدا عم يحافظ على نعمة رب العالمين
والبندوره مية البندوره : بيعقطعوها وبيعصروها بايدهم وبيقموا البزر منها وبيطبخوها لتتعقد وبينشروها
بصواني على الاسطوح او المشرقه بالبيت العربي ويا من ترانا باحتين هل صواني على مشرقه البيت عنا ايه ايام
هلاء كل هل تحضيرات هي لكل الاكلات الي ذكرتها هي لبيت المونه الي لا غنى عنه لحد هلاء
وهلاء أنا بقى بعد كل شرح واللت الي لتيتو أكيد جوعتكم متل ما أنا جعت ولهيك عازمتكم على العشا أو فطور
اذا بتحبوا ......... تعوا لنشوف شو رح ناكل :
لبنة مع الزيت والنعنع - جبنة مغلية بحبة البركة - زيت وزعتر - زيتون عطون وزيتون أخضر - جبنة أريش -
مكدوس - معقود مشمش وبيتنجان صحن شنكليش بالزيت والبندورة والبصل - صحن بيض بلدي مسلوق
( مو برشت لأني ما بحبو ) - صحن بيض مقلي بالسمن البلدي - جاط مليان حشايش يعني زعتر أخضر و
نعنع أخضر وطرخون أخضر صحن خيار مقطع بالطول - ابريئ شاي اكرك عجم
وعلى حب النبي مدو ايديكم ومنختمها بزبدية رز بحليب بالمازهر ..
ومابدها أيامين وأعاظيم .....الأكل على أد المحبة هاه .........أولوا بسم الله يالا
المرأة.. هي ملكة متوجة على عرش المطبخ البيتي
المطبخ البيتي تبقى فيها المراة سيدة وملكة متوجة على هذا العرش لا تتنازل عنها مدى الدهر فالطبخ شغف و
هواية وفن ووسيلة تسلية وقتل وقت. لقد تفننت ربة البيت السوري في اعداد الاطعمة الشهية ...وما ملوك الا
أمهاتنا بلا منازع بالتحضير للمونه خلينا نشوف ...
هلاء بيت المونه كلنا بنعرف شو مونه وشو يعني شغل وتحضير الها من قبل بوقت واذا انتو يا بنات ما بتعرفو
التحضير الها باعتبار صار على وقتكم التطور بكل شي حتى بالاكلات والطبخات الجاهزه والمجمده المهم اسالو
امهاتكم رح يحكولكم عن طريقة المونه
المهم المونه بتصير بشرى الخضار بموسمها لانها بتكون بسعر معقول وسبب تاني انو مو دايما بنلاقي المطلوب
متل الخضار الشتوي ما بتنزل بالصيف أو بتنزل بس بتكون غاليه والمونه لهيك امور هلاء ...
ستاتنا وأمهاتنا المربيات الفاضلات الي بيعرفو كيف يقننو ميزانية البيت ويحتفظو بكل صغيره وكبيره وبيحكولك
بركي اجاها عازه بتلتقى ايه الله عليهم هنن ووقتهم شو كان بركه كانو ولا يزال الكتير منهم متل امي الله
يخليلي ياها يارب ..
تنشف الكوسا والبيتنجان والباميا ( على الخيط ) اكيد الكل الا شافها او بيعرف عنها
والفول الاخضر وفصفصته الله لا يورجيكم سواد الايدين من وراه
والجوز الأخضر وتكسيره و تيبيس اللب مشان الكبه المشويه واللببنه مع البقدونس والبصله
ورق العنب اليبرق يعني كانو يشرشو بالملح طبعا انتو بتاكلو بالشتى وما بتعرفو كيف امهاتكم عملوا ومونوا المهم
والجبنه المغليه مع حبة البركه والمستكه والملح لحتى تبقى طول السنه
والزيتون بيفقشو أو بيجرحو وبينحط بالاطرميزات مع الفليلفه الحده والليمون والزيت ليضل كمان لسنه كامله
والمكدوس البيتنجان المحشي بالجوز الي نشفوا والثوم والفليفله الحمرا الحده والزيت وما تنسوا انو هل
اكله من أطيب الاكلات الصباحيه او للعشى وما بظن في بيت سوري ما بيمون المكدوس
واللبنه المدعبله اممممممممم يعني هي لحالها شغله تانيا بتتنشف لاكتر من يوم مع المله لحتى تصفى بدون
ميه تماما وبتدعبل وبتنصف بالاطرميزات مع الزيت شو منظر لحالو بيشهيك الاكل وكمان هي بضل لسنه كامله او اكتر
المربى هيك هلاء بيسمو بس هو بالشامي الاصلي معووود كلنا بنعرف المشمش اما بيكون صحيح او مقطع
بينغلى مع وزنه سكر وبيتعقد وبس يبرد بينحط بالاطرميزات وبيتجلل بشلشيه على وش الاطرميز وفوقه
الغطى ليحافظ على أكبر وقت ممكن
السفرجل او الكباد الشامي الللللللللللله هاد كله بيقطعو وبيحطو بالكلس وليضل أبيض ونفس الشي بيغلو
مع السكر ليتعقد وبينشرو لمده كم يوم بعدين بيحطوا بالاطرميزات
ولا تنسوا الخبز الناشف كانو زمان ما يرموا ولا شقفة خبزه ويحافظوا على اصغر قطعه ليوم يحتاجوها
للفتوش او ليحطوها تحت البرغل او للشوربات متل شوربة الكشكه وللفتات واكيد طبعا لخوفهم من الحرام
برمي الخبز هون وهون متل مو صاير هلاء الحمد الله ما حدا عم يحافظ على نعمة رب العالمين
والبندوره مية البندوره : بيعقطعوها وبيعصروها بايدهم وبيقموا البزر منها وبيطبخوها لتتعقد وبينشروها
بصواني على الاسطوح او المشرقه بالبيت العربي ويا من ترانا باحتين هل صواني على مشرقه البيت عنا ايه ايام
هلاء كل هل تحضيرات هي لكل الاكلات الي ذكرتها هي لبيت المونه الي لا غنى عنه لحد هلاء
وهلاء أنا بقى بعد كل شرح واللت الي لتيتو أكيد جوعتكم متل ما أنا جعت ولهيك عازمتكم على العشا أو فطور
اذا بتحبوا ......... تعوا لنشوف شو رح ناكل :
لبنة مع الزيت والنعنع - جبنة مغلية بحبة البركة - زيت وزعتر - زيتون عطون وزيتون أخضر - جبنة أريش -
مكدوس - معقود مشمش وبيتنجان صحن شنكليش بالزيت والبندورة والبصل - صحن بيض بلدي مسلوق
( مو برشت لأني ما بحبو ) - صحن بيض مقلي بالسمن البلدي - جاط مليان حشايش يعني زعتر أخضر و
نعنع أخضر وطرخون أخضر صحن خيار مقطع بالطول - ابريئ شاي اكرك عجم
وعلى حب النبي مدو ايديكم ومنختمها بزبدية رز بحليب بالمازهر ..
ومابدها أيامين وأعاظيم .....الأكل على أد المحبة هاه .........أولوا بسم الله يالا