أطلب أكله سورية .... وأنا علي طبخها لك

[ياسمين الشام]

السلام عليكم ورحمة الله وبركاته
أخوتي وأخواني بمنتدى دردشة
فكرت الموضوع سهلة واضحه من أسمها ....
أي عضو نفسه بأكله سورية سمع عنها أو ذاقها او حابب يعرف كيف بتنعمل
يكتب بس اسم الأكله .... وأنا رح أكتب مقاديرها وطريقة عملها
إنشألله تعجبكم فكرتي ...

[بدر سوريا]

شكرا ميمو وجزاك الله كل خير

ميمو انا اكلت المحشي من زمان وانا عاوز اكله شلون

شاطر شاطر

[الحــــــب كــــــــدة]

مشكورة على الفكرة
لا اطبخى وحنا حناكلها

[ياسمين الشام]

المحشي أكلة مهمه لكل فتاة .... يعني يلي بتعمل محشي فهي ست بيت محترمه :36_6_7:

عموما ....أحنا عنا بالشام أكلة المحاشي أكلة أساسية ومنها وفيها المقبلات

يعني بنعمل غير ( الكوسا والباذنجان واليقطين ) المحشي , بنعمل لب الكوسا مطبوخ

وبنعمل فتة مرقة المحشي , ورح أشرح بالتفصيل بالأتي :


"طريقة عمل المحشي"


المقادير:

كوسا وباذنجان ويقطين وفلفل رومي وبطاطا ( مقدار يناسب وحسب الرغبة )

الحشوة:

لكل كيلو كوسا او غيره

1كاسة رز مصري

1/2 كاسة لحمة مفرومه خشنه

1 ملعقة كبيره كمون ناعم

1 ملعقة كبيره كمون خشن

2 ملعقة كبيره سمنة أو زيت أو ( دهنه)

ورشة ملح وفلفل أسود وعصفر


**مرقة الطبخ:( الكمية نسبية وعلى حسب الرغبة)

لمرقة الطبخ في طريقتين:

1) عصير تمر هندي + ماء + ملح

2) صلصة بندورة + ماء + ملعقة سمنة أو زيت + ملح + عصير ليمون أو حمض الليمون

نحتاج عند نضوج الطبخة ( ثوم مدقوق ونعنع يابس )

التحضير :

1) تغسل الخضار وتنظف من الزوايد القاسية..

2) نحفر الخضار ( وهاد شي سهل:36_11_13: هههههه )

3) لتتبيل الحشوة ... ننقع الرز ربع ساعة ونصفي الأرز بعد ذلك مع ترك قليل من الماء فيه

4) نضيف فوق الأرز اللحمة والبهارات والسمن

5) نحشي الخضار بحشوة الأرز .." مع مراعاة ترك فراغ صغير ( يعني لا نحشي الخضار عالأخر ) "

6) لعمل المرقة.... الطريقه الأولي ----> نضع الماء مع عصير التمر هندي على النار ورشة الملح ونتركهم يغلوا

الطريقة الثانية ----> نضع السمن في الطنجرة ونضع فوقه صلصة البندورة ورشة الملح ونقلبهم شوي

ثم نضيف الماء وعصير الليمون ونتركهم يغلوا

7) نسقط الخضار المحشية داخل طنجرة المرقة المغليه ونتركهم مدة ساعة على نار قوية " مع الأنتباه لنقص

كمية الماء في الطنجره " اذا نقص الماء زيدوا ماء مغلي فوقهم ويتركون ليكملوا نضجهم

8) عند نضج الكوسا نضيف على المرقة ثوم مدقوق ونعنع يابس , ونتركهم دقيقتين على النار ثم نصفيهم

9) تقدم الخضار المحشية وبجانبها المرقة للتغميس ..... وصحه وهنا


قلت لكم انه في مرافقين لهي الأكل ... ومنها :

**لب الكوسا :

1) عند حفر الكوسا نأخذ باللب ولا نرميه ..

2) نضع اللب في قدر على نار قوية وننتظر حتى تنشف ماء الكوسا

3) بعد أن تنشف ماء التي نزلت من الكوسا , نضيف زيت زيتون فوقهم ونتركهم قليلا

4) نرش ملح عليهم ونضيف ثوم مدقوق ...( ونعنع يابس حسب الرغبة)

ملاحظة:

اذا أحببت ان تأكل لب كوسا متبل فما عليك الا ....

أن تخلط لبن وطحينه وشوية ثوم مدقوق ورشة ملح , وتضيفهم على اللب الكوسا المطبوخ ( على فكره طيبه كتيييييير )


فتة المحشي :

سهلة كتيـــــــــــــــــر ..... أهم شي تكون مرقة المحشي كتيره

مقاديرها :

خبز لبناني مقطع

علبة لبن

2 ملعقة كبيرة طحينة

حص ثوم مدقوق

ورشة ملح

ومرقة محشي

التحضير:

1) يقلى الخبز بالزيت الوفير ويصفى ويوضع بطبق بايركس ( أو زبديه )

2) تخلط اللبن والطحينة والثوم والملح ....

3) نرش فوق الخبز المقلي مرقة محشي ساخنة , ثم نضيف تتبيلة اللبن والطحينة فوقهم

ونرش فلفل أسود للزينة ...


وصحه وألف ألف ألف ألف ألأف هنااااااااااااااااااااااااااء

يلا أخي بدر وأنت كمان أخ الحب كده .... تفضلوا على طاولة الطعام

هلكت وأنا عم بطبخ هههههههههههههههههههههههه

ملاحظة:

هاد محشي كوسا وباذنجان ويقطين وفلفل رومي وبطاطا فقط

أما محشي ورق العنب ومحشي الكرنب فلهم خلطه وطريقة غير

إنشألله أكتبها مره القادمة ......


كانت معكم ميمو من المطبخ السوري :36_1_1:

[قلب الأسد]

ان شاء الله دايمة

أكلة رهيييييييييييييييييييييييييييييييييييييييييييبة المحاشي

صحة وهنا

[ياسمين الشام]

شو اخي قلب الأسد ....
مانفسك تأكل شي أكله من طبخي :36_1_13:
عموما أنا جاهزة لأي أكلة نفسك فيها ... بس لا تكون صعبه هههههههههه
بيسعدني مرورك أخي قلب الأسد
أختك MEMO

[ابو سيف]

بوركتي وبوركت يداكي

الفكرة طيبة ورائعة وتنفيذها اكثر من رائع

طريقة واضحة ومبسطة تستحق عناء التجربة فعلا :36_1_51:


كل الشكر والتقدير للاخت المبدعة والمتألقة ياسمين الشام ( MEMO)

على الجهود والطيبة والمميزة، ننتظر منك المزيك من التألق والابداع (في الاكلات والحلويات)

مع بالغ احترامي وتقديري


اخوكِ بكل فخر
مهند

[ياسمين الشام]

هلااااااااااااااااااا أخي الغالي مهند...
شرفت ونورت الموضوع والله , بس يعني ليش ماطلبت أكله؟؟؟:36_1_34:
أنا والله طبخي طيب ... يعني بعد ماتاكلوا بإذن الله مارح تروحوا المستشفى :36_11_11:
عموما ... حتى لو ماطلبت , أنا بعرف شو بتحب وحطبخلك أكلة على زوئي هههههههههههه
أنا لازم طعميكم وغذيكم , مشان تضلوا منورينا
بيسعدني مرورك ياغالي , وإنشألله دايما تبارك مواضيعي
أختك MEMO

[محمد تلاوي]

بسم الله الرحمن الرحيم
الله محيي اهل الشام
كل الأكل الامي طيب
بس بتعرفي تعملي الباطرش
استخدمتها لأنها كلمة حموية
وتسلم ايدك
وسلامي لاهل الشام
محمد

[ياسمين الشام]

:36_15_9: أخي محمد تلاوي...
بيشرفني وجودك معي هون بالمطبخ
وبيسعدني أنك طلبت أكلة , بس ياريت ياأخي انت يلي
تكتبلي أكلة الطابرش لأني مابحياتي سمعت عنها:36_11_13:
وبعدين مو كلنا أخوة وأيد وحده ... ويلي بيطلع من ايدك خير وبركه
ياريت تزودني بالمعلومات عن هي الأكله او عالقليل جيب غراض الأكله
وأنا رح اعمل جهدي ودور على هالوصفة وجيبها وحطها هون
بس اذا كتبتها بتجي بتاكلها هههههههههههه
اهلا وسهلا بيك أخي محمد مره تانية
أختك MEMO

[محمد تلاوي]

بسم الله الرحمن الرحيم
اخت ياسمين الشام اضحكتيني حين كتبت اسم الأكلة هي باطرش مو بارطش
بعدين اكلة معروفة بس بتختلف تسميتها هي متبل باذنجان مع اللبن ويوضع فوقها بندورة معقدة ولحمة ولوز
والله انا ماني شاطر بالطبخ
جربي وان شاء الله بتنجح اخوك محمد ورايح اكلة شو من كان من ايدك:36_1_51:

[انتــــ الشمس ــي]

تسلمي عالموضوع الجميل الموائد السورية غنية كتيير طيبة وراقية
انا ساويت اليوم شاكرية : بعرفكم عاطريقتي بسيطة وسريعة
موادها من قطع لحم هبر - ارز بسمتي - سمن -بصل مفروم ناعمآ- مكسرات محمرة
لبن زبادي - نشا- بيضة - مرق لحم - ثوم محمر في السمن - ملح وبهار اسود -قرفة ناعمة
يسلق اللحم مع البصل والملح والفلفل وحب الهال بالماء حتي ينضج ثم نأخذ مقدار من مرقة اللحم للأرز وملعقة سمن ونرفعها عالنار حتي تنضج ونأخذ البيضة مع كوبين او ثلاثة اكواب مرق والبيضة والنشا ونضربهم بالخلاط الكهربائي جيدآ مع اضافة ملح وقلقل وقرفة ونرفعها عالنار حتي يغلظ قوامها اقل من قوام المحلبية قليلا و نغرفها في طبق مسطح ونحمر الثوم بعد دقه جيدآ ونضعه فوقها ونغرف الأرز ونضع عليه اللحم المحمر ومكسرات محمرة كمية كثيرة نوعآ وتقدم جانب المرق والسلطة الخضراء المشكلة
ارجو ان تعجبكم جربوها مراح تندموا ابدآ

:36_1_51:

[أيام زمان]

تسلم الايادي

[ياسمين الشام]

هلا أختي ... انتي الشمس...
أخيرا في جنس لطيف رح يساعدني مع الشباب الجائعة ههههههههههههههه
شكرا حبيبتي على أكلة الشاكرية بصراحة مبين انها طيبة , وأكيد رح جربها
أصلا مافي شي أطيب من الأكل حبا لقلبي هههههههههههههههه
يعطيكي العافية أختي عن جد طريقتها سهله
تقبلي مروري على أكلتك
أختك MEMO

[ابو سيف]

عودة مرة اخرى

انتظرت واستنيت كتير ما لقيت الطبخة ياللي وعدتيني تطبخيها على زوقك

وانا جاي نفسي مفتوحة كتير ورح اكل عن شهر من تحت ديات اختي الغالية

بدنا تتكرمي علينا وتقدمي النا اكلة حراق اصبعه (او حراق باصبعه)

لاني حبيتها كتير ما للاسف ما منعرف كيف طريقتها


ويسلموووووووووو كتير مقدما


مع تحياتي واحترامي

اخوكي مهند

[ياسمين الشام]

من عيوني أخي ابو سيف ...
وصدقني مو بس حتأكل أصابعك .... يمكن تأكل سندويشة جبة وتقول أطيبلي هههههههههههههههههه
ولأنك طلبتها ولأني انا مو شاطرة فيها كتير , أتصلت بأمي بالشام مشان تشرح لي كيف بتنعمل
لحتى تعرف ............. ميمو مابتعرف المستحيل ( الا أكلتك يامحمد تلاوي :36_15_9: )
بس حعملها متل مانبطبخها اوك ... وعليك الأكل :36_1_51:

أكلة الحراق بأصبعه :
المكونات:عدس أسود
مكرونة صغيرة
بصل مفروم قروش
تمر هندي
زيت زيتون
كزبرة خضراء تنقى وتغسل وتفرم ناعماً + ثوم مدقوق نقليهم مع بعضهم بزيت الزيتون
خبز مقطع لمربعات يفضل تقطيعه بالسكينة ليكون منظره أجمل ونقليه ونضعه جانباً
التحضير:
1)شراب تمر هندي (وذلك بغلي باكيت تمر هندي مع الماء والمتواجد في الأسواك ثم تصفيته وعدم وضع سكر له)
2)نسلق العدس الأسود في شراب التمر الهندي والماء(لازم يكون ماء كمية منيحه) حتى يستوي ولكن لا نجعله يفرط
3)نقلي بصل مقطع لشرحات (أو ما يسمونه بالشامي قروش قروش) يعني بشكل طولي ورقيق ونقليه بزيت زيتون وبس
يتحمر نضيفه للعدس وماءه ونتركه يستوا مع بعض
4) قبل استواء العدس نضيف المعكرونة ونسلقها لحتى تستوي (النوع المرغوب به هي المعكرونة المتوسطة الحجم)
5)نسكب في جاط (وعاء بيركس ) عميق (يمكن عمل أكثر من جاط) خليط الحراق بأصبعه ثم الكزبرة والثوم المقليان
بزيت الزيتون ثم نرش الخبز المقلي

[ابو سيف]

ولأنك طلبتها ولأني انا مو شاطرة فيها كتير , أتصلت بأمي بالشام مشان تشرح لي كيف بتنعمل
لحتى تعرف

الاخت الغالية ميمو حفظها الله ورعاها

دعواتي الصادقة للوالدة الغالية بتمام الصحة والعافية أدامها الله لكم رضاها وأدامها فوق رؤوسكم (اللهم آمين)

يشرفني أن ارفع لمقامك الكريم جل آيات الشكر والتقدير على جهودك الطيبة بوجه عام وعلى حرصك الصادق في تقديم المساعدة والمتعة في فهم ادق التفاصيل.

ويسعدني ان أعلمك بأننا قمنا بتجربة الطريقة وبحمد الله استمتعنا بهذه الاكلة الاصيلة الطيبة
والتي ما كنا لنراها لولا جهودك معنا

لا حرمنا الله من ابداعاتك وموضوعاتك المميزة والشيقة

بكل الاحترام والتقدير

اخوكم بكل فخر

مهند ابو سيف

[ياسمين الشام]

أهلا وسهلا فيك عمي ابو سيف
وإنشألله صحه وهنا على قلبكم يارب
عالعموم أنا اليوم أجيت وناوية أعملكم ملوخية شامية , بس شووووو , أكيد رح تأكلوا أصبيعكم وراها
أنا هيك بطبخها , يعني طريقة مبسطة ومسهله , مشان ماحدا يقول مابقدر اعملها ههههههههههه
المقادير:
ملوخية ورق ( طبعا لازم تكون مقطوفة ومغسولة ومنشفة )
لحمة مفرومة
سمنة أو زيت
ثوم حب
مرقة دجاج أو لحم
كزبرة مفرومة ومع ثوم مدقوق
التحضير:
1) نقلي الملوخية الخضرا بشوية سمنة تقلايه خفيفه, وبعدين من شيلها على جنب
2)نحط شوية سمنة أو زيت بالطنجرة ونقلي فيها اللحمة المفرومة مع الثوم الحب ونضيف فوقها الملوخية المقلايه, نضيف فوقهم مرقة الدجاج ( اوحتى اذا بدكم مكعب ماجي مع مي ) ونتركهم يستوا لمدة نص ساعه تقريبا, بس تستوي الملوخية بنضيف فوقها الكزبرة والثوم المدقوق , وتقدم مع الرز المفلفل بالشعرية ......... وصحة وهنا

[انتــــ الشمس ــي]

انا بحب الملوخية مفرومة .. بقلكن عاطريقتي :
المواد: لحم غنم مقطع قطع صغيرة - بصلة مفرومة ناعما كبيرة -سمن - زيت - ثوم مفروم ناعما - كزبرة جافة مطحونة ناعما - ملح وبهار اسود ..
الطريقة : يسيح السمن في طنجرة مقدار ملعقة ونضيف اللحم والبصل ونتركه حتي يشقر لونهما ونضيف الماء والملح والبهار وحب
ةالبهار وحب الهيل مطحون ونغطي الطنجرة حتي ينضج اللحم وقبل ان نرفعه نضيف قليلا من الثوم المدقوق مع قرن فلفل وبعض الكزبرة
فلفل وبعض الكزبرة .. ثم نضيف الملوخية علي المرق ونحركها جيدآ دون غليان وبعد التحريك نقلي باقي الثوم المدقوق م
مع الفلفل والكزبرة ونضفيهم الي الملوخية ..
يقدم مع الارز المفلفل والسلطة الخضراء
وصحتين علي البكم

:36_15_16:

[عبير واريج]

مرحبا بس بحب اسألك انت اكيد من الشام لانو هي نفس الطريقة يلي بساويها وشكرا حبيبتي

[ياسمين الشام]

أهلين أخت عبير .....

اذا سؤالك الي فأنا اي من الشام ... ومن دمشق

وبجد بيسعدني وجود البنات السوريات معي هون ......بس مابدك أطبخلك شي أكله ؟؟؟

والله طبخي طيب وأنت الأدرى بالشاميات ونفسهم عالأكل ...

مشكورة أختي العزيزة على تواجد معنا ......

[two fast]

ميمو كيفك انا مغترب
مقيم بجدة
في اكلة بحبا كتير
المطبق بس هاي
اكلة حمصية
ممكن الطريقة
مع جزيل
الشكر

[زياد الرجب]

تحيه طيبه ..بدي اكلت بامية ديرية(ثرود)

من هل الايدين الحلوة

[ياسمين الشام]

ياهلا أخ تو فاست .....

اكلتك انشألله رح اكتبلك عنها ... بس ياريت تعطيني فكرة عنها أكتر لأعرف شو قصدك بهالأكلة ..

يمكن كون بعرفها بإسم تاني .... فياريت بس توضحلي اكتر ...

وإنشألله اقدر اعرفها وأكتبها ... لك شكري ...

[ياسمين الشام]

ياهلا أخ زياد

البامية الديريه .....

1) لازم تكون البامية مقاسها كبير موصغيرة .

2) نقلي اللحمة بشوية زيت وبنحط فوقها البامية , وبنقلي صلصة معها

3) وبنزيد عليها مي منيح + ملح وفلفل طبعا .... وبنتركها عالنار تغلي وتتعقد مع بعضها على نار هادية

وبس تستوي ... كلها مع رز مفلفل بالشعيرية او بالخبز .... وصحه وهنا

إنشألله تكون طريقتي صح .... وتكون سهلة عليك ....

[ياسمين الشام]

هي طريقة عمل الرز بالبازليا

سهلة كتير هالأكلة ... وأنا بحبها كتييييييييييير مع اللبن بالخيار والنعنع

الطريقة :

1)نغسل الرز وننقعه بالماء لمدة ربع ساعة

2) نقلي لحمة مفرومة بالزيت او السمنة ( حسب رغبتكم) ونضع فوقها البازاليا او الفول الأخضر ونقليهم مع بعض منيح

3) نضيف عليهم الرز بعد مانصفيه من المي , ونضيف فوقهم مرقة لحمه او مرقة دجاج ( وإذا مافي مرقة بيكفي مي مع ماجي )

4) ونتركهم يغلوا لتنشف المرقة ونهدي النار ... ونترك الرز عم ينطبخ على نار هادية لمدة ثلث ساعة تقريبا ( يعني ليستوي الرز)

5) نقلي صنوبر ولوز مقشور ونزين فيهم هالطبق ... وصحه وهنا

ملاحظات هامة لهي الأكلة :

* لكل كاسة رز كاسة مرقة .... ولا ننسى نضيف نصف كاسة عليهم للبازاليا

*بنقدر نعمل الأوزي من الرز بالبازاليا , يعني بس جيبوا عجينة البف باتسيري ( السنبلة) وفردوها شوي

وحطوها بقلب زبدية .. وأحشوها برز البازاليا المطبوخ , وسكروا العجينة وحطوهم بالفرن لتتحمر العجينة وتستوي ...

وكلوها ... بالهنا والعافية .

لاتنسوا انه هيك اكلة لازمها شي معها يعني ( سلطة خضرا او سلطة لبن بالخيار والنعنع اليابس )

يلا مدو ايديكم :36_1_1:

[مستر اكس]

كل اللى يجيى منك كويس
تسلم ايدك

[مالدو]

http://www.m5znk.com/uploads/images/m5znk-b1172b0d65.gif (http://www.m5znk.com)

[ياسمين الشام]

لعيونك أخ مستر اكس , أنا أخترتلك اكلة شيخ المحشي باللبن ( الزبادي )

انشألله تعجبك ..

المقادير
كيلو كوسا صغير
نصف كيلو لحمة مفرومة
بصلة متوسطة مفرومة
صنوبر مقلي
ماء + مكعب ماجي
كيلو لبن زبادي
ملعقتين كبار نشاء ذرة مذوبين بصف كاسة ماء
بيضة
ملح، فلفل، بهار


الطريقة :

1) نقلي البصل المفروم مع اللحم حتى الاستواء ثم نضع الملح والفلفل والبهار والصنوبر

2) في هذه الاثناء نكون حفرنا الكوسا ثم نبدأ بحشي الكوسا بخلطة اللحم المفروم

3) بعد الانتهاء من الحشي نقوم بقلي الكوسا بالزيت حتى تستوي.

4) نضع الكوسا في ماء مغلي مع مكعب ماجي لمدة 4 دقائق على النار ثم نرفع الكوسا من الماء ونضعها جانبا

5) بعد ذلك نضع اللبن في القدر مع البيضة والنشاء المذوب بالماء ونقوم بطبخ اللبن على النار بوضعه على نار هادئة لمدة 30 دقيقة مع التحريك المستمر

6) بعد ذلك نضع الكوسا فوق اللبن ويبقى على النار لمدة 10 دقيقة ثم نسكب اللبن والكوسا في جاط ونقوم بنثر الصنوبر المقلي على الوجه ويقدم مع الارز بالشعيرية وألف صحة.

[ياسمين الشام]

ياهلا مالدو .... أخترتلك انت أكلة حلو شامية اسمها القطايف كتييييييييييييير طيبة

قطايف على الطريقة الشامية

مقادير العجينة:

ثلاثة أكواب ونصف طحين

ملعقتان كبيرتان من السكر

ملعقة كبيرة خميرة

ملعقة كبيرة من البيكنج بودر

نصف ملعقة صغيرة من الملح

كوبان ونصف من الماء

مقادير الحشوة:

قشدة طازجة

أو ..جوز مفروم مضاف إليه قليل من السكر وماء الزهر والقرفة

أو.....جبنة حلوة

أو ......فستق حلبي مفروم للزينة

قطر محضر مسبقاً للقطايف .

طريقة تحضير العجينة :

توضع المقادير جميعها في آلة العجن وتعجن بشكل جيد حتى تصبح العجينة ناعمة أي نتساب من الملعقة بسرعة

وسهولة ثم تترك لتختمر مدة نصف ساعة

بعد أن تختمر نشعل الغاز على مقلاة تيفال عريضة نضع فيها ملعقة من الزيت ثم نمسح بها سطح المقلاة فقط كي نمنع

التصاق العجينة ونبدأ بسكب العجينة بشكل دوائر صغيرة ودوائر كبيرة نتركها مدة دقيقة أو أكثر قليلاً حتى تظهر

فقاعات على وجه الدوائر وينشف السطح نرفعها من المقلاة ونعيد الكرة حتى تنتهي الكمية المحضرة مسبقاً0

ونبدأ بالحشي القطايف الصغيرة نسميها قطايف عصافيري تمسكين القطيفة بيدك وتوضع قليل من القشطة في

المنتصف وتغلق من جهة واحدة فقط وتصف في صحن التقديم ونرش الفستق عليها وتقدم باردة0

أما القطايف الكبيرة تحشى بالجوز والجبن وتغلق من جميع الجوانب لتصبح بشكل هلال وتقلى بالزيت حتى يصبح لونها

ذهبياً وتغمس في القطر البارد ثم تصف في الصحن وتقدم ساخنة0

وصحة وهنا على قلبكم :36_3_12:

[مالدو]

نسيت اقول المره الى فاتت على الاكله
يلا ملحوقه

بس انا معرفش اكلات شاميه

يلا اى حاجه بس تكون كويسه


ومش تحرقيها بقا

عشان نعرف ناكل

[الاخضر]

[ وينكم في الدردشة انا الاخضر الليبي مسجل جديد :z060:

[بنوته حلبيه]

http://www.m5znk.com/uploads/images/m5znk-1ce607a514.gif

[العميد]

http://img242.imageshack.us/img242/1189/5866d6d067fn9.gif

[ملاك السماء]

http://up.7cc.com/upfiles/QEC08366.gif (http://up.7cc.com/)

[abrar1115]

بليز اذا ممكن اكلة حراء اصبعه

[حوت العقبه]

مشكوررررررررررررررررررررررررررررررررررررررررررررر على المعلومات ممكن الفتوش

[الاستاذوالطلاب]

http://www.hawahome.com/MySmiles/Smiles/2007-01-22-02_45_45bo50.gif

[!!*يـآسـ-ــ-ــ-ــ-ـــر*!!]

http://www.falntyna.com/img/data/media/11/1137114121_3.gif

[ماندووو]

http://www2.0zz0.com/2008/05/21/16/785245058.gif (http://www.0zz0.com)

[mikoo]

http://www.m5znk.com/uploads/images/m5znk-c545acb297.gif (http://www.m5znk.com)

[جاجا1234]

الكبه النيه
ويسلممممممووووووو

[ياسمين الشام]

الى العزيز ( حوت العقبة )

الفتوش

المقادير :

خس
خيار
بندورة (طماطم)
بصل اخضر
بقله (رجلة )
زيتون اسود بدون بذر
نعنع اخضر مفروم
عصير ليمون او (خل تفاح ) مع ثوم مدقوق وزيت زيتون وملح ...
وخبز محمص عالوش ...

1) قطعوا الخضرا ( طبعا بعد الغسل :36_1_21: )
2) تبلوها بالليمون والثوم وزيت الزيتون والملح ورشوا الخبز المحمص عالوش ...
وصحة وهنا

[ياسمين الشام]

هلا جاجا 1234

وهي لعيونك طريقتين للكبة النيه ( وسوري عالتأخير )

الأولى ... كبه نيه حلبية مع السلطة

المقادير:
كيلو غرام من لحمة الغنم الهبرة(لوازق) مدقوقه
ملعقة صغيرة ملح
ملعقة طعام من معجون الفلفل
بصلة صغيره مبشورة
رشة توابل خاصة بالكبة النيه (حبق وبهار وبردقوش)
ملعقة صغيره فلف احمر حلو
كوبان من البرغل الأبيض الناعم (مغسول ومصفى)
كمية كافيه من الماء البارد لدعك الكبه

مقادير السلطة :
بصلة متوسطة مفرومة ناعم
حبتين بندورة مقطعين مكعبات صغيره
2/1 باقة بقدونس
نعنع اخضر مفروم
رشة ملح ... صنوبر

تحضير الكبه:
1) يغسل البرغل ويفصى
2) تخلط لحمة الكبة مع البرغل ومعجون الفلفل الأحمر والفلفل الحلو ورشة من بهارات الكبه ويرش الملح حسب الرغبه
3) تدعك الكبه بالأصابع المبلله بالماء ويضاف اليها بعض من الماء اذا لزم الأمر لتطرى اكثر
4) تقرص الكبه بالأصبع للحصول على قطع صغيره (لقمة وحده) وتصف في طبق التقديم مع السلطة وينثر فوقها الصنوبر
السلطه ... تخلط البصلة مع البندورة والبقدونس والنعنع والصنوبر ويرش فوقها شوية ملح
ملاحظة( تقدم الكبة الحلبية النيه فورا وهي لاتزال رطبه وطريه )

الثانية .... كبه نيه مد
المقادير:
كيلو غرام لحمة غنم مدقوقه للكبه
ملعقة صغير ملح
ملعقة طعام من معجون الفلفل النصف حر
بصلة صغيره مبشورة
ملعقة صغيره فلفل أحمر
2 الى 3 اوراق حبق مفرومة ناعم( اختياري)
بضعة اوراق من المردقوش مفرومة ناعم ( اختياري)
كوبان ونصف برغل ابيض ناعم
زيت زيتون للتقديم
اوراق نعنع
التحضير:
1) يغسل البرغل ويصفى ويوضع في وعاء او صينية , يضف اليه البصل المبشور والملح ومعجون الفلفل الأحمر والحبق والمردقوش
2) تدعك الكبه بالأصابع المبلله حتى تتحول الى كتلة طريه ودبقه
3) تمد الكبه في طبق بيضوي او دائري بواسطة اليدين, ويمهد سطحها بالأصابع المبلله بالماء
4) تزين الكبه بالصنوبر وتقدم مع زيت الزيتون

وإن شاء الله الف صحه وهنا على قلب كل مين أكل

[!!*يـآسـ-ــ-ــ-ــ-ـــر*!!]

http://www.m5znk.com/uploads/images/m5znk-2e4c2bca44.gif

[العميد]

السلام عليكم ورحمة الله وبركاتة

مشكورة اختى على المجهود و الموضوع والطرح المتميز

جزاك الله عنا خير

نتظر منك الجد يد

تسلم ايدك

[الرحمه من عندك يارب]

يسلمووو على المجهود الرائع المتميز تسلم الايادى



http://www.m5znk.com/uploads/images/m5znk-79c2753aee.gif (http://www.m5znk.com)

احمد

[smsma999]

السلام عليكم

ميرسى على مجهودك الرائع فى انتظار مزيدك