مديــــر منتدانــــا ...(( الاخ الفارس )) على كرســــــى الاعتراف [الأرشيف]

شاعر الحب

22-01-2008, 15:40ِPM

http://www.drdcha.com/vb/images/threadbag/mktob11.gif

http://www.drdcha.com/vb/images/threadbag/3losh15.gif

اهلا بكم جميـــعـــــا ..

قد طلبنـــــا من الاخ الفارس ان يجلس على كرسى الاعتراف .. لكــى :

نتعرف اكثر واكثر على مدير منتدانا

وللأخ الفارس الحرية الكاملة دون ابداء أيه أسباب ان رفض أن يجيب على اي سؤال قد يراه محرجا

أو تدخلا في أمور شخصية

الموضوع هدفه التعرف أكثر على اخينا الفارس على الكرسي من واقع اجاباته

وايضا لزيادة روابط الأخوة بين السائل والمسئول

تفضل أخ الفــــارس لاستقبال الاسئلة

http://www.drdcha.com/vb/images/threadbag/wd02.gif

:36_3_12:

شاعر الحب

22-01-2008, 15:46ِPM

يلا بسم الله نبدأ يا فارس :36_1_1:

1- ايــــه هو املك فى الحيــــاة ؟

2- ما هو الذى تتمناه للمنتدى ولم يتحقق حتى الان ؟

3- ايه هو شعورك وانت على كرسى الاعتراف ؟

4- اوصف لنا نفسك فى جملة بسيطة ؟

5- ما هى خططك المستقبلية لموقع دردشة ؟

6- لماذا لا تشارك الاعضاء موضوعاتهم والرد عليهم والقيام ايضا بمواضيع ؟

7- هل ترى عيب فى بعض المشرفين فى اشرافهم على اقسامهم ؟

8- هل تستطيع ان تقول لنا مميزات كل مشرف وعيوبه ؟

كفايــــة كدة النهــــاردة

ولسا التقيل جاى

:36_1_13:

العاشق الرومانسى

22-01-2008, 16:29ِPM

السلامو عليكم ورحمه الله وبركاته اخى الفارس

من غير مقدمات ولا اى حاجه نخس فى الموضوع على طول

ونسأل اوك .... اوك ماشى

1_ ايه هوا اسمك الثلاثى ؟

2_ عمرك والوظيفه بتاعتك ؟

3_ امتى بالظبط فى التاريخ والساعه والثانيه فكرت انك تعمل منتدى دردشه ؟

4_ مين اقرب الاعضاء او المشرفين ليك فى المنتدى ؟

5_ بصراحه بقى انت بتحب ولا كنت بتحب ولا ايه بالظبط ؟؟؟؟؟

6_ ايه اسوأ تجربه مريت بيها فى حياتك ؟؟ وايه احلى تجربه ؟؟؟

7_ نفسك فى ايه يتطور فى المنتدى ؟؟؟

8_ مين المشرفين اللى بتفضلهم ؟؟؟

9_ امتى حسيت ان انت اتعس واحد فى العالم او امتى ندمت اوى على حاجه انت عملتها قبل كده ؟؟

10_ ايه تعقيبك على منتدى دردشه دلوقتى بعد تطوره الملحوظ ؟؟؟

11_ يا ترى جه عليك وقت حسيت بالفراق ؟؟

12_ هل فى يوم من الايام كنت عايز تقول حاجه انت حاسس بيها لشحص عزيز عليك ولسانك مقدرش يعبر عن اللى فى قلبك ؟؟؟

13_ بصراحه عايز اعرف امتى كنت عايز تقضى على شعور جواك ومش قادر تتخلص منه؟؟؟

بس كفايه كده انهارده

يلا وعليكم السلام ورحمة الله وبركاته

شاعر الحب

22-01-2008, 16:35ِPM

ههههههههههههههههههههههه الله اكبر عليك يا عاشق

ولسا طبعا لما الاعضاء يشوفو الموضوع :36_1_13:

مرنـــ حبيبه القمرـــا

22-01-2008, 18:08ِPM

بسم الله الرحمن الرحيم

هلا وغلا اخى الغالى الفارس

:36_3_11:

هلا اول اشى تكون مرتاح على الكرسى منشان ترد

وانت فى منتهى الراحه ماالنا غير راحتك

ههههههههههههه

نبدا الاساله وبتكون غريبه شوى ومنها بفهم الى بدى اياه

هادا مو سوال هادا الك اخى غير الاساله

من الفارس عرفنا بنفسك فى خمس جمل فقط

وهون نبدا الاساله

1- من خلال تلات سنوات فاتو كيف ترى نفسك الان ؟

2- من خلال عيونك ماهى الالوان التى تريحك ؟ وماهى التى تعصبك ؟

3- من أين تستمد حيويتك – طاقتك ؟

4- هل أنت من النوع الخارجي الذي من صفاته : الخارجي والمنفتح على العالم ؟

5-كيف تستقبل المعلومات هل أنت من النوع الحسي الذي

يحب التفاصيل والحقائق .. فهو عملي ؟

6- كيف تتخذ قرارك هل أنت من النوع المفكر او المشاعري ؟

7- كيف تنظم حياتك من حولك ؟

8- هل أنت من النوع المدرك بحواسه ؟

9- وبكل صراحه ووضوح ماهى مزايك وعيوبك ؟

10- اشى اخير بدى اعرفه

شو بيكون حكمك على الاخرين من خلال شو

فكرهم - اخلاقهم -تعاملهم -مناقشتهم- كتابتهم -مبادئهم

اول اختيار عندك بيكون شو

ارجو اختيار واحد منهم واحكى بعد هيك كيف مابدك

وبعد ازنك يكون ردك باسترسال تام

مو كلمه ونصف

نو اخى هادا كرسى اعتراف

والبقيه تاتى

يسلمو استماعك

والك المايك

الك كل احتراماتى

ربى يحميك اخى

خيتك مرنا

:36_1_41:

اللهم لك الحمد والشكر كما ينبغي لجلال وجهك وعظيم سلطانك

سبحانك اللهم وبحمدك أشهد ألا إله إلا أنت أستغفرك وأتوب إليك

شاعر الحب

22-01-2008, 19:44ِPM

ههههههههههههههههههههههههههههه الله اكبر يا مرنا

وطبعا ولسا

كان الله فى عونك يا فارس

عارف عايز تقتلنى :36_1_13:

بسبوسة

23-01-2008, 00:24ِAM

اهئ اهئ اهئ اهئ

بسبوسة

23-01-2008, 00:24ِAM

مشكوررر شاعر

بسبوسة

23-01-2008, 00:30ِAM

http://www.m5znk.com/uploads/9c847aa11c.gif (http://www.m5znk.com)

ياوهوى ياوهوى

ربنا يسامحك ياشاعر

استنى بقى اسال اسئلة سهلة لمدخلش المنتدى تانى :z060:

http://www.m5znk.com/uploads/418281e8cb.gif (http://www.m5znk.com)

ندخل على الاسئلة بقى

1_ اية اكتر حاجة ممكن تنرفزك او تخرجك عن شعور ؟؟؟

2_ اية اكتر حاجة تحبها فى البيت واكتر حاجة تكرهها فيها ؟؟؟

3_ ماذا يعنى الحب بالنسبالك؟؟

4_ ما هو العيب اللى فيك ونفسك تتخلص منة ؟؟؟

5_اية ختطك القادمة للمنتدى ؟؟؟

6_اية اكتر موضوع عجبك فى المنتدى ؟؟؟

7_لو معاك مجموعة من الورود لمن تهديها

معك باقة زهور :اللون الحمر الداكن يعني "افتقدك كثيرا" :لمن :

اللون الاصفر يعني "أنت شمس حياتي" :لمن

اللون الوردي يعني "اعشقك" : لمن:

اللون الابيض يعني "اؤمن بعفتك وطهارتك" : لمن:

اللون البرتقالي يعني "صديقك المخلص والوفي" لمن :

اللون البنفسجي يعني "أتمنى لك كل السعادة والتوفيق" لمن:

اللون الازرق يعني "سأبقى إلى جانبك حتى الموت" لمن

يارب تكون اسئلة سهلة

كفاية كدة هضرب

:z060:

http://www.m5znk.com/uploads/418281e8cb.gif (http://www.m5znk.com)

لـّ~ـيـّ~ـآ‘لـّ~ـي ـآ‘لـّ~ـصـّ~ـمـّ~ـت

23-01-2008, 04:26ِAM

بسم الله الرحمن الرحيم

السلام عليكم ورحمة الله وبركاته

اهـــــــــــــــــــلا شاعر بجد انت دايما

متميز وبتختار دايمـــــــــــــــــــــــــا

افكار رووووووووووووعه بهنيك عليها

************************

اهلا الاخ الغالي الفارس

منورنـــــــــــــــــــــــا

انا هسأل 4 اسئلة بس:

1) بعــــــــض الشخصيات اللي بتحترمها مين في المنتدي؟؟؟

2) بعــــض الشخصيــــــات اللي كانوا كويسين وفكرتك اتغيرت عنهم؟؟

3) افضـــــــــــــــــــــــــــــــــــــــــــــــ ـــــــــــل الاقسام القريبه لقلبك؟

افضـــــــــــــــــــــــل خمس اشخاص في نظرك علي مستوي المنتدي كله؟؟

مع خالص حبي وتقديري

واحترامي للجميع

ليالي

فارس من زمن الرومنسيه

23-01-2008, 19:43ِPM

مشكور اخى الكريم الشاعر على هذا الموضوع الرائع
ولكن هو سوف يكون سؤال واحد فقط للمدير المنتدى
ازاى بتقدر تحل المشاكل الذى توجهك
اتمنى مكنش ضيف تقيل
واتمنى ان اجد الاجابات

الفارس

23-01-2008, 20:03ِPM

السلام عليكم ورحمة الله وبركاته

اولا بشكرك يا شاعر على الموضوع

وبشكر كل اللى وضع اسئلة

وان شاء الله اجاوب على كل الاسئلة ما عدا الاسئلة السياسية :36_1_1:

نقول بسم الله الرحمن الرحيم ونبدأ

شاعر الحب

23-01-2008, 20:25ِPM

هو فى اسئلة سياسية ولا ايه :36_1_13:

ملاك القدس

23-01-2008, 20:31ِPM

اهلا وسهلا بفارس منتديات دردشة

ونبدأ

لمن تهدي وردة حب ؟

لمن تقول

انت خربت حياتي

ندمان اني بيوم عرفتك

الوداع

انت حب عمري

وجودك مهم بحياتي

مقدرش اعيش من غيرك

كان صديق ولكن !!

بصراحة
هل انت راضي عن نفسك ؟؟
ويما حققت لغاية الان ؟؟

قرار اتخذته بعقلك ولكن لم تنفذه ؟؟ ولماذا

ما هي الصفة الي تتمنى ان تغيرها بك ؟

ما هو حلمك الذي لم يتحقق بعد ؟؟

قصيدة او خاطرة ( بيت )
قرأتها فشدتك لها وطبعت في ذاكرتك ؟

اي الايام من الاسبوع تتفائل بها ؟؟

اي الامثال التي تذكرها باستمرار وبكثرة ؟

من من الرجال تصادقه ؟؟
صفاته وكل ما يجعلك تثق به ؟

من من النساء تثق بها
صفاتها وكل ما يجعلك تنبهر بها ؟

ماذا تعني المرأة للفارس ؟؟

كم ايميل خاص ليك ؟؟ ههههههههه

منتدى دردشة ماذا يعني لك ؟؟

تقييمك لموقع دردشة من ناحية تطوره ؟

وهل جنيت منه ربحا ماديا ؟؟

كفاية لغاية كدة وهرجع تاني
هههههههههههههههه
:36_15_9:

الفارس

23-01-2008, 21:03ِPM

نبدء باسئلة الاخ العزيز شاعر الحب

1- ايــــه هو املك فى الحيــــاة ؟

اشوف موقع دردشه اكبر شبكة عربية غنية بمحتواها ومفيدة لكل المستخدمين العرب

وشركة موقع دوت كوم من اكبر شركات خدمات المواقع

2- ما هو الذى تتمناه للمنتدى ولم يتحقق حتى الان ؟

هو مش للمنتدي بس .. للموقع ككل انا عايزه شبكة كاملة

وفيها اقسام اخري كثيرة غير الشات والمنتدي

هو ليا فترة بحضر لها وبخطط ليها لكن حتي الان لم تظهر للنور

3- ايه هو شعورك وانت على كرسى الاعتراف ؟

مبسوط الكرسي واضح انه مريح :36_1_1:

4- اوصف لنا نفسك فى جملة بسيطة ؟

طموح بلا حدود حريص جدا اكره الكذب والظلم

5- ما هى خططك المستقبلية لموقع دردشة ؟

نفس اجابة السؤال الثاني

6- لماذا لا تشارك الاعضاء موضوعاتهم والرد عليهم والقيام ايضا بمواضيع ؟

تعالي مكاني فى نفس الوضع ونفس الظروف المحيطة بي مش هتسال السؤال ده تاني :36_1_1:

بالنسبة للمواضيع انا لا ابخل على المنتدي باي مواضيع مفيدة حسب ما بتسمح ظروفي

واهي مواضيع الفارس

http://www.drdcha.com/vb/search.php?do=finduser&u=42348&starteronly=1

لكن انا بحاول بقدر المستطاع اني اخصص جزء كبير من مجهودي لدردشه وبشارك بس احيانا بيكون هناك اشياء اهم بالمنتدي والموقع تستوجب استنفاذ مجهودي بها

7- هل ترى عيب فى بعض المشرفين فى اشرافهم على اقسامهم ؟

اه اكيد مفييش حد خالي من العيوب

8- هل تستطيع ان تقول لنا مميزات كل مشرف وعيوبه ؟

انا مش هقدر اقولك اسماء لكن هتكلم بصفة عامة

الميزات اللى ممكن تلاقيها فى مشرف

تلاحظ دائما غيرته على قسمه يحاول دائما يطور وينظم ويرتب قسمه

واعي لواجباته الاشرافية ويستغلها لصالح المنتدي وليس لمصلحته الشخصية

تجده قريب جدا من زوار واعضاء قسمه ومعروف لديهم

تجده دائما يفعل اي شىء او يقترح اي شىء عشان ينشط قسمه

اما العيوب فعيب واحد يكفي لترك انطباع سيء عن المشرف

وهو اهماله فى قسمه وعدم الاهتمام هل قسمه ينمو ام لا رغم وجوده بالمنتدي بصفة يومية

لكن الاشراف بالنسبة له تشريف فقط مجرد لون غير الاعضاء فقط

الفارس

23-01-2008, 22:17ِPM

الاجابة على اسئلة الاخ العاشق الرومانسي

1_ ايه هوا اسمك الثلاثى ؟

محمد ابو الحمد الليثي

2_ عمرك والوظيفه بتاعتك ؟

27 سنة والوظيفة صاحب شركة موقع دوت كوم

3_ امتى بالظبط فى التاريخ والساعه والثانيه فكرت انك تعمل منتدى دردشه ؟

في شهر 9 سنة 2006 تقريبا انما اليوم بالظبط مش فاكره

4_ مين اقرب الاعضاء او المشرفين ليك فى المنتدى ؟

ملاك القدس واللورد ميدو والزملكاوي الصامد وهزمه الحب

5_ بصراحه بقى انت بتحب ولا كنت بتحب ولا ايه بالظبط ؟؟؟؟؟

بحب

6_ ايه اسوأ تجربه مريت بيها فى حياتك ؟؟ وايه احلى تجربه ؟؟؟

اسوأ تجربة مريت بها هي تجربة الشراكة جربتها مرتين ورجعتني للخلف ولم تضيف لي

واحلي تجربة نظرا لما استفده منها هى السنة اللى قضتها من الجيش رغم مرورها ببطىء

الا انه بعد انتهائها اكتشفت اني استفد منها الكثير

7_ نفسك فى ايه يتطور فى المنتدى ؟؟؟

فى كذا حاجة لكن من وجهة نظري اهم قسمين قسم المشرفين وقسم الشروحات

دائما بحاجة الى تطوير لانهم اعمدة مؤثرة فى استمرار نجاح المنتدي

8_ مين المشرفين اللى بتفضلهم ؟؟؟

اخاف اقولك انسي بالصدفة اسماء مميزة

9_ امتى حسيت ان انت اتعس واحد فى العالم او امتى ندمت اوى على حاجه انت عملتها قبل كده ؟؟

هو انا بحس اني اتعس واحد فى العالم لما بيأس من شىء لاني من النوع اللى مش بييأس بسهولة

عشان كده لما بيجي يوم واحس باليأس بيكون بعد معاناة وتجارب ومحاولات عديدة ووقتها بحس اني اتعس واحد فى العالم

10_ ايه تعقيبك على منتدى دردشه دلوقتى بعد تطوره الملحوظ ؟؟؟

لا زلنا فى بداية الطريق فى ظل المنافسات الشرسة وكثرة المنتديات العربية

11_ يا ترى جه عليك وقت حسيت بالفراق ؟؟

نعم

12_ هل فى يوم من الايام كنت عايز تقول حاجه انت حاسس بيها لشحص عزيز عليك ولسانك مقدرش يعبر عن اللى فى قلبك ؟؟؟

اكيد

فى بعض الاحيان يعجز اللسان وايضا الفعل على وصف جزء بسيط من اللى بيحتويه قلبك من مشاعر اتجاه شخص معين

13_ بصراحه عايز اعرف امتى كنت عايز تقضى على شعور جواك ومش قادر تتخلص منه؟؟؟

لاء هو دايما مش بسمح لاي شعور جوايا يتعارض مع عقلي لاني دايما بحكم عقلي وبقضي عليه

اما لو اتوافق مع عقلي بنفذه فورا ومش بكبته

heavenes

23-01-2008, 23:00ِPM

http://www.m5znk.com/uploads/23187ee19d.gif (http://www.m5znk.com)
السلام عليكم أحبائي الأمامير,,
أهلا بك أخي فارس علي كرسي الأعتراف,,أو أفضل نطلق عليه جلسة صداقة و حب وود,,
أنا ما عندي أسئلة كتير أسألها لأني عارفة المهم,, و هو أنكم كلكم في منتهي الرقة...
و أنكم شخصيات كتير لطيفة,,,,
لكن مادام المفروض أسألك أخي العزيز...!!!!
لك مني الأتي,,,,,
!_ ما هو أسمي أحساس في الوجود برأيك( طبعا بعد حب الحبيب الأول و ألأخر ...الله.....)...؟؟؟
2- أغمض عينيك لبرهة......من أول شخص ترائي لك..؟؟؟
3-ما المكان الذي تشعر فيه براحة بالغة.....؟؟؟
4-ايهما أبلغ بنظرك....الصمت ام الكلام ؟؟؟
5-أخر سؤال و اهمهم.........ما رأيك بحال المسلمين الأن...؟؟؟
أصمد أخي العزيز ,,,
لكم مني كل الحب ,,,
دمتم برقتكم,,
heavenes,,

شاعر الحب

23-01-2008, 23:16ِPM

اجابات فى منتهى الروعة اخى الفارس

علمنا من خلالها

كم انت شخص جميل ،،،

اخى الفارس دمت لنا

طبعـــا بس لسا مش هسيبك من الاسئلة :36_1_13: :36_1_13:

شاعر الحب

23-01-2008, 23:25ِPM

وهــــا قد عدنــــا من جديد
:36_1_13: :36_1_13:

1- ما هو شعورك عندما قمت فيه بالمنتدى وما هو شعورك بانك انت المدير ؟

2- اذا قولت لك . . . ، ما اغلى ثلاث اشيــــاء فى حياتك .. فماذا تقول ؟

3- تعليقك على مطش مصر والكامرون ؟ :36_1_13:

4- هل رايــــت اشخاص من المنتدى فى الواقع ؟ من هم ؟

5- اراك دائما شخص هادئ ... هل سيطرت عليك العصبية يوما ما ؟

6- هل انت ممن يتعمقون التفكير ؟

7- بكل صراحة اذا قولت لك ... اذا اردت ان ترى اشخاص من المنتدى فمن هم ؟؟ :36_15_9:

8- لمن تقول مستحيل انســـــــاك ؟

9 - عندمـــا تجد نفسك حزين .. قل لنا كيف تتعامل مع حزنك ؟

10- ما هو المكان الذى تذهب اليه عندما تجد نفسك حزين ؟

11- ما رايك فى الحب ؟

12- صديقك اقرب اليك ام حبيبتك ؟ :36_1_51:

الزملكاوي الصامد

23-01-2008, 23:52ِPM

السلام عليكم ورحمة الله وبركاته

اهلا وسهلا اخي الفارس ان شاء الله تكون الاسئله خفيف ولا تزعجك

بسم الله نبدا؟
_ ماذا تفعل في كل من الموقف

1- تحب انسان فجائه يرحل عنك بأذن الله
2- تحب انسان فجائه يخونك
3 - تحب انسان فجائه يخطر بحياته عشانك
4 - تحب انسان بس للأسف ما يكتمل الحب وسبب الاهل
5- تحب انسان هو يحبك كثير بس انت للي تخوان هذا الانسان

مسرور

24-01-2008, 03:14ِAM

اخى الفارس --- بصراحة انا عزرك الاسئلة باين عليها صعبة

الناس دى باين عليها ما صدقت

بس انا بقى هاطلع كويس وهاسئل برضة

معلش منا لازم اسئل

ربنا معاك بقى ندخل على الاسئلة

1 --- لمازا لا تريد الرد على الاسئلة السياسية

2 هل انتة ضد المواضيع السياسية

3 ما هى المواضيع التى تحبها

العاطفية والرومانسية --- ام التى تناقش مشاكل عامة

4 ما هو اللون المحبب اليك

5 ما هى نقطة ضعفك ---- ومتقولش مفيش

6 ما هى احب الاماكن اليك

7 ماهى احلى الاكلات عندك

8 ما هو نوع الورد المحبب اليك

9 ما هى احلى الصفات التى تراها فيك --- وما هى عيوبك من وجهة نظرك

10 من هو الشخص الزى تقول لة ------ ادين لك بالكثير
كفاية وى كدة ولى عودة

شهريار

العاشق الرومانسى

24-01-2008, 10:36ِAM

ماشى يا مسرور وان شاء الله الفارس هيجاوب

على اسئلتك فى اقرب وقت

شاعر الحب

24-01-2008, 12:42ِPM

اهلا بيك يا ذيكو ومسرور منورين

:36_3_12:

جرافيك سكود

24-01-2008, 17:12ِPM

السلام عليكم ورحمة الله وبركاته
فرصة حلوة يشاعر انك كتبت الموضوع ده علشان نتعرف على الفارس
انا هسئله اسئله عادية مش شخصية
1_ اسمك وسنك ووظيفتك
2_ ليه مبتحبش تظهر فى الصورة ليه مش عاوز الناس تتعرف عليك
3_ ايه اكتر شئ بتحبه واكتر شئ بينرفزك او بيعصبك
تقبل مرورى يشاعر

شاعر الحب

24-01-2008, 17:16ِPM

اهلا بيك جرافيك واهلا بيكم كلكم منورين الموضوع

بس بقا الفارس شكله كدة هيقتلنى ههههههههههههههههههههه

مرنـــ حبيبه القمرـــا

24-01-2008, 21:00ِPM

بسم الله الرحمن الرحيم

هلا وغلا شاعرنا الهمام

شو تنقتل شوى عليك

هلا مو قتل هيك اعدام بدون مقدمات

هههههههههه

ويسبقه كاسه عصير ممتاز على حسابك كمان الى

بس فكره ممتازه

يعطيك الف عافيه

يسلمووووووووووووو

مرون

راحل مع الزكريات

24-01-2008, 22:12ِPM

السلام عليكم ورحمه الله وبركاته

اشكرك اخى الغالى شاعر الحب على اعطائنا الفرصه الجميله لكى نتعرف على شخصيه الاخ الغالى والاخ الكبير مؤسس شركه دوت كوم ومدير منتدى دردشه
والاول طبعا نبداء نرحب بيها واتمنا من كل قلبى انه يكون بخير

ونبداء الاسئله

اولا اسئله عامه عن حياتك الشخصيه

س1_ ماذا تقول لمن خانوك ؟؟؟؟؟؟؟؟؟؟

س2_ ماذا تفعل ان خانك صديقك مع حبيبتك ؟؟؟؟؟؟؟؟؟؟؟

س3_ متا بكيت بكاء لم تبكيه طوال حياتك ؟؟؟؟؟؟؟؟

س4_ احكلنا موقف طريف حدث اليك ؟؟؟؟؟؟؟؟؟؟

س5_ كم عدادد اخواتك الحقيقين .؟؟؟؟؟؟؟؟؟؟؟؟؟

س6_ ان كنت تتمنا السفر وتهواة ما هى البلد التى تتمنا ان تزورها ؟؟؟؟؟؟؟؟؟؟؟؟

س7 __ ما هى اهم مميزاتك ؟؟؟؟؟؟؟ واهم عيوبك ؟؟؟؟؟؟؟؟؟؟؟

س8 _ اين تحب ان تجلس ومعك من تحب ؟؟؟؟

س9 _ ما ذا تمثل لك الاستقرار والزواج ؟؟؟؟؟؟

س10_ هل حلمت يوما ان تكون ابا ؟؟؟؟؟؟؟؟؟؟ وما هى احب الاسماء التى تتمنا ان يكون اولادك لهم نفس الاسماء ؟؟؟؟؟

ونبداء الاسئله عن المنتدى

س1_ منتدى دردشه هل حقق ما كنت تحلم بها ؟؟؟؟؟؟؟؟

س2 _ من تتمنا ان يتوجد دائما معك فى المنتدى وتريد ان تراة دائما ؟؟؟؟؟؟؟؟؟

س3_ هل تؤمن ب الحب من خلال الانترنت ؟؟؟؟؟؟؟؟؟؟؟

س4 _ ما هو اجمل قسم ب النسبه اليك ؟؟؟؟؟؟؟؟؟؟

س5_ لماذا لا نجدك على الشات ؟؟؟؟؟؟؟؟؟

س6_ وسؤالى الاخير هل ما زلت غاضب منى ؟؟؟؟؟؟؟
واخيرا رسالتى اليك اخى الفارس بجد انا متاسف لما بدر منى اسائه اليك وارجو ان لا تكون غاضب من اى شئ

واتمنا من الله عز وجل ان تكون بصحه جيدة وتحياتى اليك اخوك راحل او (((((((((( احمد سامى )))))))))

الفارس

24-01-2008, 22:55ِPM

اسئلة الاخت مرنا

هادا مو سوال هادا الك اخى غير الاساله

من الفارس عرفنا بنفسك فى خمس جمل فقط

1- طموح جدا متفائل دائما ان الغد افضل من اليوم

2- انسان بسيط جدا احب الضحك واكرهه وقت الجد

3- احب المواجهة واكره الهروب منها

4- عصبي فى كثير من الاحيان لكن غالبا احاول اتماسك اوقات انجح واوقات افشل

5- كثير التفكير لدرجة التفكير فى اكثر من شيء بوقت واحد وبعتبره عيب فيا نظرا للتشتيت لكن لما بتشتت بلجأ للورقة والقلم واحاول التركيز والتنظيم لكن بالطبع التركيز فى شىء واحد افضل بكثير

1- من خلال تلات سنوات فاتو كيف ترى نفسك الان ؟

والله هو عبارة عن منحني صعد وهبط لكن الحمد لله مع كل هبوط استفادة من اخطائي

بعد السنة الاولي حققت 25% من طريق احلامي وطموحي

بعد السنة الثانية رجعت للصفر مرة اخري

بعد السنة الثالثة حققت 50% والحمد لله فى تقدم ومتفائل خير ان شاء الله

2- من خلال عيونك ماهى الالوان التى تريحك ؟ وماهى التى تعصبك ؟

يريحني الازرق ويستفزني ويعصبني الاصفر المبالغ فيه

3- من أين تستمد حيويتك – طاقتك ؟

من حماسي ومن تشجيع المقربين لي ودعاء والدتي اثق به جدا

4- هل أنت من النوع الخارجي الذي من صفاته : الخارجي والمنفتح على العالم ؟

نعم

5-كيف تستقبل المعلومات هل أنت من النوع الحسي الذي

يحب التفاصيل والحقائق .. فهو عملي ؟

احب التفاصيل والادلة والحقائق

احب استقبل المعلومة كاملة بتفاصيلها ولا احب الملخصات

6- كيف تتخذ قرارك هل أنت من النوع المفكر او المشاعري ؟

اتخذ القرار بعد تفكير عميق وبعيد عن اي مشاعر

7- كيف تنظم حياتك من حولك ؟

التخطيط بالورقة والقلم

8- هل أنت من النوع المدرك بحواسه ؟

نعم فى معظم الاحيان اجد ذلك

9- وبكل صراحه ووضوح ماهى مزايك وعيوبك ؟

مش هتكلم عن المزايا هتكلم بس عن العيوب

احيانا عصبي

مبعرفش اروح اصالح حد في مشكلة بيني وبينه

10- اشى اخير بدى اعرفه

شو بيكون حكمك على الاخرين من خلال شو

فكرهم - اخلاقهم -تعاملهم -مناقشتهم- كتابتهم -مبادئهم

اول اختيار عندك بيكون شو

مبادئهم

انا احترم جدا اصحاب المبادىء واحترم تمسكهم بها تحت اي ضغط او مغريات

ومن بعدها مناقشتهم

الفارس

24-01-2008, 23:16ِPM

اسئلة الاخت بسبوسة

1_ اية اكتر حاجة ممكن تنرفزك او تخرجك عن شعور ؟؟؟

الكذب والاصرار عليه

2_ اية اكتر حاجة تحبها فى البيت واكتر حاجة تكرهها فيها ؟؟؟

اكتر شىء جهاز الكمبيوتر ما بقدرش استغني عنه وبكره اي اعمال صيانة بالبيت من اقل شىء لاكبر شيء :36_1_1:

3_ ماذا يعنى الحب بالنسبالك؟؟

شعور جميل ممكن ان يكون مصدر قوة ودفع للامام

4_ ما هو العيب اللى فيك ونفسك تتخلص منة ؟؟؟

نفسي ابطل سجاير :36_1_1:

5_اية ختطك القادمة للمنتدى ؟؟؟

تعديلات فى طاقم الاشراف وتطوير الموقع ككل وليس المنتدي فقط ليكون شبكة متكاملة تقدم خدمات عديدة

6_اية اكتر موضوع عجبك فى المنتدى ؟؟؟

فى مواضيع كثيرة لكن اكثر مواضيع تعجبني المواضيع المكتوبة باقلام اصحابها

لانه يكفي اجتهاده وتعبه لعمل موضوع يفيد به الاخرين

7_لو معاك مجموعة من الورود لمن تهديها

معك باقة زهور :اللون الحمر الداكن يعني "افتقدك كثيرا" :لمن :

ايهاب صديق لي مسافر

اللون الاصفر يعني "أنت شمس حياتي" :لمن

والدتي

اللون الوردي يعني "اعشقك" : لمن:

ملاك القدس

اللون الابيض يعني "اؤمن بعفتك وطهارتك" : لمن:

والدتي

اللون البرتقالي يعني "صديقك المخلص والوفي" لمن :

الحنون

اللون البنفسجي يعني "أتمنى لك كل السعادة والتوفيق" لمن:

ليكي يا بسبوسة

اللون الازرق يعني "سأبقى إلى جانبك حتى الموت" لمن

ملاك القدس

الفارس

24-01-2008, 23:31ِPM

اسئلة الاخت ليالي الصمت

1) بعــــــــض الشخصيات اللي بتحترمها مين في المنتدي؟؟؟

والله يا ليالي فى شخصيات كتير بحترمها فى المنتدي ومش انا لواحدي اللى بحترمها

لكن في ناس كتير بتحترمها لانهم فرضو احترامهم علينا

لكن اعذريني مش هقدر اقولك اسماء معينة عشان اللى مش هقول اسمائهم هيفتكرو اني مش بحترمهم

2) بعــــض الشخصيــــــات اللي كانوا كويسين وفكرتك اتغيرت عنهم؟؟

برضو مش هقولك اسماء :36_1_1:

لكن هكلمك بصفة عامة

شخص كان يحدثنا من خلف قناع وفجاءة سقط القناع وظهر وجهه الحقيقي

اكيد فكرتي هتتغير عنه

لانه على النت عموما انتي بتكوني انطباعك عن اي شخصية من خلال كتابته او ردوده

او رد فعله على موقف معين فاحيانا البعض يخدعك من خلف الشاشة

لكن مع الوقت بيبدء تدريجيا يظهر وجهه الحقيقي من خلال مواقف معينة بتحصل بينك وبينه او بينه وبين شخص اخر

3) افضـــــــــــــــــــــــــــــــــــــــــــــــ ـــــــــــل الاقسام القريبه لقلبك؟

انا من بداية دخولي للانترنت وانا مغرم دائما باقسام البرامج فى اي منتدي

افضـــــــــــــــــــــــل خمس اشخاص في نظرك علي مستوي المنتدي كله؟؟

بصراحة دردشة فيها شخصيات جميلة ومثقفة جدا بس محتاجين الرعاية من الكل من اول الزائر لحد الادارة

بس برضو مش هقولك اسماء :36_1_1:

معلشي بئا يا ليالي

هي دي الاسئلة السياسية اللى قولت عليها فى اول رد ليا بالموضوع :36_3_12:

الفارس

24-01-2008, 23:45ِPM

سؤال الاخ فارس من زمن الرومانسية

اولا اهلا وسهلا بك وانت منور الموضوع :36_3_12:

بالنسبة لسؤالك

ازاى بتقدر تحل المشاكل الذى توجهك

والله سؤالك بيمثل 90% من يومي

لان انا اصبح يومي كله مشاكل

فلا يوجد اي موقع عليه زيارات كثيرة يخلو من المشاكل

فى شغلي فلا يوجد شغل ايضا يخلو من المشاكل وخصوصا شغل استضافة المواقع

فالمشاكل اليومية ومشاكل العملاء اولي سماته

ولا يوجد اي شخص مهما كان تخلو حياته من اي مشاكل شخصية

عموما فى المشاكل اللى بتواجهني ببحث باول شىء الاسباب الرئيسية للمشكلة

وحاول اجد الحلول للقضاء على اسباب المشكلة نفسها

ولا مانع من تجربة العديد من الحلول من اجل انتقاء افضلها

حتي لا تتكرر المشكلة مرة اخري

وايضا لا اتسرع فى الحل واتريث فى التفكير لان كل ما يهمني هو تقليل فرصة حدوثها مرة اخري

الا اذا كانت المشكلة تطلب حل فوري وجذري وقتها بكون مضطر

وبس :36_1_1:

:36_3_12:

اللورد ميدو

25-01-2008, 12:03ِPM

والان موعدنا مع البيانات المعتاده

الدفعه الاولى

الاسم:-

السن:-

مكان الميلاد:-

مكان الاقامه:-

المؤهل:-

المهنه:-

الحاله الاجتماعيه:-

1- كيف بدات فكرة دردشه؟؟ و متي يوم مولده ؟؟
2- هل انت راضي عن منتدى دردشه حاليا ؟؟
3- هل تؤمن بالحظ ؟؟ و هل انت انسان محظوظ ؟؟
4- في قرارت اتخذتها و ندمت عليها ؟؟ و ما هي ؟؟
5- ما هي احب المنتديات اليك ؟؟

الدفعه التانيه

1... أكثر شيء ممكن يدعو الأدمن للغضب في المنتدى وخارجه ؟

2... هل تحب أن تبقى غامضا بالنسبة للأعضاء ؟ لماذا ؟

3 ... هل أنت من محبي السياحة ؟ اذا نعم

أي بلدان زرتها وأي بلدان حابب تزورها وأي بلد عجبك أكثر؟

4...هواياتك ؟

5... حكمتك المفضلة بالحياة ؟

6... أقرب الأعضاء اليك ؟

7... لو طلبت منك اعطاء تميّز للأعضاء من هم ولماذا؟

8 ... اذا لم تكن الادمن فمكان أي عضو أو مشرف كنت تحب أن تكون ؟

اللورد ميدو

25-01-2008, 12:04ِPM

*بنظرك من هو / ( عادي لو ذكرت اكتر من اسم ..!)

عضو طيب :
عضو لا غنى عن وجوده .:
عضو مرح :
عضو حكيم :
عضو حساس:
عضو عصبي :
عضو بريء:
عضو مشاكس :
عضو نشيط :
عضو متفهم :
عضو متسرع :
عضو مثقف :
عضو هادئ :
عضو ذوقه عالي:
عضو متسامح:
عضو حسيت حالك ظلمته :
عضو بتقدم له اعتذارك :
عضو بتقدم له كلمات الشكر والامتنان :
عضو ترسل له كلمة عتاب :
عضو تتمنى عودته للمنتدى :

*متى تغضب .؟

*على أي اساس ترفع المواضيع الى واجهة المنتدى .؟

*ما تعريف الحريه لديك .؟ وما هي حدودها .؟

*متى تستخدم الطرد من المنتدى كوسيله للعقاب .؟

*أصعب مشكله واجهتك في المنتدى .؟

*هل انت راضٍ عن أداء المشرفين .؟

*من بنظرك من المشرفين يستحق التكريم .؟

شاعر الحب

25-01-2008, 12:47ِPM

ههههههههههههههههههههههه الله اكبر يا لورد

ايه كل الاسئلة دى

بس احسن حاجة عملتها هههههههههههههههههههههههههه

لـّ~ـيـّ~ـآ‘لـّ~ـي ـآ‘لـّ~ـصـّ~ـمـّ~ـت

25-01-2008, 16:46ِPM

هههههههههههههههههه

يعني اسئلتي اللي طلعت سياسية

هههههههههههههههههه

مش مشكله بقي هو فعلا هنا ناس كتير

تستاهل كل خير ولو زكرت ناس هتفضل تكتب كتير

مشكور علي ردك وترحيب باسألتنا كلنا

واجبتك بصدر رحب

قلب القمر

27-01-2008, 02:45ِAM

اسف عالتأخير :36_1_13:

- من الاعضاء قريب الى قلبك بحكم الصداقه؟

-من الاعضاء تتمنى مقابلته شخصيا؟

-أول قسم في المنتدى تدخل له عندما تفتح منتديات دردشة ؟

- يلاحظ عليك إبداع الكلمة وحفظ الأشعار وحسن الأسلوب - ماهي الطريقة التي إتبعتها حتى وصلت لما أنت عليه حاليا - ؟

ما نوع العطر المفضل ؟؟

ما نوع الزهور المفضلة ؟؟

-أمنية وودت أن تحققت ؟

-موقف مضحك صار معك هنا في المنتدى؟

-شخص تكن له الولاء والإحترام ؟

-من أكثر عضوات(أعضاء) المنتدى يحوز (تحوز ) على اهتمامك؟

- شاعرك المفضل ؟

-ذهبت لرحلة خاصة وقيل لك بأنه سيرافقك في هذه الرحلة عضو من المنتدى .. من تتمنى أن يكون هذا العضو ؟

-ثلاث امنيات تتمنى تحقيقها ؟

- عضو (عضوة!) اخرجك عن طورك(اذكره بالاسم)

- هل سجلت بدردشة بأسم آخر غير الذي نعرفك به؟
*

راحل مع الزكريات

27-01-2008, 14:27ِPM

ننتظر الاجبات كى نسئل من جديد اخوكم راحل

ملاك القدس

27-01-2008, 21:37ِPM

السلام عليكم ورحمة الله وبركاته
اعتذر نيابة عن الفارس
هو عنده دور برد

الله يشفيه
وباذن الله هيرجع باقرب فرصة يكمل الردود على اسئلتكم

اختكم ملاك القدس

ياسمين الشام

28-01-2008, 01:48ِAM

السلام عليكم ورحمة الله وبركاته
أولا ... أتمنى للأخ الفارس أن يتعافي ويعود للمنتدى بألف خير وصحه
ثانيا... أنا حزينه على موقف الأخ الفارس كل المنتدى عليه
هم ماصدقوا يتقلهم أنه على كرسي الأعتراف ههههههههههه
أنا رح أستنى ترجع بالسلامة ... وأسألك على راحتي
أختك MEMO

اللورد ميدو

28-01-2008, 14:45ِPM

الف سلامه عليك يا برنس

ربنا يشفيه

ويرجعه لينا بالسلامه

لـّ~ـيـّ~ـآ‘لـّ~ـي ـآ‘لـّ~ـصـّ~ـمـّ~ـت

31-01-2008, 18:17ِPM

الف سلامة عليه ربنا يشفيه

ويرجعه للمنتدي واخواته

بالف سلامة يا رب

راحل مع الزكريات

02-02-2008, 00:36ِAM

لا بجد الف سلامه
وربنا يشفيه ويرجعو لينا ب الف سلامه
اللهم امين

الفارس

08-02-2008, 14:24ِPM

السلام عليكم ورحمة الله وبركاته

انا بعتذر لكم جميعا على هذا التاخير

نظرا للظروف الصحية اللى كنت امر بها

وان شاء الله بواصل الاجابة على كل الاسئلة

اخوكم الفارس

الفارس

08-02-2008, 15:22ِPM

اسئلة ملاك القدس

لمن تهدي وردة حب ؟

ليكي طبعا

لمن تقول

انت خربت حياتي

مفييش

ندمان اني بيوم عرفتك

التدخين

الوداع

التدخين قريبا ان شاء الله

انت حب عمري

انتي طبعا

وجودك مهم بحياتي

رضا الله عن تصرفاتي

مقدرش اعيش من غيرك

طموحي واحلامي

كان صديق ولكن !!

الحمد لله مش فاكر صديق اعتبرته صديق بجد وندمت على ذلك

بصراحة
هل انت راضي عن نفسك ؟؟
ويما حققت لغاية الان ؟؟

الحمد لله راضي عن نفسي تماما

قرار اتخذته بعقلك ولكن لم تنفذه ؟؟ ولماذا

قرار مش هقدر اقول عليه دلوقتي لكنه ان شاء الله بنفذه فى شهر 7 القادم لان هذا توقيته المناسب

وان شاء الله وقتها الكل بيعرفه

ما هي الصفة الي تتمنى ان تغيرها بك ؟

عدم وجود ميعاد ثابت للنوم عندي

ما هو حلمك الذي لم يتحقق بعد ؟؟

اداء العمرة حلم احلم به منذ فترة ولم يتحقق للان

قصيدة او خاطرة ( بيت )
قرأتها فشدتك لها وطبعت في ذاكرتك ؟

فى بيت لاحمد شوقي اتذكره منذ ان كنت صغيرا وهو

والنشء ان اهملته طفلا تعثر في الكبر

اي الايام من الاسبوع تتفائل بها ؟؟

الجمعة

اي الامثال التي تذكرها باستمرار وبكثرة ؟

يسمع من الودن دي ويطلع من الودن دي

كلمة تجيبه وكلمة توديه

الطيور على اشكالها تقع

من من الرجال تصادقه ؟؟
صفاته وكل ما يجعلك تثق به ؟

الصديق الوفي فعلا وليس قولا فقط والذي لديه قدرة على التحمل

واكره اللامبالاه وعدم الاهتمام فى الرجل

من من النساء تثق بها
صفاتها وكل ما يجعلك تنبهر بها ؟

قوة التحمل والحماس وعدم اليأس والصراحة مهما كانت العواقب والابتعاد عن التجمل او الكذب

ماذا تعني المرأة للفارس ؟؟

مصدر راحة او مصدر ازعاج

كم ايميل خاص ليك ؟؟ ههههههههه

كتير لكن لدي ايميل اعتز به وهو اول ايميل لي عام 1999

منتدى دردشة ماذا يعني لك ؟؟

جزء مني ويصعب فصله عني

تقييمك لموقع دردشة من ناحية تطوره ؟

يتطور للافضل لكن هذه الايام يحتاج وقفة

وهل جنيت منه ربحا ماديا ؟؟

لا ولا انتظر منه اي ربح مادي خلال هذه الفترة رغم اني اقدر بكل سهولة

لكني احب التركيز فى الموقع اكثر فالموقع ينقصه الكثير عن اللى فى بالي له

الفارس

08-02-2008, 15:33ِPM

اسئلة الاخت heavenes

!_ ما هو أسمي أحساس في الوجود برأيك( طبعا بعد حب الحبيب الأول و ألأخر ...الله.....)...؟؟؟

ان تشاهد الفرحة والسعادة فى عيون من ساعدتهم دون انتظار منهم اي مقابل

2- أغمض عينيك لبرهة......من أول شخص ترائي لك..؟؟؟

والدتي لاني افكر فيها كثير هذه الايام لانها تمر بازمة صحية فدعواتك لها

3-ما المكان الذي تشعر فيه براحة بالغة.....؟؟؟

المسجد

4-ايهما أبلغ بنظرك....الصمت ام الكلام ؟؟؟

حسب الموقف نفسه والشخص اللى امامك فاحيانا يكون الصمت هو خير رد

وفى احيان اخري بيكون الكلام لا يكفي والصمت يعتبر هروب او ضعف

5-أخر سؤال و اهمهم.........ما رأيك بحال المسلمين الأن...؟؟؟

يزداد سوءا يوم بعد يوم ولا زلنا ننتظر من يوحد صفوفهم جميعا

الفارس

08-02-2008, 15:49ِPM

اسئلة الاخ شاعر الحب

1- ما هو شعورك عندما قمت فيه بالمنتدى وما هو شعورك بانك انت المدير ؟

بالنسبة لمنتدي فهو ليس اول منتدي لي فكان شعورا عاديا بالبداية ثم تطور مع استمرار المنتدي الى عشق

اما شعوري وانا المدير فاشعر بالمسئولية الكبيرة

2- اذا قولت لك . . . ، ما اغلى ثلاث اشيــــاء فى حياتك .. فماذا تقول ؟

والدي ووالدتي والصحة وراحة البال

3- تعليقك على مطش مصر والكامرون ؟

الفراعنة روضو اسود الكاميرون واعطوهم درس قاسي جدا نتيجة لغرورهم واستهانتهم بالمنتخب المصري قبل اللقاء

واتمني استمرار مستوي المنتخب المصري فى باقي المباريات مثل مستوي الشوط الاول واداء مباراة كوت ايفوار امس

ونرجع من غانا والكاس معانا بعد فوزنا على الكاميرون بالنهائي ان شاء الله مرة تانية

4- هل رايــــت اشخاص من المنتدى فى الواقع ؟ من هم ؟

لا بصراحة لكن العكس صحيح شاهد من الواقع فى المنتدي

5- اراك دائما شخص هادئ ... هل سيطرت عليك العصبية يوما ما ؟

هذا ما تراني عليه بالمنتدي لان وضعي يتطلب علي ان احافظ على هدوئي

لكن فى كثير من الاحيان تسيطر عليا العصبية للحظات لكن سرعان ما اعاود واحافظ على هدوئي

6- هل انت ممن يتعمقون التفكير ؟

نعم

7- بكل صراحة اذا قولت لك ... اذا اردت ان ترى اشخاص من المنتدى فمن هم ؟؟

اللورد ميدو وهزيم الرعد والحاج قطيش وزملكاوي ومجد ووائل ... كتير والله الاسماء صحيح وانت اولهم عشان عايز اتخانق معاك :36_1_1:

8- لمن تقول مستحيل انســـــــاك ؟

حب حقيقي مشاعره صادقة

9 - عندمـــا تجد نفسك حزين .. قل لنا كيف تتعامل مع حزنك ؟

بالبحث عن مصدر للسعادة والتفكير فى كيفية الخروج من هذه الحالة

10- ما هو المكان الذى تذهب اليه عندما تجد نفسك حزين ؟

اي مكان يسوده الهدوء والسكون

11- ما رايك فى الحب ؟

شعور جميل لا غني عنه

12- صديقك اقرب اليك ام حبيبتك ؟

لا يوجد اي وجه مقارنة بينهم فالصديق مطلوب والحبيبة مطلوبة

ومن الطبيعي ان يكون الصديق اقرب فى مواقف معينة ومواقف اخري تكون الحبيبة اقرب

الفارس

08-02-2008, 16:00ِPM

اسئلة الاخ الزملكاوي الصامد

_ ماذا تفعل في كل من الموقف

1- تحب انسان فجائه يرحل عنك بأذن الله

قدر الله وما شاء فعل لكن ساحزن كثيرا

2- تحب انسان فجائه يخونك

الوم نفسي لاني اسأت الاختيار

3 - تحب انسان فجائه يخطر بحياته عشانك

افديه بعمري

4 - تحب انسان بس للأسف ما يكتمل الحب وسبب الاهل

كل شيء نصيب ولو في نصيب اكيد هنجتمع بيوم

5- تحب انسان هو يحبك كثير بس انت للي تخوان هذا الانسان

الاجابة على السؤال صعبة ومش عارف لو حصل كده انا ممكن اعمل ايه

لكن عموما انا بكره الخيانة لو حصل كده وندمت نظرا لحبي له

هطلب منه فتح صفحة جديدة واذا رفض لن الومه

الفارس

08-02-2008, 16:26ِPM

اسئلة الاخ مسرور

1 --- لمازا لا تريد الرد على الاسئلة السياسية

مين قال كده ؟؟ لو تقصد اول رد لي بالموضوع ؟؟

شوف هذا الرد على الاخت ليالي الصمت وبتعرف المقصود بالاسئلة السياسية

http://www.drdcha.com/vb/showpost.php?p=563326&postcount=30

بس كانت مجرد دعابة :36_1_1:

2 هل انتة ضد المواضيع السياسية

لا طبعا مش ضدها لكن ضد الاستغلال السيء لها

3 ما هى المواضيع التى تحبها

العاطفية والرومانسية --- ام التى تناقش مشاكل عامة

لا يهمني تصنيف الموضوع بقدر ما يهمني مدي جذب الموضوع والفائدة المكتسبة منه

لكن بوجه عام تشدني المواضيع التي تحتوي اي تكنولوجي جديد

4 ما هو اللون المحبب اليك

الازرق

5 ما هى نقطة ضعفك ---- ومتقولش مفيش

اكيد طبعا مفييش انسان من غير نقطة ضعف

لكن مش من الذكاء بردو لو قولتلك عليها :36_1_1:

6 ما هى احب الاماكن اليك

المسجد

7 ماهى احلى الاكلات عندك

البييتزا - البطاطس - الجمبري - الكشري - مكرونة بشميل

8 ما هو نوع الورد المحبب اليك

الورد البلدي

9 ما هى احلى الصفات التى تراها فيك --- وما هى عيوبك من وجهة نظرك

مش هتكلم عن المزايا هتكلم بس عن العيوب

احيانا عصبي

مبعرفش اروح اصالح حد في مشكلة بيني وبينه

10 من هو الشخص الزى تقول لة ------ ادين لك بالكثير

والدي ووالدتي

الفارس

08-02-2008, 16:41ِPM

اسئلة الاخ جرافيك سكود

1_ اسمك وسنك ووظيفتك

محمد 27 سنة والوظيفة صاحب شركة موقع دوت كوم

2_ ليه مبتحبش تظهر فى الصورة ليه مش عاوز الناس تتعرف عليك

مين قال اني عايز كده ؟؟ مش مظبوط

بدليل اني معاكم دلوقتي بجاوب على كل اسئلتكم

3_ ايه اكتر شئ بتحبه واكتر شئ بينرفزك او بيعصبك

بحب الوضوح ويعصبني الكذب والاصرار عليه

راحل مع الزكريات

16-02-2008, 11:24ِAM

منتظرين باقى الاجبات
كى نعرف اكثر عن مديرنا الغالى

الفارس

18-02-2008, 09:18ِAM

السلام عليكم ورحمة الله وبركاته

اهلا وسهلا بكم جميعا

بعود لتكملة الرد على اسئلتكم

واعذروني على التاخير

شاعر الحب

18-02-2008, 09:31ِAM

لا لا طبعا ولا يهمك :36_1_13:

وشكرا لعودتك اخى الفارس

والف سلامة :36_3_12:

الفارس

18-02-2008, 09:39ِAM

اسئلة الاخ راحل مع الزكريات

س1_ ماذا تقول لمن خانوك ؟؟؟؟؟؟؟؟؟؟

دقة بدقة ولو زدت لزاد السقا

س2_ ماذا تفعل ان خانك صديقك مع حبيبتك ؟؟؟؟؟؟؟؟؟؟؟

يا ساتر

عارف انا مش متخيل الموقف

لدرجة اني مش متوقع ولا عارف انا ممكن اعمل ايه فى موقف زي ده

س3_ متا بكيت بكاء لم تبكيه طوال حياتك ؟؟؟؟؟؟؟؟

وقت وفاة خالي الله يرحمه

س4_ احكلنا موقف طريف حدث اليك ؟؟؟؟؟؟؟؟؟؟

مرة كان عميل بيسالني المطلوب منه عشان يكون عنده موقع على الانترنت

فانا بشرح ليه كالتالي وبقوله انت محتاج حاجتين

1- دومين للموقع ( عنوان الموقع او رابط الموقع)

2- مساحة على سيرفرنا لاستضافة الموقع

لاقيته بيقولي لا انا محتاج موقع واحد بس فاستغربت وقولتله وده المطلوب لاي موقع

رد وقالي مفييش داعي لدومين خليها دوم واحد بس

وهو فاكر كلمة دومين مثني

بس انا سمعت الجملة دي وموت من الضحك ومعرفتش اكمل معاه اي كلام

س5_ كم عدادد اخواتك الحقيقين .؟؟؟؟؟؟؟؟؟؟؟؟؟

عدد اخواتي الحقيقيين واحد والوهميين صفر :36_1_1:

س6_ ان كنت تتمنا السفر وتهواة ما هى البلد التى تتمنا ان تزورها ؟؟؟؟؟؟؟؟؟؟؟؟

فرنسا نفسي ازورها

س7 __ ما هى اهم مميزاتك ؟؟؟؟؟؟؟ واهم عيوبك ؟؟؟؟؟؟؟؟؟؟؟

مش هتكلم عن المزايا هتكلم بس عن العيوب

احيانا عصبي

مبعرفش اروح اصالح حد في مشكلة بيني وبينه

س8 _ اين تحب ان تجلس ومعك من تحب ؟؟؟؟

على البحر

س9 _ ما ذا تمثل لك الاستقرار والزواج ؟؟؟؟؟؟

مرحلة انتقالية لها حسابات اخري

س10_ هل حلمت يوما ان تكون ابا ؟؟؟؟؟؟؟؟؟؟ وما هى احب الاسماء التى تتمنا ان يكون اولادك لهم نفس الاسماء ؟؟؟؟؟

نعم .. ادهم و نور

ونبداء الاسئله عن المنتدى

س1_ منتدى دردشه هل حقق ما كنت تحلم بها ؟؟؟؟؟؟؟؟

حققت جزء منه واسعي لتحقيقي المزيد ان شاء الله

س2 _ من تتمنا ان يتوجد دائما معك فى المنتدى وتريد ان تراة دائما ؟؟؟؟؟؟؟؟؟

بصراحة نفسي كل الاعضاء المسجلين اشوفهم متواجدين بالمنتدي

س3_ هل تؤمن ب الحب من خلال الانترنت ؟؟؟؟؟؟؟؟؟؟؟

نعم مثله مثل اي حب يمكن ان يولد فى مكان اخر لكن لا اؤمن بالحب من اول ضغطة كيبورد

فالحب من خلال الانترنت اذا نجح تجد انه يسبقه فترة صداقة قوية بين الطرفين تعرفو جيدا على بعض من خلالها

س4 _ ما هو اجمل قسم ب النسبه اليك ؟؟؟؟؟؟؟؟؟؟

لو تقصد الاجمل من حيث المحتوي فانا فى نظري اجمل الاقسام من قام مشرفيها ببنائها من الصفر ونجحو فى جذب العديد من الزوار لهذه الاقسام بعد ان كانت مهجورة

اما المفضل لي هي اقسام البرامج والدروس والشروحات

س5_ لماذا لا نجدك على الشات ؟؟؟؟؟؟؟؟؟

كنت زمان ادخل كثيرا لكن حاليا لا اجد وقت

س6_ وسؤالى الاخير هل ما زلت غاضب منى ؟؟؟؟؟؟؟

لا يا اخ راحل عفا الله عما سلف

الفارس

18-02-2008, 09:40ِAM

لا لا طبعا ولا يهمك :36_1_13:

وشكرا لعودتك اخى الفارس

والف سلامة :36_3_12:

اهلا اخي شاعر

الله يسلمك :36_3_12:

الفارس

18-02-2008, 10:09ِAM

اسئلة اللورد ميدو

الدفعه الاولى

الاسم:-

محمد

السن:-

27

مكان الميلاد:-

القاهرة

مكان الاقامه:-

القاهرة

المؤهل:-

بكالوريوس تجارة

المهنه:-

صاحب موقع دوت كوم .. ومصمم ومطور مواقع

الحاله الاجتماعيه:-

اعزب

1- كيف بدات فكرة دردشه؟؟ و متي يوم مولده ؟؟

فكرة دردشه كوقع بدأت فى لحظة وكان عمل موقع للدردشه فقط

واسمه يدل على الدردشه

وتم تسميته دردشه وتم حجز الدومين والبدء فيه

اليوم بالظبط مش متذكر لكن تقريبا اخر ايام عام 2005

2- هل انت راضي عن منتدى دردشه حاليا ؟؟

نعم الحمد لله

3- هل تؤمن بالحظ ؟؟ و هل انت انسان محظوظ ؟؟

لا لكن اؤمن بتوفيق الله ومن جد وجد

بخصوص اني محظوظ ولا لا

انا مؤمن تمام اني لما بتعب فى شيء ان ربنا مش هيخلي التعب ده عالفاضي

عشان كده انا عمري ما بعلق فشلي على الحظ

4- في قرارت اتخذتها و ندمت عليها ؟؟ و ما هي ؟؟

اكيد طبعا لان الانسان دايما مش بتكون كل قرارته صح

ولا يوجد انسان معصوم من الخطأ

5- ما هي احب المنتديات اليك ؟؟

بوابة العرب باعتباره اول منتدي ادخله وكنت اتواجد فيه كثيرا واحبه جدا

الدفعه التانيه

1... أكثر شيء ممكن يدعو الأدمن للغضب في المنتدى وخارجه ؟

اهمال المشرف فى قسمه , اختفاء حماس العضو عند ترقيته لمشرف

2... هل تحب أن تبقى غامضا بالنسبة للأعضاء ؟ لماذا ؟

على فكرة انا من اول يوم بالموقع وفى الشات بتعامل بطبيعتي جدا

يمكن بالاول اخفيت عالجميع اني صاحب الموقع

بس كان لغرض فى بالي وهو الابتعاد عن المجاملات والعشم وخلافه

لكن بعد ما عرفتو اني صاحب الموقع انا بجاوب على اي سؤال بدون اي تحفظ

والدليل اهو بجاوب على كل اسئلتكم فى الموضوع هنا

3 ... هل أنت من محبي السياحة ؟ اذا نعم

أي بلدان زرتها وأي بلدان حابب تزورها وأي بلد عجبك أكثر؟

نعم انا بحب السياحة لكن للاسف انا ما زورت اي بلد خارج مصر

4...هواياتك ؟

كرة القدم والسباحة والبلياردو والبولينج وقديما القراءة وحاليا بديلها تصفح الانترنت

5... حكمتك المفضلة بالحياة ؟

من جد وجد

6... أقرب الأعضاء اليك ؟

ملاك القدس والحنون و لذيذ ورايق

7... لو طلبت منك اعطاء تميّز للأعضاء من هم ولماذا؟

الحاج قطيش الجندي المجهول بالمنتدي

8 ... اذا لم تكن الادمن فمكان أي عضو أو مشرف كنت تحب أن تكون ؟

هزيم الرعد وملك الحب فى قسم البرامج

اللورد ميدو

18-02-2008, 19:16ِPM

اخي الفارس

شكرا على ايجابات

ربنا يوفقك يا باشا

بسبوسة

18-02-2008, 20:25ِPM

http://www.m5znk.com/uploads/87009c46f0.gif (http://www.m5znk.com)

http://www.m5znk.com/uploads/58e94cd6aa.gif (http://www.m5znk.com)

اهلا بيك اخى الفارس معانا من تانى

وميرسى كتير ليك على متابعتك معانا والرد على كل الاسئلة

وبصراحة من اجاباتك تدل انك انسان ناضج فكريا لبق مثقف صريح جدا

بسم الله ما شاء الله عليك بجد بدون حسد ههههههههههه

انا لو هرد على كل الاسئلة دة كان زمانى اغمن علية

هههههههههههههههههههههههههههههه

ربنا يقويك على الاسئلة دة كلها

دمت بكل خير وود ومشكورررر مروة تانية

http://www.m5znk.com/uploads/2724fb60e4.bmp (http://www.m5znk.com)

ودائما منورنا بوجودك العطر

راحل مع الزكريات

20-02-2008, 10:59ِAM

اشكرك اخى الفارس على اجبتك على اسئلتى ولى عودة مرة اخرة ولكن حين تنهتى من بعض الاسئله اخوك راحل

خفايا الروح

13-03-2008, 16:04ِPM

بسم الله الرحمن الرحيم

مســاءكم ورد :36_3_12:

مسـاءكم معطر بروح الصفــاء

تتلألأ فيـــه نجـــوم السمـــاء

وتتهــاتف نسماته بالأخــــاء

مساء زهــراَ ينثـــر شذاه

في ربـــوع ((منتديات ودردشه )) :36_15_16:

تحيـــة معطــرة بالحب والسخـــاء

اهلا وسهلا بك أخي العزيز{الفارس}
:36_6_7:
في (( كرسي الاعتراف ))

نتمنى فعلا أن يكون مريحــا :36_11_13:

بما انى اول مره اشارك فى كرسى الاعتراف :36_7_7:

وعضو جديد وممكن انطرد عشان انا رخم فى الاسئله :36_7_8:

نبدأ الاسئله :36_6_7:

احم احم احم احم احم

بسم الله نبدأ و على بركته نستعين

المدير الغالي الفارس

بسم بالله و اتمنى انك تكتب بيمينك و فكر على راحتك << يحضر ماجستير :36_1_13:

1) ما هو برجك؟

2)طريقة تصحيك من النوم تكرهها؟

3)اطول مرة مشيت فيها بحياتك؟

4) موقف لن تنساه و تعلمت منه درس ؟

5)برنامج تموت فيه و لو يفوتك تحاول تجيبه من النت او من اصدقائك < من البرامج اللي ممكن تسجلها عشان تشوفها؟

6) هل انت راضي عن شكلك و مظهرك؟ <<< بينجلد :36_7_7:

7) انسان نفسك تقوله شكرا؟

ساكن في شقه او فيلا و ملك و لا تأجير و اذا تأجير كم الاجار ؟

9) كم وجبة تاكل في اليوم؟

10) هل تحس انك محبوب - عادي - مكروهـ؟

11) ايه اكثر شيء يعجبك في منتديات ودردشه؟

12) اختار خمس اعضاء و وجه لهم كلمة ( شكر - عتاب - نصيحه - مزح ) اللي يعجبك ؟

13) ايه الماده اللي كنت تكرهها موت ايام الدراسه؟

14) من هم الجنس الاخر في حياتك ( كائنات لطيفه - اخوات و صديقات - اخصامك و اعدائك) ؟

15) مراحل مريت بها في حياتك تتمنى انك تمسحها او تسجل عليها؟

16) هل تعتبر نفسك ناجح ام فاشل؟

متى تحس انك في متاهه؟

في المنتدى: :36_1_39:

عضو تتمنى تكون مثله=

عضو تغار منه =

عضو ترتاح له=

عضو رافع ضغطك= > مش انا صح :36_1_13:

عضو نفسك تعرف من هو=

في النت: :36_15_16:

موقع ما يمر يوم الا و تخشه=

موقع تحب تتردد عليه=

موقع نفسك تخترقه=

موقع تتمنى انه ملكك=

موقع تحس انه فاشل=

في البرامج:

برنامج ما تستغني عنه=

برنامج قاهرك بس تحتاجه=

برنامج تحب تستخدمه=

برنامج ودك تدخل فيه=

برنامج تعرفه من زمان و ضيعته و ما عرفت تجيبه و نفسك فيه=

في الاجهزة:

احلى جهاز كمبيوتر بنظرك=

جوال نفسك يكون عندك=

جهاز نفسك يخترعونه ايه بيكون=

جهاز تحس انه اجمل اختراع في الكون=

جهاز ما تستغني عنه في سيارتك=

في المنزل:

احب مكان تجلس فيه=

اكثر شيء تسويه=

مكان تحب تكون فيه لحالك=

كم عدد الغرف في بيتكم=

كم مره تروح المطبخ في اليوم= :36_1_51:

في حياتك العامه:

نظام نفسك يغيرونه=

نظام نفسك يطبقونه=

نظام نفسك يلغونه=

شيء نفسك تتخلص منه=

و اخيراَ اتمنى لك التوفيق في الاجابه على الاسئله و تقبل مني احلى التحايا <<< راح يتخبى تحت البطانيه :36_1_13:

خفايا الروح > الا بينا ها ينطرد

MAJD

27-03-2008, 14:41ِPM

اخى العزيز الفارس الف سلامه عليك ويارب تكون بصحه وسلامه على طول ...
جئت هنا انا وبجعبتى اسئلة تعانق سطروك الجميلة والتي تحمل الكثير من الإطراء .

خاصة بين حروف هذه الجملة تميّز يفوق حدود الحبر .......
سابحر قليلا ببحرك العميق .....

لااتذوق بك ماهو اجهلة عنك ؟ اتمنى ان اكون طيف خفيف عليك ؟؟؟

السؤال الاول :

كيف يكون الإداري ناجحا؟

السؤال الثاني:

ماهي المتاعب التي تواجهك في المنتدى؟

السؤال الثالث:

ماذا تعني لك هذه الكلمـــات :

البحــر :

السمــاء:

الام:

الوطــن:

البيت:

النت:

السؤال الرابع :

أول فكره او انطباع كونته عن أول ما شفت مشاركات الاخوه في المنتدى؟؟

اللورد ميدو

الزملكاوي

مجد

وائل

شاعر الحب

ملاك القدس

هزيم الرعد

ومن الاعضاء:

الحاج قطيش

بسبوسة

السؤال الاخير

ماأقرب شيء لروح الفارس يشتاق اليه ويعشقه كثيرا ؟

بتوفيق لك اخي الفارس

وبتمنى تكون اسئلتي خفيفه علي قلبك