حكاوي القهاوي مع اخوكم ايسو

[سيف الاسلام]

السلام عليكم ورحمة الله وبركاته


اهلا اهلا احلي شباب
مع اخوكم ايسو
عندنا بقي في حكاوي القهاوي كل المشاريب
علي حسابك طبعا

هنشرب كل حاجه
سخن _بارد
اللي هيطلب شيشه همشيه

http://www.dardasha.net/montada/uploaded/43649/1147004786.jpg


http://www.omeldonia.com/../../adminupload/articls/image/f1140_2.jpg

لاء ومش هنشرب بس لاء هنضحك
يعني هزر واشرب

اتنين في واحد
اللي عنده نكت يقول واللي عنده قصص يقول
عايزين نضحك

http://www.omeldonia.com/../../adminupload/articls/image/f1140_1.jpg
رايحين فين اوعي حد يمشي من غير ما يدفع
ولا ياشاعر قوم ياض لم الحساب من الزباين
واوعي تضرب الفلوس في جيبك
والبقشيش بالنص ياض
غتت ياض علي الزباين

اوعوا حد
يطلبلي المشروبات اللي طلعالي موضه اليومين دول
يعني اللي يقولي عايز نسكافيه
هبلغ عليه البوليس وااقول انه عايز ممنوعات

ولا اللي يقولي عايز كابتشينو
هبلغ عليه امريكا وااقول معاه نووي

اه احسن لكم اطلبوا طلبات عدله
أحجز الترابيزات قبل النفاذ

في انتظاركم يا شباب
يلا مستني نكت هزار ومشروبات
يلا يا احلي شباب في مصر

اخوكم ايسو

[دلوعه]

ههههههههههههههههه فكره عسل اوى يااسلام
بس انا عارفه ان شاعر هيضرب الفلوس فى جيبه هههههههههههههه

اقولكم شوية نكت بقى

مرة فيل و 100 نملة بيلعبوا كورة فالكورة اترفعت في الهوا قام الفيل طالع وقلب دابل كيك ووقع على الـ 100 نملة موتهم عدا واحدة طالعالو من وسط الضحايا وبتقول أنت حتلعب حلو ولا نبدأ شغل التكسير


مكالمة بين واحد صعيدى و واحد قاهرى

مع الاعتذار لأي واحد صعيدي " أجدع ناس والله " الكلام ده هزاااااااااااااااار

واللي يحبنا مايضربش نار


واحد من القاهرة ليه واحد صاحبه من الصعيد أبوه مات

بتاع القاهرة كلم بتاع الصعيد في التليفون عشان يعزيه

ومن المكالمة فهم حاجة ماحدش يعرفها

إزاى الصعيدي بيموت

وإليكم المكالمة بالنص


القاهري : معلش أنا عارف إن والدك كان مريض بالقلب ..... الله يرحمه

الصعيدي : بس هو كان بيقاوح وماماتش من القلب

القاهري : أمال مات إزاى ؟

الصعيدي : الله يرحمه بقى على أواخر أيامه نظره ضعف وف مرة طلع البلكونة وسورها كان واطي وإحنا في الدور الرابع زى مانت عارف

القاهري : لا إله إلا الله ....... فعلاً موتة صعبة ..... معلش شد حيلك

الصعيدي : والله إتعذبنا معاه كتير وعملنا له 12عملية لغاية ما إتحسن وبقى كويس

القاهري : طب الحمد لله ...... هو مات إزاى ؟

الصعيدي : بقى يمشى علي عكاز ومرة وهو بيعدى الشارع عربية خبطته

القاهري : فعلاً موقف صعب ...... لكن ربنا عايز كده ... العربية فرمته ؟

الصعيدي : ربك كان رحيم وكان فيه جار لينا شافه بالصدفة وخده علي أقرب مستشفى لكن النزيف الداخلي كان صعب

القاهري : طبعاً ....... دا الواحد لو خبطته عجلة كان يروح فيها ..... علي كل حال الله يرحمه

الصعيدي : لكن إحنا عملنا عملية نقل دم وسفرناه باريس وربنا ستر والحمد لله

القاهري : يعنى فضل عايش بعد كل ده ؟ أمال مات إزاى ؟

الصعيدي : للأسف جاله فشل كلوي ومالقيناش أي متبرع لغاية مجاله تسمم في الدم

القاهري : معلش عموماً هو ارتاح من العذاب ده

الصعيدي : بالصدفة ظهر له شخص كان صاحبه من زمان وأتبرع له بكليته علي آخر نفس

القاهري : ياسلام

الصعيدي : لكن بعد كده بقى بيسرح كتير ...... مرة قاعد في الشقة وإتسرب الغاز وهو مش واخد باله فاتحرقت الشقة باللي فيها

القاهري : ياساتر علي الموتة البشعة ..... فعلاً شئ صعب ..... ألف رحمة ونور عليه

الصعيدي : لكن تقول بقى إٌيه علي جارنا الشهم الجدع اللي كسر الباب علي آخر لحظة

القاهري : ياعم أبوس إيدك فهمني أبوك مات إزاى ؟؟؟؟

الصعيدي : والله يأخي اخر ما زهقنا اضطرينا " نطخه " هو وجارنا الشهم عشان نخلص

وبس كدا ههههههههههههههههههه

[سيف الاسلام]

هههههههههههههههههههههههههه
هههههههههههههههههههههههههه
هموت من الضحك والله يا دلوعه
ايوه كده عايزين زباين في القهوه

ولا ياشاعر

هات لدلوعه كوبيه سحلب علي حسابي

[هزمه الحب]

ههههههههههههههههههههههههههههههه

والله زي العسل

انا عاوز واحد سحلب

ولا اقولك واحد موز بالحليب

والحساب عندك

ههههههههههههههههههههههههههههه
هههههههههههههههههههههههههههههههه

دلوعه اعملي حسابي معاكي

ههههههههههههههه

علي حساب اسلام

[losclareta]

انا عندي موضوع بس مش مضحك اوي , و الموضوع ده حصل معايا

كنت طالعه من حصة , كانت حصة الماني , ايام الثانوية العامة .... كانت دماغي خلاص هتفرقع عشان احنى قاعدين 3 ساعات بدون رست , و انا طالعة , لعيت واد - استغفر الله العظيم- يا اخت فبصيت , يبدو انه طالب عند الاستاذ ,فقالي "ich liebe dich "((يعني انا بحبك)) , و قعد يقول انا نسيت الالماني طب gute nacht ((يعني)) تصبح على خير "الجاهل مش عارف ينطأ" فكنت خلاص طفشت فقولتله ((kleider machen leute(( " يعني لبس البوصة تبقى عروسة " فقالى :ايه؟
قلتلو يعني لبس البوصة تبقى عروسة بس باين انك بوصة ناقصة لبس عشان تبقى عروسك , لكن متخفش عندي حل , اةل ما توصل البيت اجري على الدش و استحم قبل العيد , و غور من وشي احسن و ديني لاعمل منك فضيحة و تبقي مسخرة ادام الكل , يا مصطفى !! مصطفى!! ((انا لا تعرف حد اسمه مصطفى و انا بروح مشي )) و لقيته فريرة جرى!! يا ابن لذين امنوا ..... بلاش اكمل يلا , اسيبكم بقى , باي :36_6_7:

[دلوعه]

هههههههههههههههههههه يارب دايما مبسوط يااسلام
بس الواد شاعر بخيل مش هيرضى يجيبلى انا عارفه بس لو مجابش انا هموته
واعمل حساب هزمه الحب معايا بس خليها على حساب شاعر بقى المره دى هههههههههههههه

اما انتى بقى ياlosclareta منوره ياقمر بس قوليلى اسمك يعنى ايه وماتقوليلش زى اللى معاكى فى الدرس ده روحى استحمى هههههههههههههههههههه مشكوووره ياعسل وفى انتظار باقى الحكاوى معانا

[الزملكاوي الصامد]

ههههههههههههههههههههههه
ايه ده كله كل ده وانا نايم بتعملو ايه ياض انت وهو وهي وهي هنا
طيب انا عاوز واحد كابتشيون وصلحه هههههههههههه
وعاوز حد يقلي اطلع بره عشان اشربه نسكافيه اموته من الدوخه ههههههههههههه
موضوع رائع يا سلام مشكور يا حبي علي القهوه االجميله ده

[سيف الاسلام]

ايه يا جدعان القهوه فاضيه ليه
مينفعش كده

[دلوعه]

ما هو محدش راضى ينزل الحاجه الساقعه يااسلام
وشاعر بخيل مش معبر حد هنا
اطرده من القهوه وشوف غيره بقى

[لـّ~ـيـّ~ـآ‘لـّ~ـي ـآ‘لـّ~ـصـّ~ـمـّ~ـت]

هههههههههههههههه

عسل يا ايسو

انا عايزة شاي بحليب

ههههههههههههههههه

بس مش معايا فلوس


شاعر هيحسبلي هههههههههههههه



اقولكوا نكته بقي بمنااسبه البرد


مرة واحد احول برد بالليل قام غطي

اخوه ونام تاني هههههههههههههههههه

هههههههههه


مشكور يا ايسو تقبل مروري

[دلوعه]

هههههههههههههههههههههههههه عسل ياليالى وربنا

[العميد]

http://www.drdcha.com/vb/images/threadbag/co11.gif
مشكور اخى اسلام على الموضوع
وبشكر اى حد شرف القهوة
وبعد ازنك ازوغ انا علشششششان مفلاس

[سيف الاسلام]

مال الايراد بتاع القهوه ياض ياشاعر
ماله خاسس كده انت بتطفش الزباين ياض
ماشي ماشي يلا يبني ورينا عرض كتافك هنشغل
حد تاني مكانك
وربنا يسهل نشوف مين اللي عايز يتقدم للوظيفه ...........

[بسبوسة]

هههههههههههههههههههههه

ههههههههههههههههههههه

اية ياايسو القهوة الجميلة دة

عاوزة واحد كابتشينو وصلحواااا

بس الحساب عليك يااسلام

هههههههههههههه

اصل الواد شاعر دة عرفاه بخيل اوى وبطة فى نفسة يعنى الطلب هيجيلى السنة الجايا

يلا بقى ياواد ياشاعر هاتلى الكابتشينو على الشات

انا مستنياة

اوعة تتاخر

يلا سلاموز بالمانجووووووووز