سميتك شهد

[الدموع العذبة]

ســـــميتك شـــــــــهد



اقســـــــم أني ما رأيتــــــــــها

و لم تـــر عيونــــي شكلــــــها

فبقلبي و فؤادي تخيلتـــــــــها

و لكني سأحاول وصفــــــــــها




هي كالقمر في نورهــــــــــــــا

هي كالربيع في نسيمـــــــــــها

هي كالزهور في رحيقـــــــــها

هي الجنة في نعيمــــــــــــها




أأطمع أن أرى تلك العيــــــــــون ؟

أأطمع أن أسكن بين الجفــــــــــون؟

احتويني في هذا القلب الحنـــــــون

أم أنك يا عيوني تتهميني بالجنون؟




لو أن غرامك جنون فمجنون أنــا

أراك بعيدة عني بعد نجوم السما

ضميني كي تصبح أيامي هــــــنا

يكفي حبيبي بعدا و فراق بينــنا

فلقد انتظرتك طويلا ها هـــــــــــنا




لا أعلم اسمك فسميتك شهـــــــد

أطعم من العسل و أجمل من الورد

أريدك حاضر ومستقبل وغـــــــــد

أريدك لحياتي دفئا من غير بـــــرد

أريدك معي بلا حاجز أو ســـــــــــد

أريدك قمرا ليل قد امتـــــــــــــــــد

سأسألك سؤالا و أريــــــــــــد رد

هل تجمعنا يوما مشاعر حب وود؟



تحياتي

[mr_lonley]

مشكور اخي دموع علي كلامك الجميل اللي بيدخل القلب

ومش غريبه عليك طبعا

وربنا يوفقك اخي دموع

وننتظر مزيدك

[ملاك القدس]

تسلم ايدك دموع كلام جميل ومش غريبة عليك تقبل تحياتي اختك ملاك القدس

[الدموع العذبة]

كلماتك هي الاجمل أخي الفاضل

mr_lonley

سعدت بمرورك بمتواضعتي

وكم يسعدني دائما تشريفك

تقبل تحياتي

[الدموع العذبة]

الله يسلمك أختى الفاضلة

ملاك القدس

وتزينت صفحتى بعطر قدومك

واشكرك على كلماتك

تقبلي تحياتي

[لولو وبس]

اخى الرقيق دموع

كلامات اكثر من رائعه

ما اجمل ما عبرت به عن ما بداخلك من مشاعر رقيقه


لا أعلم اسمك فسميتك شهـــــــد

أطعم من العسل و أجمل من الورد

أريدك حاضر ومستقبل وغـــــــــد

أريدك لحياتي دفئا من غير بـــــرد

ما اجمل من انك تعبر عن انسانه تحمل

بداخلك كل هذه المشاعر الجميله

فسميتها شهد

فهى اصبحت شهدك انت

اتمنى لك التوفيق والسعاده دائما

ارجوك اخى الفاضل دموع

ان تكثر من هذه الكلامات الجميله

فى انتظار المزيد

تحياتى لولو:36_3_12:

[الدموع العذبة]

اهلا وسهلا اختى الفاضلة

لولو

هي بالفعل فتاة أحلامي

رسمت ملامحها

اخترت لها اسمها

ولا زلت في انتظار قدومها

واتمنى منها ألا تتأخر

فقلت لها ( فلقد انتظرتك طويلا ها هنا )

وكم يكون الانتظار صعبا

ولكن تزول كل الصعوبة بمجرد اللقاء

شكرا اختى على مرورك الرائع

تقبلي تحياتي

[لولو وبس]

اشكرك مرة اخر على ما تحمله من مشاعر ارق من النسيم

وربنا يجمعكو فى اقرب وقت بأذن الله

ولو عرفها قولى بس وانا اروح اقولها على طول :36_13_1: ههههههههههه

واعرفلك اسمها ايه ههههههه واقلها على اللى انت فيه

اما لو متعرفهاش لسه فربنا يبعتهالك فى القريب العاجل

لا تقلق جيه جيه ههههههههههه


تحياتى لولو:36_3_12:

[الدموع العذبة]

اهلا وسهلا أختى الفاضلة

لولو

لا والله لسه ماعرفهاش

لسه ما قبلتهاش

اوعدك ان شاء الله

تكوني اول من يعلم لو قابلتها ( على أساس انه بيهذر يعني )

ههههههههههههه

شكرا على روحك الجميلة

تقبلي تحياتي

[قلب بلا عنوان]

تسلم يداك وقلمك كلمات رائعه من انسان اكثر احساسا يارب نشوف خواطرك الرائعة منوره المنتدى

[مونى وبس]

السلام عليكم ورحمة الله وبركاته

الله على الاحساس الجميل ده

بجد ربنا يكرمك وتلاقى شهد حياتك

[yosief khalifa]

تسلم علي الكلمات الرقيقه

بس ما تستعجلش علي رزقك

بكره تشبع مهلبيه ههههههههههه

بس ياريت تغير الكلمه دي" أريدك حاضر ومستقبل وغـــــــــد"

مستقبل وغد ههههههههههههههههههه

مشكور اخي الفاضل

تحياتي

[الدموع العذبة]

أهلا وسهلا أختى الفاضلة

قلب بلا عنوان

تعطرت خاطرتي المتواضعة بعطر قدومك

أشكرك على كلماتك الرقيقة

لك مني خالص التحية والاحترام

[الدموع العذبة]

أختى الفاضلة

موني وبس

ياله من مرور هاديء بطبعك

كلماتك الرقيقة تزيد جمال خاطرتي

احساسك العالي يصيبني بالغرور

سلمت أناملك لما كتبت وخطت

تقبلي تحياتي

[الدموع العذبة]

أخى المشاكس بأدب

yosief khalifa

هههههههههههههه

مش عاجباك مستقبل وغد

طيب بكره ان شاء الله تشوف ( بيغيظه يعني )

وهاكل مهلبية لما أشبع

ههههههههههه

انا شبعت ماضي يا حاج

شكرا أخي الكريم

على مرورك الذي يعبر عن خفه ظلك

ودماثه خلقك

تقبل تحياتي

[الحنون]

مشكوووووووووووور دموع على الكلام الرواعة

[سهم الحب]

بصراحة انت مجنون
اذا ما شفتها وكتبت عنها هالكلام
لو شفتها شو حتكتب
نيالها الي ببالك
بس كلام رائع وموزون بينم عن احساس عالي
ابقى أكتبلنا عنها لما تلاقيها
مستنين الخاطرة

[الدموع العذبة]

أهلا وسهلا أخي الفاضل

الحنون

وشكرا على مرورك الهاديء

سعدت بوجودك بخاطرتي

تقبل تحياتي

[الدموع العذبة]

أهلا وسهلا أخي الفاضل

سهم الحب

وهل الحب إلا جنون؟

وهل يخضع الحب لقواعد العقل والمنطق؟

لو أن الحب كذلك ما أحببنا مطلقا

أخي الكريم

من ستكون مقدرة لي أن تكون زوجتى

سأعطيها كل الحب

بل أعلى درجات الحب

ولذلك فأنا أحبها قبل أن أراها

وسأحبها حبا أكثر بعد أن أراها

فمن الممكن أن تقول

أنني أجهز مشاعرى لكي تناسب مقدارها عندي

اجهز أحاسيسا لها تناسب مكانتها في قلبي

سعدت بمرورك

واسعدني أكثر كلماتك

تقبل تحياتي

[دمــــــعــ قـمـر ـــه]

الله الله الله بجد كلام رائع ومشاعر جميله لعاشق حالم بحبيبه تتصف بملامح الملائكه لا اجد الكلام المناسب اخي الدموع العذبه لكي اقوله ردا علي تلك القصيده الرائعه
اشكرك واتمني لك التوفيق
تحياتي

[الدموع العذبة]

أهلا وسهلا أختى الفاضلة

دمــــــعــ قـمـر ـــه

وكم يسعدني وجودك بخاطرتي

واشكرك على كلماتك الجميلة

بالفعل أختى فقد قلتي افضل كلام

تقبلي تحياتي

[¤¦¤™ امــ العذاب ــير¤®§‡]

صديقي العزيز الدموع العذبه كما عودتنا دائما الرواءع سلمت يداك وقلمك في هذه القصيده اري العاشق الحالم
بغدا ناعم اري عاشقا يتجمل في وصف حبيبته ويالا روعه هذا الوصف بس نفسي تقولي هو في فعلا حد بالوصف ده ياد ولا ايه لو فيه ابقي اخطبهالي والنبي انا برده اخوك ماشي ههههههههههههه ربنا يسعدك يارب وانتا تستحق اكتر من كده كمان انتا انسان جمييييل ومهما قولت الكلام هيخلص ومش هوفيك حقك
اخوك اميــــ العذاب ـــــــر

[الدموع العذبة]

أهلا وسهلا أخي الفاضل

أمير العذاب

وحمدا لله على سلامتك

وشكرا على الكلام الجميل ده

وحاضر يا سيدي من عيوني

لو لقيت انسانة بالمواصفات دي هخطبهالك

انا وانت واحد

وانت أخ فاضل ومحترم

ومش خسارة فيك أي حاجة

تقبل تحياتي

[¤¦¤™ امــ العذاب ــير¤®§‡]

ربنا يخليك ليا يارب يا حبيب قلبي لا يا واد ده انا ازودهالك وازوقهالك وادوديهالك لغاااايه البيت
منتا عارف انا من الناحيه دي خلاص سلمت نمر ومش في دماغي
ربنا يوفقك يارب ويسعدك
تحياتي
امـــــــ العذاب ـــير

[الدموع العذبة]

سلمت نمر ؟

جرى ايه يا حاج أمير

انت بتتكلم كده كأن عندك مليون سنة

صلي على النبي كده

وخليك حلو

وخللي الأيام اللي جاية أحلى من اللي فاتك

واللي فات يا صاحبي سيبك منه

وابدأ من تاني حياتك

ده الحياة حلوة يالا عيشها

واوعى تعيش على ماضي ذكرياتك

ده الذكرى لو كانت مره بتمرر الحلو

ولو كان الحلو بحر مليان بالعسل

حب تاني واملا قلبك الشفاف بمعنى الحب

واليأس سيبك منه وعيش دايما بالأمل


مش عايز اسمع منك الكلام ده تاني

فاهمني؟

انت أكبر من كده

وانت أقوى من كل شيء

تقبل تحياتي

[¤¦¤™ امــ العذاب ــير¤®§‡]

ان شاء الله يا صاحبي عندك حق والله بس هنعمل ايه اعذرني لحظه شرود مع الماضي كده فكرتني شويه باللي فات الله لا يرجعه اوعدك اعمل بنصيحتك ان شاء الله
منا دايما هنا عشان نصايحك ربنا ما يحرمني منك
تحياتي امــــــــ العذاب ـــــير

[الدموع العذبة]

وانا واثق انك قدها وقدود

انا اعرف انك راجل

والراجل لا تكسره الشدائد

ولا تحطمه المحن

بل يقع ليقوم من جديد

والنار لا تزيد الحديد إلا صلابه

وأعلم أن قلبك يحمل الكثير والكثير من المشاعر الخضراء

والتي لا تقوي رياح الغدر والهجر على كسر أغصانها

لانك باختصار

كتلة من المشاعر والأحاسيس الصادقة

والصدق دائما بوابة النجاة

تقبل تحياتي

[¤¦¤™ امــ العذاب ــير¤®§‡]

دي ثقه انا مش قدها بس ان شاء الله هحاول جاهدا اني اعمل الي ااقدر عليه عشان اكون ولو نص الي قلته عليا
وفي الاخر بقولك سيبها علي الله هو ادري واعلم مني ومنك وبكره الايام تثبتلنا
تقبل تحياتي

[الدموع العذبة]

ونعم بالله

الايمان بالله أهم شيء

والثقة في رحمه الله شيء رائع

تحياتي