الاخت الفاضة هديل على كرســى الاعتراف

[شاعر الحب]

http://www.drdcha.com/vb/images/threadbag/post07.gif



طلبت الأخت هديل أن تجلس على كرسي الاعتراف


لاستقبال أيه اسئلة من الأخوة الأعضاء

فلها ذلك


وللأخت هديل الحرية الكاملة دون ابداء أيه أسباب ان رفض أن تجيب على اي سؤال قد تراه محرجا

أو تدخلا في أمور شخصية

الموضوع هدفه التعرف أكثر على العضو الجالس على الكرسي من واقع اجاباته

وايضا لزيادة روابط الأخوة بين السائل والمسئول

في النهاية هو موضوع بمنتدانا نطمع فيه من الفائدة

تفضلى اخت هديل لاستقبال الاسئلة

:36_1_39:

[هديل]

السلام عليكم ورحمة الله وبركاته

انا عارفه اني هندم اني طلبت الكرسي ههههههههههههههههههههه

طيب انا مستعده وربنا يستر

يلا مستنيه الاسئله وبلاش الشخصيه مش هرد عليها :z060:

سلام :36_3_12:

[همس الليل الحزين]

*** ليه طلبتى تكونى موجودة على كرسى الاعتراف ...

*** هل بتحبى الأطفال .. ولو ربنا كرمك وبقيتى أم فى يوم من الأيام هتسمى ابنك او بنتك باسم ايه ...

*** هل أنتى مرتبطة أو كنتى مرتبطة ...

*** ما هو اسم حبيبك او اللى كان حبيبك الاسم الحقيقى ...

*** كم مرة بأمانة طلب منك أن يتم الارتباط بيكى من شباب وانتى رفضتى ...

*** ما هى أسوأ صفة بالنسبالك بتكرهيها فى اى شخص ...

*** كم عدد ايميلات الشباب اللى عندك ...

*** ما هى مواصفات زوج المستقبل ...

*** من هو اكتر شخص كان سبب فى تغيير حياتك او كان نقطة تحول فى حياتك ...

*** ما معنى الحب فى نظرك ...

*** لو مسكتى المنتدى اشراف كامل بدل " الفارس " هتكون خططك ايه لاحداث مزيد من الابداع او التغيير من وجهة نظرك

*** كم مرة تعرضتى للمضايقات او المعاكسات ...

*** كم سؤال من اللى طرحتهم هتمتنعى عن اجابتهم ...


" اختلاف الراى لا يفسد الود احنا اخوات " :36_1_1:

[هديل]

السلام عليكم ورحمة الله وبركاته

*** ليه طلبتى تكونى موجودة على كرسى الاعتراف ...

انا طلبت الكرسي عشان اعتبرتو تحدي ليا وبيه هشوف اقدر امتلك الشجاعه و اجاوب على الاسئله ولا لاء


*** هل بتحبى الأطفال .. ولو ربنا كرمك وبقيتى أم فى يوم من الأيام هتسمى ابنك او بنتك باسم ايه ...

اه انا بموت في الاطفال وبعشقهم ولو ربنا كرمني وده بايد ربنا طبعا

ان كان ولد هسميه محمد على اسم الرسول عليه افضل الصلاة والسلام ولو بنت هسميها هبة عشان هتكون هبه من عند ربنا

*** هل أنتى مرتبطة أو كنتى مرتبطة ...

اه مرتبطه

*** ما هو اسم حبيبك او اللى كان حبيبك الاسم الحقيقى ...

ممكن ماجوبش على السؤال ده معلش

*** كم مرة بأمانة طلب منك أن يتم الارتباط بيكى من شباب وانتى رفضتى ...

بصراحه كتير ومش فاكرة كام

*** ما هى أسوأ صفة بالنسبالك بتكرهيها فى اى شخص ...

النفاق


*** كم عدد ايميلات الشباب اللى عندك ...

4 شباب :36_7_7:


*** ما هى مواصفات زوج المستقبل ...

اهم حاجه يكون بيعرف ربنا وملتزم بدينه

*** من هو اكتر شخص كان سبب فى تغيير حياتك او كان نقطة تحول فى حياتك ...

اكتر شخص يمكن اقلك غير حياتي هو الانسان الي اديتو قلبي وحبيتو

*** ما معنى الحب فى نظرك ...

الحب هو شعورجميل متبادل بين طرفين بيكون مبني على الثقه والتفاهم

*** لو مسكتى المنتدى اشراف كامل بدل " الفارس " هتكون خططك ايه لاحداث مزيد من الابداع او التغيير من وجهة نظرك

اول حاجه هعملها اوقف عضويتك على اسئلتك الكتيرة دي :z060:

بصراحه معنديش خطط مابفهمش في المجال ده خليني عضوة بس :36_11_13:

*** كم مرة تعرضتى للمضايقات او المعاكسات ...

كتير يمكن مرة او اتنين في اليوم بس مش كل يوم مش كتير اوي

*** كم سؤال من اللى طرحتهم هتمتنعى عن اجابتهم ...

واحد بس


شكرا على اسئلتك يور ولكم

تحياتي لك :36_3_12:

[همس الليل الحزين]

يشرفنى اجاباتك الصريحة والواضحة وعلى شجاعتك ومفتكرش انى هيبقى عندى الجرأة فى يوم من الأيام اقعد على كرسى الاعتراف عشان عارف انك هتفرمينى اسئلة عشان تاخدى تارك ... وبعدين هو حضرتك ملكة جمال اليونان كل يوم بتتعاكسى مرة او مرتين خلاص مفيش غيرك فى البلد ... انا بهزر تقبلى مرورى المتواضع فى صفحتك واتمنى لكى مزيد من الابداع فى موضوعاتك الجميلة اللى بتابعها على اد مقدر وربنا يوفقك يا قمر

:36_3_12:

[بسبوسة]

السلام عليكم ورحمة الله وبركاته


هدولة اهلا بيكى معانا فى كرسى الاعتراف


مممممممممممممممممممم هسالك فى اية


بفكر


بفكر


1 _ مين اكتر اتنين بتحبيهم فى المنتدى وبتحترمين زى اخواتك من الشباب والبنات؟؟


2_ من العضو او العضوة اللى ملاحظة مجهودة وبتتمنى يكون مشرف فى المنتدى ؟؟؟


3_ اية اكتر 5 مواضيع لفتت انتباهك فى المنتدى من يوم ما اشتركتى فية؟؟؟


4_عرفاكى بتحبى الاكل اية اكتر اكلة بتحبيها ؟؟؟


5_اية شعورك لما فارس عطاكى شرف الاشراف ؟؟؟


6_اية هواياتك المفضلة؟؟؟


7_ اية اكتر حاجة ممكن تنرفزك وتخليكى تخرجى عن شعورك؟؟؟


8 _لو حبيبك لقتية حب واحدة عليكى ا اية هيكون تصرفك؟؟؟

[هديل]

يشرفنى اجاباتك الصريحة والواضحة وعلى شجاعتك ومفتكرش انى هيبقى عندى الجرأة فى يوم من الأيام اقعد على كرسى الاعتراف عشان عارف انك هتفرمينى اسئلة عشان تاخدى تارك ... وبعدين هو حضرتك ملكة جمال اليونان كل يوم بتتعاكسى مرة او مرتين خلاص مفيش غيرك فى البلد ... انا بهزر تقبلى مرورى المتواضع فى صفحتك واتمنى لكى مزيد من الابداع فى موضوعاتك الجميلة اللى بتابعها على اد مقدر وربنا يوفقك يا قمر

:36_3_12:


العفو بس انت عارف لو قعدت على الكرسي مش هعتقك وده اكيد ههههههههههههههه

انا يا سيدي مش ملكة جمال اليونان بس بقالي مده كبيرة اوي ماتعاكستش قلت اكدب شويه هههههههههههههههههههههه

ميرسي على مرورك العسل

تحياتي ليك

:36_3_12:

[راحل مع الزكريات]

اهلا اختى هديل نورتى الكرسى

معلش بقا هسئلك اسئله صعبه شويه بس استحملينى ما انا كنت قبلك ودوقت الويل

يلا بسم الله
س_1 هل حققتى ما كنت تحلمى به فى حياتك ؟؟؟؟؟؟؟؟؟ وما هو هذا الحلم الذى حققيته ؟

س2_ هل تشعرين ب الوحدة فى حياتك ان كان اجبتك بنعم فلما ؟

س3_ هل ندمتى على شئ فعلتيه فى حياتك ؟
س4_ ما هو الموقف الحزين الذى بكا كى بكاء مرير ؟

س5_ ما هو هدفك فى حياتك ؟

س6_ اصعب قرار خدتيه وانتى متضر لذلك ؟

س7_ هل انتى سعيدة فى حياتك

والى هنا انتهى من اسئلتى العامه انتظرى منى عودة مرة اخرى وهسئلك المرة اللى جايه اسئله عن المنتدى بس اوعى تعورينى ههههههههههههه

[قلب القمر؟]

ازيك يا هديل يا قمر يلا استعدى للاسئله

لو ينفع تقابلى حد من المنتدى هيبقى مين وليه؟؟
أحب أوقاتك متي ومع من؟
هل أنتي ممن يقتنعون بسرعه؟
ماهي أحسن صفه فيكي , وماهي أسوء صفه فيكي؟
ماهو شعورك عندما يطرح عليكي سؤال تعجزي عن الرد عليه؟
اسواء موقف او ذكرى حصلت لكِ ؟
ماهي نقطة ضعفك ؟
- متى أخر مره بكيتي حزناً ومتى فرحاً ؟

معلش بقى يا هديل استحملينى بس فاضل سؤال
تحبى اعدى عليكى تانى واسئلك ولا استكفيتى منى؟؟
تقبلى مرورى قلب القمر؟

[هديل]

بس بس حوبي مش قلتلك متدخليش ض9

ماشي يا عسل هجاوبك على اسئلتك ض21

1 _ مين اكتر اتنين بتحبيهم فى المنتدى وبتحترمين زى اخواتك من الشباب والبنات؟؟

اكتر اتنين من الشباب

شاعر الحب وسيف الاسلام

اكتر اتنين بنات

اممممممم هما كتير مش اتنين بس

ايمان مروون وبسبس جوبي والحب الكبير وليالي ونسمه .....بصراحه بحب كل البنات في المنتدى كلهم شربات


2_ من العضو او العضوة اللى ملاحظة مجهودة وبتتمنى يكون مشرف فى المنتدى ؟؟؟

بصراحه ومن غير مجامله انتي اكتر وحده بشوفها نشيطه اليومين دول وبجد تستاهلي الاشراف


3_ اية اكتر 5 مواضيع لفتت انتباهك فى المنتدى من يوم ما اشتركتى فية؟؟؟

اكتر 5 مواضيع لفتت انتباهي هي

1 موضوع مسلسل العائله بطولة اعضاء المنتدى لشاعر الحب

2 موضوع هزمه الحب بتاع اغتصاب مراهق من قبل خادمه

3 موضوع الكنز الاسلامي الي عاملو سيف الاسلام

4 موضوع نسمه الي شردتك فيه انتي وليالي وانتو عمالين تطبخو محشي هههههههههههه

5 موضوع عفريته هانم هي منزلاه من يومين بتاع يقال ان الصمت ابلغ لغات الكلام

4_عرفاكى بتحبى الاكل اية اكتر اكلة بتحبيها ؟؟؟

بحب الاكل كلو بس اكتر حاجه بحبها البيتزا مع الكولا


5_اية شعورك لما فارس عطاكى شرف الاشراف ؟؟؟

طبعا كنت فخورة عشان ده شرف ليا مع انو في نفس الوقت مسؤوليه وربي يقدرني افضل على المستوى المطلوب


6_اية هواياتك المفضلة؟؟؟

غير الاكل امممممممممممم السباحه والرسم والنوم والتغليس على الناس


7_ اية اكتر حاجة ممكن تنرفزك وتخليكى تخرجى عن شعورك؟؟؟

عادة مش بتنرفز بسرعه بس اكتر حاجه هي لما يكون الشخص الي قدامي بكلمو وهو مش معبرني بيخليني اتنرفز


8 _لو حبيبك لقتية حب واحدة عليكى ا اية هيكون تصرفك؟؟؟

مدام حب وحده تانيه هقول ايه الله يسهلو طبعا هنجرح بس مش هرجعلو

عشان اكيد لقى في البنت دي مواصفات ملقهاش فيا وانا مش هحاول اقلدها عشان يرجعلي




وانا يا بت هخلص الاجوبه وجيالك على طول ميل اخنقك خصوصا بسبب السؤال الاخير ده ض9

[الحــــــب كــــــــدة]

نبدا بالاسئلة بلاش صداع

1 انتى لية كل شوية تقولى حتسيبى الشات ؟


2 بسمع انك بتحبى حد مش مهم الاسم قولى احسن صفاتوا واوحش صفاتوا بس متعمليش فيها الملاك البرئ وتقولى ملهوش ض18؟


3 دة سؤال بينى وبينك مش قصدى حاجة اية رايك فى الحب عن طريق الشات ؟

4 بجد اصلا بتحبى حتا لو قالك اى حاجة مهما كانت ؟


5 انتى حاسة انك مرتاحة وانتى سوبر ولا يوزر عادى ؟


6 بتحسى باية لما تطردى حد وهو مظلوم او العكس؟

7 بتحبى تاكلى اية ههههههههه؟

8 الى بتحبية بتقوليلوا بحبك كام مرة فى اليوم ؟

9 افرضى حد وجالك وقالك بحبك بجد تقولى اية ؟

10 حتعزمى واحد بس على العشا مين ولازم ولد مش بنت ؟

السؤال العاشر دة علشان نعرف بتحب مين بس كلام فى سركم ض2 ههههههههه

ردى ياختى

http://www.nichibeianime.com/cels/meitantei_conan/d01153.jpg

[هديل]

اهلا بيك يا راحل من ناحية هعورك هعورك طبعا لو شفت وشك هنا تاني :36_1_4:

بسم الله هرد على الي يقدرني عليه ربنا

س_1 هل حققتى ما كنت تحلمى به فى حياتك ؟؟؟؟؟؟؟؟؟ وما هو هذا الحلم الذى حققيته ؟

انا بصراحه لسه محققتش حلمي عشان انا لسه مش مستقرة في شغلي

وحلمي هو اني ارد ولو جزء بسيط لوالدي ووالدتي الي تعبو عشاني وخلوني مش نقصاني حاجه والحمد لله ونفسي بجد اريحهم

س2_ هل تشعرين ب الوحدة فى حياتك ان كان اجبتك بنعم فلما ؟

نعم انا الوحده كانت ملزماني من وانا صغيرة ودي اصعب حاجه ان الانسان يعشها
بس الحمد لله انا دلوقتي عندي اصحاب كتير وبحبهم ومش عايزة ارجع للوحده الي عشتها في يوم من الايام
وانا يمكن اتخلصت منها من سنتين بس واختلطت بالعالم

س3_ هل ندمتى على شئ فعلتيه فى حياتك ؟

اكيد مفيش حد مننا هيكون مندمش على حاجه عملها في حياتو مع ان الندم مش بيفيد بس نقول الحمد لله على كل حال

س4_ ما هو الموقف الحزين الذى بكا كى بكاء مرير ؟

الموقف الي اقدر اقول بكاني بكاء مرير هو لما اتوفت جارتنا كنت بعتبرها زي جدتي وانا اتولدت على اديها

الله يرحمها ويسكنها فسيح جناته

س5_ ما هو هدفك فى حياتك ؟

هدفي اني استقر في حياتي العملية ومخليش الناس القريبين مني والي بحبهم محتاجين حاجه


س6_ اصعب قرار خدتيه وانتى متضر لذلك ؟

اصعب قرار والله مش فاكرة اني اخدت قرار صعب في حياتي وانا مظطرة



س7_ هل انتى سعيدة فى حياتك

يعني مش هقول سعيده مية في المية بس الحمد لله راضيه بحياتي حتى لو مخدناش من الدنيا كل الي بنتمناه


سلام يا راحل واتمنى اني اكون رديت على كل اسئلتك

يور ولكم

تحياتي

:36_3_12:

[بسبوسة]

ميرسى ياهدولة على اجاباتك

بس شفتى انا اسهل اسالة

عشان انتى حببتى مرضتش اغلس


اى خدعة

[هديل]

ازيك يا قلب نورتي يا قمر

واكيد تشرفيني مرة تانيه بس ارحميني شوية عدي عليا السنه الجايه هههههههههههههههه

واتفضلي يا عسل اجوبتي

لو ينفع تقابلى حد من المنتدى هيبقى مين وليه؟؟

نفسي اقابل البت بسبوسه عشان اموت واعرف هي ليه كل مرة بتكلمني بتفضل تضحك هههههههههههههههه

نفسي اشوفها وهي فاتحه بقها ههههههههههههههههههههه


أحب أوقاتك متي ومع من؟

احب اوقاتي لما بكون مع الشخص الي بحبو واكيد مع اخواتي في المنتدى مت؟ بالليل عشان ده الوقت الي بدخل فيه للنت


هل أنتي ممن يقتنعون بسرعه؟

يمكن اقتنع بسرعه ويمكن لاء ده حسب الشخص الي بيثبتلي وجهة نظرو وطريقة اقناعو واكيد تكون في حجه مقنعه


ماهي أحسن صفه فيكي , وماهي أسوء صفه فيكي؟

احسن صفه فية يمكن انا طيبه هههههههههه اسوء صفه فيا عصبيتي


ماهو شعورك عندما يطرح عليكي سؤال تعجزي عن الرد عليه؟

برتبك وبكون في موقف لا احسد عليه بفضل ساكته وببحلق بعنيا زي المسجون الي بيستنى الافراج


اسواء موقف او ذكرى حصلت لكِ ؟

مش فاكرة والله

ماهي نقطة ضعفك ؟


سذاجتي :36_11_14:


- متى أخر مره بكيتي حزناً ومتى فرحاً ؟

اخر مرة بكيت فيها حزنا وبعديها بشويه بكيت فرحا امبارح :36_1_4:



يور ولكم يا قمر

تحياتي ليكي يا جميل
:36_3_11:

[هديل]

اهلا يا عم الحج هيما

هرد على اسئلتك يا مفتري :z060:

استلم


1 انتى لية كل شوية تقولى حتسيبى الشات ؟

غبيه اعمل ايه هههههههههههههههههههههه


2 بسمع انك بتحبى حد مش مهم الاسم قولى احسن صفاتوا واوحش صفاتوا بس متعمليش فيها الملاك البرئ وتقولى ملهوش ض18؟

ههههههههههههههههههه لا هقول

احسن صفاتو انو طيب وبيعرف ربنا :36_3_3: واوحش صفاتو بينفض :36_1_4:

3 دة سؤال بينى وبينك مش قصدى حاجة اية رايك فى الحب عن طريق الشات ؟

مش بعترف بيه بس يمكن تكون في حالات استتنائيه بينجح فيها الحب

4 بجد اصلا بتحبى حتا لو قالك اى حاجة مهما كانت ؟

مش فاهمه السؤال :36_1_19:

5 انتى حاسة انك مرتاحة وانتى سوبر ولا يوزر عادى ؟

بصراحه كنت وانا يوزر مرتاحه اكتر بس بردو مش معناه اني مش مرتاحه وانا سوبر


6 بتحسى باية لما تطردى حد وهو مظلوم او العكس؟

انا لحد دلوقتي مطردتش حد ظلم وبعتقد مش هظلم حد بس لو كان مش مظلوم هيكون ساعتها يستاهل

7 بتحبى تاكلى اية ههههههههه؟

اكل صوابعي ورا اللقمه هههههههههههههه بس بجد بحب اكل البيتزا

8 الى بتحبية بتقوليلوا بحبك كام مرة فى اليوم ؟

يوووووووه كتير مقدرش اعدهم :36_1_47:

9 افرضى حد وجالك وقالك بحبك بجد تقولى اية ؟

هقولو ايه يعني ؟؟؟؟ هقول اسفه :36_11_14:

10 حتعزمى واحد بس على العشا مين ولازم ولد مش بنت ؟

طيب يا غلس السؤال ده هجاوب عليه بصراحه مطلقه

هعزم سيف الاسلام :36_3_11:


يا ريت متورنيش وشك تاني :36_1_4:

تسلم على مرورك واتمنى اني اكون بكده رديت على كل اسئلتك

تحياتي لك :36_3_12:

[الحــــــب كــــــــدة]

يعنى حاولت اعرف وعرفت وياريت الباقة يكون عرف السؤال الى عمرها ماكانت حتقولوا مباشر ههههههههههههههههههههههههههههه
وقعتك اشطااااااااط
http://www.nichibeianime.com/cels/meitantei_conan/d01153.jpg

[شاعر الحب]

هههههههههههههههههههههههههه لا انا عارف يا حب

ما علينا اوبا انا شايف هديل متبهدلة اسئلة يا عينى عليكى يا هدهد

لكن طبعا اكراما للى انا شايفه تانى

هسالك انا كمان اشمعنا انا هههههههههههههههههههههههههه


ويلا نبدأ

1 - حبيتى كم مرة يا هديل ؟

2- اسمك الحقيقى ايه ؟

3 - انتى اذاى مغربية وبتعرفى تتكلمى مصرى كويس جدا ؟

4 - لما دخلتى المنتدى ايه القسم اللى كان نفسك تكونى مشرفة عليه غير قسم الحياة الزوجية ؟

5 - ليه اخترتى اسم هديل لاشتراكك فى المنتدى ؟

6 -لو قولتلك اختارى اغلى 5 اشخصاص ليكى فى المنتدى ؟

7 - احلى اسم فى نظرك فى المنتدى من الولاد ومن البنات ؟

8 - ايه هى احلى حاجة حصلت فى حياتك ؟

9 - ليه دايما بتشردينى انا بالذات فى المنتدى ؟

10 - ايه رايك فى التشريد اللى بشردهولك ؟

11 - لو حد من مشرفين المنتدى بعتلك رسالة خاصة وقالك بحبك .. ايه هى ردة فعلك ؟

12 - ايه رايك فى الاعضاء دول

سيف الاسلام

راحل

قلب القمر

قلب القمر؟

شاعر الحب

مرنا

الحب الكبير

موتا

دلوعة

ليالى

وبسبس


13- ايه هى حكمتك فى الحياة ؟

14 - ما هو شعورك ناحيتى عندما سالت هذه الاسئلة ض4 ؟

[هديل]

الهي اشوف فيك يوم يا شاعر مش كفايه البهدلة الي اتبهدلتها :z060:

عموما هرد عليك اعمل ايه انا الي حطيت نفسي في الموقف ده :36_1_4:


1 - حبيتى كم مرة يا هديل ؟

بصراحه كده مرتين


2- اسمك الحقيقى ايه ؟

اسمي شيماء

3 - انتى اذاى مغربية وبتعرفى تتكلمى مصرى كويس جدا ؟

هههههههههههههههه موهبه اعمل ايه انا نفسي مش عارفه ونفسي اعرف :36_1_20:

4 - لما دخلتى المنتدى ايه القسم اللى كان نفسك تكونى مشرفة عليه غير قسم الحياة الزوجية ؟

قسم المواقف المضحكه

5 - ليه اخترتى اسم هديل لاشتراكك فى المنتدى ؟

بحب الاسم ده عشان صوت الحمام والحمام بيدل على السلام وانا بحب السلام :36_1_41:

6 -لو قولتلك اختارى اغلى 5 اشخصاص ليكى فى المنتدى ؟

اممممممممممم بصراحه هما اكتر من 5 ومقدرش اقول اسماء واسيب اسماء كلهم غاليين عليا

7 - احلى اسم فى نظرك فى المنتدى من الولاد ومن البنات ؟

من الاولاد بيعجبني اسم هزيم الرعد

من البنات بيعجبني اسم ملاك القدس

8 - ايه هى احلى حاجة حصلت فى حياتك ؟

احلى حاجه حصلت اني اشتركت في المنتدى دردشه

9 - ليه دايما بتشردينى انا بالذات فى المنتدى ؟

هههههههههههههههههه معرفش انا من اول يوم دخلت حطيت نقري من نقرك غلاسه
وعشان انت طيب ومابتزعلش ومستحمل القرف الي بكتبو عليك :36_6_3:

10 - ايه رايك فى التشريد اللى بشردهولك ؟

ههههههههههه تستاهل عليه الحرق هههههههههههههههههه بس خد راحتك وحده بوحده :36_1_15:

11 - لو حد من مشرفين المنتدى بعتلك رسالة خاصة وقالك بحبك .. ايه هى ردة فعلك ؟

هعملها ديليت وكاني مشفتش حاجه :36_11_14:

12 - ايه رايك فى الاعضاء دول

سيف الاسلام : اطيب شخص قبلتو في حياتي

راحل شخص بحترمو بس هعورو على الاسئله بتاعتو

قلب القمر واحد رخم ههههههههه بس بردو طيب

قلب القمر؟ احلى بنوته انضمت لينا في المنتدى وانا كمان بقلها اني حبيتها بجد :36_3_9:

شاعر الحب طيب اويييييييييييييييي ومفتري في نفس الوقت بس قلبو ابيض :36_11_6:

مرنا فيلسوفه المنتدى باحترمها وبعتبرها زي اختي متألقه ديما بمواضعها

الحب الكبير دي بقى حوبيكا حبيبة قلبي بعزها وهي اختي الصغيرة :36_3_15:

موتا الميس بتاعنا مينفعش نقول عليها حاجه وحشه :36_1_48: طيوبه ودمها عسل

دلوعة دي البت الجبارة نشيطه وليها تحف روعه لحد دلوقتي مش عارفه
بتجبها منين بحب اخش لمواضعها واملي عنيا بالحجات الجميله الي بتجبها بحب البت دي
مش عارفه هي مادهوش وسام الشرف ليه بجد تستحقو

ليالى ربنا ميحرمنيش منها غاليه على قلبي وخدومه بحب فيها رقتها وطيبة قلبها

وبسبس ااااااااااااه بسبس تعاليلي يا قطه انتي اكتر وحده بموت فيها بت مفتريه بس معرفش بحبها على ايه
احلى حاجه فيها ديما بتضحك دووووم يارب :36_3_3:


13- ايه هى حكمتك فى الحياة ؟

اجعل قلبك خالياً من الهموم

اجعل عقلك خالياً من القلق

عش حياتك ببساطة

أكثر من العطاء وتوقع المصاعب

توقع أن تأخذ القليل

توكل على الله واطمئن لعدالته


14 - ما هو شعورك ناحيتى عندما سالت هذه الاسئلة ض4 ؟

شعوري اه لو اطولك دلوقتي ههههههههههههههه
بس هنتقم منك على الاسئله دي في قسم المواقف المضحكه يلا الحقني على هناك :36_7_14:

[hapepy]

السلام عليكم ورحمة الله وبركاته
انا ما عنديش اسألة اسألها بس ممكن اكون شريك معاكم هنا فى المنتدى لو ما فيهاش ازعاج
شكراً ..
تحيه طيبه ..

[شاعر الحب]

اهلا بيك يا هابى انت منورنا ومنور الدنيا كلها

طبعا ممكن تشارك معانا

اما انتى يا هديل

شكرا على اجابتك الجميلة دى

وتستهالى تقييم منى

بس برضو مش هسيبك

انا وانتى والمواقف كتير ههههههههههههههههههههههههههههه

[راحل مع الزكريات]

طيب بقا مدام هنتعور يبقا تعويرة بتعويره
هههههههههه
عودنا بعد فاصل لزيز قوى
اهلا بيكى مرة تانيه يا هديل مع انى عارف انك مخنوقه على الاسئله اللى فاتت بس متخفيش هسئلك اسئله اصعب ههههههههه
الاسئله دى عن المنتدى المرة دى مش عن شخصيتك
يلا بسم الله

س1_ ما هو اكتر قسم بيتحبى تتدخليه وليه ؟؟؟؟؟

س2_ اكتر عضو بيعجبك موضايعه ومتقوليش كلكهم انا عايز واحد بس ؟؟؟؟؟؟؟

س3_ لو قررارت ادرة المنتدى تتديكى تزكرة سفر وانك تزهبى تشوفى اى واحد فى المنتدى بس راجل تختارى يكون مين ؟؟؟؟؟؟؟

س4_ ايه رائيك فى مسؤليه الاشراف وهل انتى شايفه نفسك جديرة بيها ؟؟؟؟؟؟؟؟

س5_ هل حققتى كل احلامك فى المنتدى والا لسه وايه هى ؟؟؟؟؟؟


س6_ يقولون عنك انك بتحبى الهزار فهل زعلتى احد من هزارك دة فى المنتدى وزعل منك ؟؟؟؟؟؟؟؟

س7 _ الاعضاء اللى نفسك يكونو مشرفين هما مين ؟؟؟؟؟؟؟؟؟؟؟

س8 _ كام منتدى مشتركه فيهم غير دردشه ؟؟؟؟؟؟؟؟؟

س9 _ واهم سؤال ماذا يمثل لكى دردشه ؟؟؟؟؟؟؟؟؟؟

س10 _ بصراحه كدة لو انا قدامك دلوقتى كنتى عملتى فيا ايه ههههههههههههههههههه ؟؟؟؟؟؟؟؟؟؟؟

وبكدة اكون انتهيت من اسئلتى وصدقينى انا بكدة هكون قدمت شهادة انتحارى علشان انتى هتقتلينى على اسئلتى ههههههههههه بس بجد انا معجب بخفه دمك ومتزعليش على اسئلتى بس انا كنت قبلك لازم اخلص اللى جرا فيا
مع اخلص تحياتى اخوكى راحل

[هديل]

ونقول انيل باك :z060: سوري قصدي ولكم باك :36_6_7:

هو انت عشان اتخنقت جيا تخنقني ماترحمني بقى :36_1_4:

هنقول ايه هرد على اسئلتك وامري لله :36_1_37:

س1_ ما هو اكتر قسم بيتحبى تتدخليه وليه ؟؟؟؟؟

اكتر قسم بحبو هو ملتقى الاعضاء عشان من خلال القسم ده بنتعرف على اصحاب جداد

س2_ اكتر عضو بيعجبك موضايعه ومتقوليش كلكهم انا عايز واحد بس ؟؟؟؟؟؟؟

اكتر واحد بيعجبني مواضيعو هو الحب كده مع انو لسه جديد بس بيكتب مواضيع جامده

س3_ لو قررت ادرة المنتدى تتديكى تزكرة سفر وانك تزهبى تشوفى اى واحد فى المنتدى بس راجل تختارى يكون مين ؟؟؟؟؟؟؟

شاعر الحب عشان اخبطو بالكرسي الي قعدت عليه ده

س4_ ايه رائيك فى مسؤليه الاشراف وهل انتى شايفه نفسك جديرة بيها ؟؟؟؟؟؟؟؟

هي زي ماقلت مسؤوليه بس بردو شرف بما أن الادارة بتديك الاشراف الا وهي شايفه انك تستحقه

انا الحمد لله اه جديرة بيها ومش مقصرة

س5_ هل حققتى كل احلامك فى المنتدى والا لسه وايه هى ؟؟؟؟؟؟

مليش احلام خاصه بس حلمي ان المنتدى يكبر يوم عن يوم ويكون من احسن المنتديات


س6_ يقولون عنك انك بتحبى الهزار فهل زعلتى احد من هزارك دة فى المنتدى وزعل منك ؟؟؟؟؟؟؟؟

اه بحب الهزار وانا لحد دلوقتي مفيش حد اشتكى من مواضيعي وماشاء الله عليهم بيتقبلوها بابتسامه ورح عاليه

وكمان بهزر بس مع حبايبي الي اعرف انهم مش هيزعلو مني :36_1_24:

س7 _ الاعضاء اللى نفسك يكونو مشرفين هما مين ؟؟؟؟؟؟؟؟؟؟؟

اولهم بسبوسه ونسمه وشجن

س8 _ كام منتدى مشتركه فيهم غير دردشه ؟؟؟؟؟؟؟؟؟

غير ده واحد بس

س9 _ واهم سؤال ماذا يمثل لكى دردشه ؟؟؟؟؟؟؟؟؟؟

دردشه بيتي التاني والي من خلالو اتعرفت على اصحابي وكمان هو مكان للفائده

س10 _ بصراحه كدة لو انا قدامك دلوقتى كنتى عملتى فيا ايه ههههههههههههههههههه ؟؟؟؟؟؟؟؟؟؟؟

اممممممممممممم كنت هوريك النجوم في عز الظهر :36_6_8: :36_11_6:

مرسي يا راحل على اسئلتك الجميله

يور ولكم في اي وقت :36_3_11:

[راحل مع الزكريات]

شكرا ل اجبتك الجميله اختى هديل وانتظرينى مرة اخرى بس مش دلوقتى

[شاعر الحب]

اهلا بيكم جميعا

قد انتهينا من الاسئلة

وشكرا للجميع

وسيتم غلق الموضوع