اغرب القضايا وعلى الجميع المشاركه

[فارس الرومانسيه]

:36_3_12: هنقدم قضيه وعلى الاعضاء انهم يقومو بحل القضيه


والرجاء من الاخ فتحى الى هو الموع العزبه الا يقوم بالحل الا اخر واح وهو الى يرشح الاجابه الصحيحه

بصفته انه محامى

وياريت يقوم المنتدى بفتح دردشه للا استشارات القانونيه يشرف عليها الاخ دموع الاستاذ فتحى المحامى





القضيه

اتفقت عصابة من ثلاثة افراد (س) (ص) (ع) على سرقة محل للمجواهرات


و ذلك بان تنكروا فى زى رجال الشرطة و حملوا اسلحة نارية للايهام بانهم من قوة الشرطة

و قبل منتصف الليل بقليل واثناء تواجد صاحب المحل بمفرده دخلت العصابة الى المحل

و طلبوا من صاحب المحل تأمين المحل لانهم وصلت اليهم معلومة بان عصابة ستهجم على المحل لسرقته .. و طلبوا من

صاحب المحل تسليمهم الذهب الذى فى الخزانة لحمايته .. و هنا ارتاب فيهم و طلب منهم اثبات شخصيتهم كرجال

للشرطة .. و هنا اخرجوا اسلحتهم و طلبوا منه تسليمهم الذهب الذى فى المحل الا ان الرجل رفض فعاجله (ص) بطلق نارى

فوقع قتيلا و اسرع افراد العصابة لجمع المشغولات الذهبية الا ان دوى طلق النار قد لفت انظار دورية شرطة تمر

فاسرعت الدورية الى المحل اثناء محاولة الجناة للهرب فاشتبكوا معهم بالاسلحة النارية حتى تم القبض على الجناة


جميعا و المشغولات الذهبية فى حوزتهم




...... ما هو التكييف القانونى للواقعة

و التهم التى توجه الى كل متهم


الرجاء من جميع الاخو الاعضاء المشاركه:36_3_12: :36_3_12:

[غاده]

بص يا فارس ولو انى مش محامية بس هحاول اتفزلك واقول رايى

المتهم ص تهمتة القتل والسرقة بالاكراة

المتهم س وص وع تهمة التنكر فى زى الشرطة والسرقة بالاكراة

وحمل سلاح بدون ترخيص ومهاجمة رجال الشرطة

اثناء تاديىة عملهم

[فارس الرومانسيه]

مشكوره غاده

والحل فى الاخر

والى هيقلنا عليه الاستاذ المحامى ههههههه


الخ الدموع العذبه

[ملكة القلوب]

بص يا حضره المخبر فارس اللى رقم س تهمته سرقه وتنكر لرجل الشرطه وص زيه ضيف عليه القتل عمدا وعين زى سين وبما انا اتقبض عليهم اكيد هيتحبسوا بس المهم الوقت اللى مش موجود فى القصه صاحب المحل ولاده الوقت هتعمل ايه شكلك كده كنت من افراد العصابه يا فارس ياخدوا تلاته سنين لانهم شركا فى الجريمه

[فارس الرومانسيه]

الحل فى الاخر ياملكه

ومشكوره على مرورك

وشكرا و كمان بقيت انا معاهم هههههههههههههه

ماشى ولا يهمك

[اسامه المصرى]

سيادة اللواء اركان حرب فارس باشا الهمام انت عاوز تكييف قانونى لهذه الجريمة واحنا عاوزيين تكييف هواء فى هذا الحر القاتل .
ههههههههههههههههههههههههههههههههههههههههههههه ههههه
المهم انهم اتقبض عليهم وهايروحوا فى داهية علشان اغبياء .
فيه غيرهم كتير بيسرقوا اكتر من كده وبيتعمل لهم تماثيل وبياخدوا اوسمة . فزورة حاول تحلها انت .

[فارس الرومانسيه]

ههههههههههههه

بالنسبه لحل الفزوره انا عارفه


بس بلاش عشان الرقابه ههههههههه

حل انتا بقى الفزوره دى


ولما تجيب تكييف هوا ابقى متنسنيش من شويه تراوه ههههههههههه

[الزملكاوي الصامد]

اخي فارس ده جريمه كامله والعقاب هيكون واحد 000

ده قتل وسرقه بلاكراه000وبيتهيالي القتل كان عن طريق الخطا وليسه مع سبق الاصرار 000

وهننتظر الحكم من القاضي 000واكيد احنا هيئه المحلفين صح

[الدموع العذبة]

...... ما هو التكييف القانونى للواقعة

و التهم التى توجه الى كل متهم


والله انت جايب قضية جامدة يا فارس

وبالرغم من ان المسائل القانونية لا يعلمها غير المتخصصين في القانون

إلا ان ردود بعض الأخوة كانت تثير الاعجاب

طيب انا هنتظر الاطلاع على بقية الردود من الاعضاء

وان شاء الله لما تحب ان أقولك الراي القانوني في الموضوع انا جاهز

وبخصوص قسم للاستشارات القانونية فأنا معنديش أدنى مانع

وفكرت فيه كمان

ونعرضه على الدارة وانا تحت أمر الجميع

وان كانت تعيب الاستشارات القانونية انها ستكون خاصة بالقانون المصري

يعني هتكون قاصرة على المصريين

دون أيه دولة عريبة أخرى

حيث أن القوانين تختلف من دولة لأخرى

وبرغم ذلك تبقى هناك ثوابت والفروق تكون أحيانا في اضيق الحدود

لما تحب اني اقول راي القانون المصري في القضية المعروضة

والتكييف القانوني للواقعة

والتهم التي توجه لكل متهم

أنا هكون جاهز ان شاء الله

مع التحية

[جميلة وشقية]

بقلك ايه يا فارس انت عندك مايل تعالي اوضحلك الوضع علي الميل احسن هههههههههههه
ههههههههههههههههههههههه
انا هقول الي قتل ياخد شي 5سنوات سجن اا الاتنين ياخدو ا سنتين وبس
ايه رائيك

[فارس الرومانسيه]

مشكور يازيكو على مرورك


وهيا فعلا جريمه كامله

والحكم فيها هوا 000000000

متستعجلوش لسه بدرى

لما نشوف بقيت الاعضاء وهيئة المحلفين هههههههه محلفين يازيكو ههههههه

[فارس الرومانسيه]

وبالنسبه ليك اخ دموع فانتا لسه دورك معانا كبير


وانتا الى هتقلنا كل حاجه

وهتقلنا اجابة مين اى صح

وياريت الاداره تكون معانا والى يقول الاجابه الصحيحه ياخد 10 نقاط

يعنى عشان الموضوع ياخد شكل حماسى

والمحامى الى يقول الحكم ويطلع الفايز ياخد 5 نقاط

ايه رئيك مش كلام معقول

مشكور اخى على مرورك

[فارس الرومانسيه]

ههههههههه جميله


ميل مين والناس نيمين دا بعينك ههههههههههه


وكلامك يعنى مفهوش حاجه من الصح ههههههه

مشكوره على مرورك وخليكى معانا عشان تعرفى الحل الصحيح

[الدموع العذبة]

موافق على كلامك يا فارس

بس اعتقد ان التقييم هيكون من الاعضاء نفسهم افضل

لان الادارة ممكن تكون غائبة في مسالة التقييم

وللتسهيل نقول

الموضوع المعروض ارتكبت به العديد من الجرائم

لا نبحث في العقوبة لانها تكون دائما بين حدين ادنى واقصى

وتكون متروكة بين هذين الحدين للسلطة التقديرية للمحكمة

ولكن نتحدث عن التكييف القانوني للواقعة

والجرائم التي ارتكبت فيها

ومسئولية كل شخص عما ارتكبه من جرائم

في انتظار الاراء الجديدة

مع التحية

[فارس الرومانسيه]

وانا معاك يا اخ دموع وافقك الرائ

يبقى الى يحل صح من وجهة نظرك نقيمه انا وانتا كل واحد بخمس نقاط

وانا اقيمك بخمس نقاط اخرى

وبعد كده بقى الى عايز يقيمنى انا مفيش مانع ههههههههه

[فارس الرومانسيه]

ايه الناس نامت ليه

اخ دموع يظهر احنا بس الى هناخد النقط ههههههههههههههههه

[الزملكاوي الصامد]

[COLOR="DarkRed"]بص يافارس احنا علي قدانه في حكايت القنون ده علشان لا يفتي ومالك في المدينة(طبعا دموع هو مالم)

بس انا من وجهت نظري شايف ان العقوبه هتكون موزعه علي المتهمين الثلاثه 000

يعني القاتل لهو عقاب واللي فكر في الجريمه ده طبعا هيشله واحد منهم ؟هيكون لهو عقاب والتالت ده هيكون لهو عقاب بس مخخف شؤيه بس هتكون عقوبه رادعه ؟؟

نحن في انتظار الحكم المتوقع ؟
انا لو قاضي هحكم بلاتيه
1القاتل 15 سنه ؟؟هو مكنش عاوز يقتله بس الظروف حكمت(معلش يابني)

2العقل المفكر ده لو مكنش هو نفسه القاتل هديلو 10 سنين؟؟؟علشان هو صاحب الفكره في السرقه وانتحال صفت الشرطه

3المتهم الثلاث ده هديلو 7 سنوات علشان اشتراكه في جريمت السرقه بلاكراه والقتل الخطاء وانتحاله صفت ظابط شرطه

ده كله تخمنات مش اكتر ؟؟وانا قلت لا يفتي ومالك في المدينة000
ننتظر الاجابه ؟؟؟؟

زملكاوي اتمني ان يكون عادل فيه حكمه المتواضع[/COLOR

[فارس الرومانسيه]

كويس جدا يازيكو

فى امل فيك يا ابنتى

بس انتا متساهل جدا معاهم

يظهر ان قلبك طيب زى حالتنا هههههههههههه

[الزملكاوي الصامد]

لا انا مش بحكم بلاعاطفه انا بحكم بلعقل والواقع000القانون يا فارس؟

بس كمان القاضي احياا بيقتابس جز من قانون الرحمه000

في انتظار الحكم000

علشان انا العيش والحلاوه معايه اصلي رايح ازرهم بكره وهطمنهم ههههههههههه

تقبل مروري زملكاوي عادل ان شاء الله

[تاتا]

[SIZE="4"]ولو انى مش ليا فى القانون لكن جاهدة ساحاول المشاركه
اعتقد ان التكييف القانونى سرقه بالاكراة مقترن بالقتل ويخضعوا للقانون بالتهم المنسوبه الى كل منهم وهى
انتحال صفه ضباط شرطه سرقه الاكراه مع سبق الا صرار وتهمه مقاومه السلطات..واستخدام اسلحه ناريه.......بالاضافه الى تهمه القتل العمد بدون سبق اصرار وترصد للص ص المقترن بالسرقه.............بالاضافه الى ترويع الامنين وتعريض حياتهم للخطر وذلك خطا فى حق المجتمع[
اما بالنسبه للعقوبه فتختلف طبقا للقانون الوضعى لان لكل حاله حد ادنى وحد اقصى طبقا لملابسات القضيه وهذة ترجع الى الهيئه القضائيه/SIZE]

[فارس الرومانسيه]

مشكوره يا اخت تاتا على اجابتك

وانتطرى معانا وشوفى الحل ايه

مشكوره جدا على مرورك

[تايــــــسون]

اولا س ص ع شركاء فى جريمة سرقة بالاكراه وانتحال شخصية رجال الشرطه


جريمة احراز سلاح بدون ترخيص وظرف الليل يستوجب تشديد العقوبه

ص يعاقب على جريمة قتل عمد

[الزملكاوي الصامد]

اخواني مش عوزين كلان كده نكون قاضي او هيئة ادعا0000

المفروض يكون ليهم محامي علشان المحكمه تكون شرعيه000

ولاكل جريمه ظروفه واكيد عندهم ظروف للسرقه انا مش بعفيهم من العقاب بس بطلب الرافه والرحمه لهم

علشان هو بصراحه موقفهم صعب اوي لان ده قضيه كاملت الاركان 0000

اتمني ان يكون القاضي راؤف بهم وليس متساهل معهم 000لكل جريمه عقاب 00

س*ص*ع* ؟ للاسف موقفك صعب اوي 000بس اتمني ان تكون اكم فيه عبره000

زملكاوي انهارد كان محامي؟بس مش موقف موكليني صعب 000

[فارس الرومانسيه]

هههههههههههه ماشى ياعم المحامى شكرا على المرافعه



اعتقد ان الاخ دموع ممكن يقلنا من الفايز والى اجابته صحيحه

او على الاقل اقرب للا اجابه الصحيحه كده وقتنا انتهى وعشان نشوف قضيه اخرى


تقبلو تحياتى

[مريومه]

السلام عليكم ورحمة الله وبركاته

طيب قبل ماالاخ المحامي ينطق بلحكم احب اني اشااااااااااااااااااااااارك
ولا اقولك بلاش انا اصلا لايوجد علاقه بيني وبين القانون وعلي العموم اتمني اني انا الي اكون الفاااااااااااااااائزه ايه رايك ما انا ما قلتش حل للقضيه يبقي انا الي اتقيمولا ايه هههههههههههههههههههههههههههههههههههه خلاص بلاش ويا ريت تقبل مروري في امان الله

[فارس الرومانسيه]

ممكن تلحقى تقولى الحل يا اخت مريوه

قبل القاضى مايحكم

يله بسرعه

[مريومه]

السلام عليكم ورحمة الله وبركاته
با اخ فارس انا مش عارفه الحل بس انا بطمع في كرمكم في اني اكون انا الي فزت ايه رايك اوعي تكون بخيل هههههههههههههههههههههههههههههههههههههههههههههههههه هههههههههههههههههههههههههههه اكيد لاء عارفه من غير ما تحلف خلاص يا اخي خلاص عرفه انك ابووووووووووو الكرم كله ولا ايه هههههههههه
اتمني التوفيق للجميع واشهد الله اني احبكم جميعا في الله
في امان الله

[فارس الرومانسيه]

هههههههههههههههههههههه



ماشى يا ستى حاضر

مش هنساكى صدقينى والله

كفايه انك منورانا هنا


بس الاستاذ القاضى يحكم ووانا عنيا ليكى


ههههههههههههه مبسوطه

[الدموع العذبة]

السلام عليكم ورحمة الله وبركاتة

أهلا بالجميع

عرض أخي فارس قضية من العيار الثقيل

وطرحها كفكرة لمحاولة البحث في نصوص القانون الجنائي والتي تكون مجهولة لغير المتخصصين في القانون

بالرغم من أهمية معرفة وفهم القانون من المكلفين به أو على الأقل تواجد الثقافة القانونية الكافية


رأيت جميع الردود

وكما قلت أعجبني معظمها

ليس لأنها أعطت الحل الكامل والتكييف الصحيح للواقعة والجرائم التي ارتكبت فيها

ولكن لمحاولاتها الحثيثة في فك غموض القضية وهي محاولات تستحق الاحترام

قبل التعرض للحلول الموجودة بالموضوع نتحدث عن القضية بنوع من التفصيل


سأعرض القضية مع شرحها القانوني





اتفقت عصابة من ثلاثة افراد (س) (ص) (ع) على سرقة محل للمجواهرات

( قد يظن البعض أن الجريمة سرقة )

لأن الجناة اتفقوا فيما بينهم على السرقة

نيتهم هي السرقة

ولكن القانون قد يكون له رأي آخر لأنه يطبق قواعد موضوعية

النية يحددها القانون وقد تختلف عن نية مرتكبي الجريمة

نيه الجناة هي السرقة كما جاء بالقضية

ولكن سنرى ان نيتهم كانت خاطئة عن جهل منهم

وأن هناك نيه أخرى ستظهر وفقا لهدفهم الاساسي من ارتكاب الجريمة

ولا ننسي ان الجناة عددهم ثلاثة أي أن هناك تعدد للجناة سنتحدث عنه لاحقا

وتعدد الجناة من الظروف المشددة للعقوبة





و ذلك بان تنكروا فى زى رجال الشرطة

( هنا جريمة انتحال شخصية موظف عام - رجل شرطة )




و حملوا اسلحة نارية للايهام بانهم من قوة الشرطة

( حمل السلاح من الظروف المشددة أيضا للعقوبة )




و قبل منتصف الليل بقليل واثناء تواجد صاحب المحل بمفرده دخلت العصابة الى المحل

( الجرائم عندما ترتكب ليلا فيعد الليل من الظروف المشددة أيضا )




و طلبوا من صاحب المحل تأمين المحل لانهم وصلت اليهم معلومة بان عصابة ستهجم على المحل لسرقته

.. و طلبوا من صاحب المحل تسليمهم الذهب الذى فى الخزانة لحمايته


هنا اتضحت النية الحقيقية للجناة

فنيتهم لا تتجه للسرقة

بل للنصب

فالسرقة في تعريفها هي الاستيلاء على مال منقول مملوك للغير بنية تملكة

هنا لا يرغبون في استيلاء بغير ارادة صاحب المال

نيتهم تتجه إلى ارتكاب جريمة النصب

عن طريق ايهام صاحب المحل بواقعة وهمية وهي وجود خطر يهدد مال المجنى عليه

ويرغبون في قيام صاحب المحل بتسليم المال لهم طواعية واختيارا

لو أن صاحب المحل قد انخدع بخطتهم وسلمهم المال فهنا نكون أمام جريمة نصب






.. و هنا ارتاب فيهم و طلب منهم اثبات شخصيتهم كرجال للشرطة ..

المجنى عليه شك فيهم ورفض تسليمهم المال

فخابت جريمة النصب ونسمي ذلك في القانون للجريمة الخائبة والتي لم تكتمل وفقا لنية الجناة

أنها ( شروع في ارتكاب الجريمة ) يعني نقول شروع في نصب



و هنا اخرجوا اسلحتهم و طلبوا منه تسليمهم الذهب الذى فى المحل الا ان الرجل رفض

وهنا تحولت النية من جريمة نصب إلى جريمة سرقة بالإكراه مكتملة الأركان

هناك تعدد من الجناة وحمل سلاح والتهديد باستخدامه وفي محل عام وليلا

جريمة سرقة بالاكراة من الجناة الثلاثة يقومون بها




فعاجله (ص) بطلق نارى فوقع قتيلا و اسرع افراد العصابة لجمع المشغولات الذهبية


هنا ( ص ) ارتكب جريمة قتل عمد

لكنها جريمة مشددة نسميها في القانون

اقتران جناية بجناية

الجناية الأولى هي السرقة بالإكراة

والجناية الأخرى هي القتل العمد


فيكون ( ص ) قد ارتكب جناية قتل عمد مشددة عقوبتها الاعدام






الا ان دوى طلق النار قد لفت انظار دورية شرطة تمر فاسرعت الدورية الى المحل

اثناء محاولة الجناة للهرب فاشتبكوا معهم بالاسلحة النارية حتى تم القبض على الجناة

جميعا و المشغولات الذهبية فى حوزتهم


الجناة الثلاثة يرتكبون جناية سرقة بالاكراه مكتملة الأركان

وبمقاومة السلطات واستخدام السلاح يرتكبون جريمة ( مقاومة سلطات باستخدام السلاح )






خايف تكونوا نمتوا مني

أو الأمور اتلخبطت معكم



ولكن نقول الخلاصة


التكييف القانونى

انة عند قيام س؛ص؛ع بانتحال صفة ضباط شرطة ومحاولة النصب على صاحب المحل إلا أن خاب أثره

فقام صاحب المحل بالمقاومة مما ادى اى مصرع الجواهرجى وانة عند مرور الدورية تمت المقاومة

من قبل المتهمين لحين ان تم القبض عليهم


التهم التى توجة لكل متهم

1_ تهمة انتحال صفة ضباط شرطة لكل من س؛ص؛ع

2- شروع في نصب

3_سرقة بالاكراة لكل من س؛ص؛ع

4_ مقاومة للسلطات لكل من س؛ص؛ع

5_ قتل عمد مع سبق الاصرار ل(ص)



والعقوبة النهائية هى الاعدام

لانها نتيجة حتمية لاستخدام السلاح

ولانهم جميعا اشتركوا فى الجرائم سيعاملوا معاملة الفاعل الاصلى


وسأقول لاحقا ما هي الحلول الأقرب للصحة


مع التحية

[الدموع العذبة]

هذه القضية تخضع لاحكام النصوص التالية من قانون العقوبات

اولا : - من حيث مواد قانون العقوبات المنطبقة على الجرائم



1- جريمةاختلاس الألقاب والوظائف والاتصاف بها بدون حق .

طبقا لنص المواد

مادة 155

كل من تداخل فى وظيفة من الوظائف العمومية ملكية كانت أو عسكرية من غير أن تكون له صفة رسمية من

الحكومة أو إذن منها بذلك أو أجري عملاً من مقتضيات إحدى هذه الوظائف يعاقب بالحبس.

مادة 156

كل من لبس علانية كسوة رسمية بغير أن يكون حائزاً للرتبة التي تخوله ذلك أو حمل علانية

العلامة المميزة لعمل أو لوظيفة من غير حق يعاقب بالحبس مدة لا تزيد على سنة .



النصب والشروع فيه

المادة 336

يعاقب بالحبس كل من توصل إلى الاستيلاء على نقود أو عروض أو سندات دين أو سندات مخالصة

أو أي متاع منقول وكان ذلك بالاحتيال لسلب كل ثروة الغير أو بعضها إما باستعماله طرق احتيالية

من شأنها ايهام الناس بوجود مشروع كاذب أو واقعة مزورة أو أحداث الأمل بحصول ربح وهمي

أو ...........وإما باتخاذ اسم كاذب أو صفة غير صحيح

أما من شرع في النصب ولم يتممه فيعاقب بالحبس لمدة لا تتجاوز سنة



2- السرقة بالاكراه

طبقا للنصوص التالية

مادة 313

يعاقب بالسجن المؤبد من وقعت منه سرقة مع اجتماع الخمسة شروط الآتية

الأول :- أن تكون هذه السرقة حصلت ليلاً.

الثاني :- أن تكون السرقة واقعة من شخصين فأكثر.

الثالث :- أن يوجد مع السارقين أو مع واحد منهم أسلحة ظاهرة أو مخبأة.

الرابع :- أن يكون السارقون قد دخلوا داراً أو منزلاً أو أوده أو ملحقاتها مسكونة أو معدة للسكنى

بواسطة تسور جدار أو كسر باب ونحوه أو باستعمال مفاتيح مصطنعه أو بواسطة التزيي

بزي أحد الضباط أو موظف عمومي أو إبراز أمر مزور مدعي صدروه من طرف الحكومة.

الخامس :- أن يفعلوا الجناية المذكورة بطريقة الإكراه أو التهديد باستعمال أسلحتهم.



مادة 314

يعاقب بالسجن المشدد من ارتكب سرقة بإكراه فإذا ترك الإكراه أثر جروح تكون العقوبة السجن المؤبد أو المشدد .

مادة 316

يعاقب بالسجن المشدد على السرقات التي تحصيل ليلاً من شخصين فأكثر يكون أحدهم

على الأقل حاملاً سلاحاً ظاهراً أو مخبأً.


3- القتل العمد مع سبق الاصرار

طبقا للنصوص التالية

مادة 230

كل من قتل نفساً عمداً مع سبق الإصرار على ذلك أو الترصد يعاقب بالإعدام.

مادة 231

الإصرار السابق هو القصد المصمم عليه قبل الفعل لارتكاب جنحة أو جناية يكون غرض المصر

منها إيذاء شخص غير معين وجده أو صادفه سواء كان ذلك القصد معلقاً على حدوث

أمر أو موقوفاً على شرط.



4- مقاومة الحكام وعدم الامتثال لأوامرهم والتعدي عليهم

طبقا لنص المواد

مادة 136

كل من تعدي على أحد الموظفين العموميين أو رجال الضبط أو أي إنسان مكلف بخدمة عمومية

أو قاومه بالقوة أو العنف أثناء تأدية وظيفته أو بسبب تأديتها يعاقب بالحبس مدة لا تزيد على ستة شهور

أو بغرامة لا تتجاوز مائي جنيه .

مادة 137

وإذا حصل مع التعدى أو المقاومة ضرب أن نشأ عنهما جرح تكون العقوبـة الحبس مدة لا تزيد

على سنتين أو غرامة لا تتجاوز مائتى جنية .

فإذا حصل الضرب أو الجرح باستعمال أية أسلحة أو عصي أو آلات أو أدوات أخرى

أو بلغ الضرب أو الجرح درجة الجسامة المنصوص عليها فى المادة 241 تكون العقوبة الحبس.



ثانيا : - من حيث الاتفاق الجنائى

يعاقب جميع المتهمين بعقوبة الفاعل الاصلى وفقا لما يلى

تنص المواد التالية على الاتى

مادة [39]

يعد فاعلا للجريمة.

أولا :- من يرتكبها وحده أو مع غيره.

ثانيا :- من يدخل فى ارتكابها إذا كانت تتكون من جملة أعمال فيأتي عمداً عملاً من الأعمال المكونة لها.

ومع ذلك إذا وجدت أحوال خاصة بأحد الفاعلين تقتضي تغيير وصف الجريمة أو العقوبة بالنسبة له

فلا يتعدى أثرها إلى غيره منهم وكذلك الحال إذا تغير الوصف باعتبار قصد مرتكب الجريمة أو كيفية علمه بها.


ثالثا : - من حيث العقوبة

تنص مادة [32] على انه

إذا كون الفعل الواحد جرائم متعددة وجب اعتبار الجريمة التي عقوبتها اشد والحكم بعقوبتها دون غيرها.
وإذا وقعت عدة جرائم لغرض واحد كانت مرتبطة ببعضها بحيث لا تقبل التجزئة وجب اعتبارها

كلها جريمة واحدة والحكم بالعقوبة المقررة لأشد تلك الجرائم.

و العقوبة الاشد هنا هى الاعـــــدام لجريمة القتل العمد مع سبق الاصرار لاقترانها بجناية اخرى

هى السرقة بالاكراه مع توافر اكثر من ظرف مشدد .


وفقا لنص المادة 234

من قتل نفساً من غير سبق إصرار ولا ترصد يعاقب بالسجن المؤبد أو المشدد .

ومع ذلك يحكم على فاعل هذه الجناية بالإعدام إذا تقدمتها أو اقترنت بها أو تلتها جناية أخرى

وأما إذا كان القصد منها التأهب لفعل جنحة أو تسهيلها أو ارتكابها بالفعل أ ومساعدة مرتكبيها

أو شركائهم على الهرب أو التخلص من العقوبة فيحكم بالإعدام أو بالسجن المؤبد.




مع التحية

[فارس الرومانسيه]

الله يبارك فيك

انتا خليتنا ننفع نكون محاميين هههههههههه

دا بعد اذنك طبعا


ومين بقى الى يستحق الجايزه

ولا ااقلك انا وانتا نقسمها سوى ايه رئيك والاعضاء هيا الى تقيمنا هههههههههههه

[الزملكاوي الصامد]

ولله بجد كلامه مقنع جدااااااااااااااااا

انا مكنتش فاهم القضيه معقده بشكل ده

بس المتهم (ص)مكنش قصده القتل ده اطرته الظروف لكده لم ارتابه فيه صاحب المحل وخش من الامساك به من قبل المارا

مشكور اخي الدموع علي توضيحك الممتع جدا والمقنع

اخوك زيكو بعدي العوده00000000

[فارس الرومانسيه]

ههههههههههه مشكر يازيكو


ايه انتا زيكو بعد الفاصل

ههههههههههههه

[تاتا]

ممكن نعرف مين اكتر واحد فى اللى اشتركو اقرب للاجابه الصحيحه رغم ان كلنا مش متخصصين مثل الدموع العذبه.................ولكنها اجتهادات

[تاتا]

بس يا رب مش تكون الجايزة قضاء ثلاثه ايام واربع ليالى فى حجز قسم مصر الجديدة ................نصف اقامه بالافطار والعشاء....................والانتقال مجانى طبعا بسياره الشرطه................

[الدموع العذبة]

الله يبارك فيك

انتا خليتنا ننفع نكون محاميين هههههههههه

دا بعد اذنك طبعا


ومين بقى الى يستحق الجايزه

ولا ااقلك انا وانتا نقسمها سوى ايه رئيك والاعضاء هيا الى تقيمنا هههههههههههه



ده انت وأمثالك أخي فارس تشرفوا مهنة المحاماة

والله نفسي الناس تتعرف على القانون اللي بيطبق عليهم

وتكون فيه ثقافة قانونية

وأنا هقترح على الفارس اضافة قسم خاص بالثقافة القانونية

ان شاء الله

مع التحية

[الدموع العذبة]

ولله بجد كلامه مقنع جدااااااااااااااااا

انا مكنتش فاهم القضيه معقده بشكل ده

بس المتهم (ص)مكنش قصده القتل ده اطرته الظروف لكده لم ارتابه فيه صاحب المحل وخش من الامساك به من قبل المارا

مشكور اخي الدموع علي توضيحك الممتع جدا والمقنع

اخوك زيكو بعدي العوده00000000

أهلا وسهلا أخي الفاضل

هي فعلا قضية كبيرة ومعقدة

وتأتي مسؤال أحيانا وعلى نفس المستوى في امتحانات كليات الحقوق والدراسات العليا

بالنسبة للمتهم ص

ارتكب جريمة القتل العمد واتجهت نيته لقتل الجواهرجي حتى لايفتضح أمرهم

النية وجدت وتجددت وفقا لظروف الواقعة

فهو قد ارتكب جناية قتل عمد وسرقه بالاكراة

فاستحق الاعدام هو ومن معه

مع التحية

[الدموع العذبة]

بس يا رب مش تكون الجايزة قضاء ثلاثه ايام واربع ليالى فى حجز قسم مصر الجديدة ................نصف اقامه بالافطار والعشاء....................والانتقال مجانى طبعا بسياره الشرطه................


أهلا وسهلا أخت تاتا

ههههههههههههه

لا متخافيش

الأماكن دي مش فاضية اليومين دول

لان الموسم شغال والمكان كومبليت

هنحاول نشوف جوائز تانية

مع التحية

[الدموع العذبة]

جاء وقت اعلان الفائز


الأخت غادة

وهذا ردها



المتهم ص تهمتة القتل والسرقة بالاكراة

المتهم س وص وع تهمة التنكر فى زى الشرطة والسرقة بالاكراة

وحمل سلاح بدون ترخيص ومهاجمة رجال الشرطة

اثناء تاديىة عملهم



وأيضا الأخت تاتا

وهذا ردها

[SIZE="4"]
اعتقد ان التكييف القانونى سرقه بالاكراة مقترن بالقتل ويخضعوا للقانون بالتهم المنسوبه الى كل منهم وهى
انتحال صفه ضباط شرطه سرقه الاكراه مع سبق الا صرار وتهمه مقاومه السلطات..واستخدام اسلحه ناريه.......بالاضافه الى تهمه القتل العمد بدون سبق اصرار وترصد للص ص المقترن بالسرقه...........
اما بالنسبه للعقوبه فتختلف طبقا للقانون الوضعى لان لكل حاله حد ادنى وحد اقصى طبقا لملابسات القضيه وهذة ترجع الى الهيئه القضائيه/SIZE]



هاتين الاجابتين كانت الأقرب للصحة

مع الوضع في الاعتبار انها من غير المتخصصين في القانون

ولان المتخصصين قد يخطئوا في مثل تلك الجرائم

فكان لزاما علينا اعتبار اجابتهم الأقرب للصحة

والحكم بروح القانون




مبروك للأختين


مع التحية

[غاده]

وااااااااااااااو شكرا جدا يا جماعة طيب مش تقولولى طيب قول يافارس انت فين

انا مبسوطة قوى انى فزت بس افتكرونى بنجمة كمان بقى ههههههههههههههههههه

[الزملكاوي الصامد]

مبروك اختي غااااااااااااااااااده

مبروك اختي تاتااااااااااااااا

مشكوور اخي دموع علي تقيمك المحايد والمنصف كمان عودنا000

مشكووووور فارس علي قضيتك الجميله والمعقده نتظر القضيه القادمه

تقبلووووو تحياتي للجميع0000اخوكم زملكاووووي000

[غاده]

شكرا جزيلا اخ زملكاوى تقبل تحياتى

[غاده]

طيب قول مبروك يا فارس انت مطنشنا لية

[الدموع العذبة]

نقول مبروك أخت غادة

وان شاء الله في تميز دائم

ونقول كمان مبروك للأخت تاتا

علشان متزعلشي مننا


وشكرا اخي زملكاوي على مداخلتك الجميلة بجمال وجودك

مع التحية

[تاتا]

[SIZE="4"]شكرا اخى الفاضل الدموع العذبه على تقييمك
ومبروك الاخت غادة بالجايزة.................بس مش اللى قلت عليها[
شكرا لاخى الزملكاوى
وان كانت مجرد اجتهادات من غير متخصصين كما ذكرت اخى الدموع.............فكره جيدة نرجو ان تستمر /SIZE]

[غاده]

الله يبارك فيكم جميعا واشكركم جزيلا واتمنى لكم كل التوفيق

[فارس الرومانسيه]

مبروك باغاده

ومعلش ياجماعه الجهاز عليه فيروس وتعبى جدا

نزلت الوندوز وياريتنى مانزلته

اعزرزنى هحاول ارجعلكم بسرعه

وكان الفيروس بياثر على الشبكه والنت

ديما يفصل منى انا كتبت الكلام ده با اعجوبه

[الزملكاوي الصامد]

مشكور اخي دموع علي تقيمك ومجاملتك الرقيقه 00

انت بجد انسان ذو مميزات خاصه ونادره في هذا الزمان 00

بمرورك علي الموضيع وردودك عليه تضيف له قيمه ورقه واحترام

اخوك الزملكاووووووووي

[الدموع العذبة]

جزيل الشكر أخي الفاضل

زملكاوي

على مجاملتك الرقيقة

وسجل احترامي لشخصك الكريم

وفي انتظار قادم القضايا من الأخ فارس

حتى يزداد التفاعل أكثر وأكثر

مع التحية

[الزملكاوي الصامد]

فااااااااااااااااااااااارس ايه يعم مفيش قضيه تاني يعني الناس بقيت ماشيه تحت الحيط
ومش بتقتل ولاء تسرق فين يعم القضيه الي هتتنظر امام القضاء احنا مستنيان وانا معايه الشهود جهزين والقاضي مش منتدب متخفش هههههههههه
يلا برعه مستنيانك
زيكووووووووووووووووو

[تايــــــسون]

مبروك للخت غاده

ومشكور للاخ فارس على القضيه

ومشكور لاستاذنا الدموع العذبه

وتحياتى للجميع

[غاده]

الف شكر اخ تايسون الله يبارك فيك