مـــــبـــــروك

[¤¦¤™ امــ العذاب ــير¤®§‡]

مــــــــبـــــــــروك


كنت حياتي دمعي وابتساماتي
كنت الفرحه الي بتشفي أهاتي
كنت اغنيه بتكسر سكاتي
ليه يا قدري تفرق قلبين
ليه تحكم يكون زكري تانيه من زكرياتي
وتحكم بالموت علي حبيبن
ليه تحرمني من اغلي امنياتي
جيالي بدعوه فرح وتزود نار نارين
هقولك ايه غير مبروك
ما انتا كنت حبيب وصبحت لغيري
وهعمل ايه الناس مني خدوك
شارد موهوم بفكر فيك يا طيري
وااااااه يا قلبي من حياتك حرموك
سامع كل الناس ليك بتغني
وانا واقف لوحدي ببكي عليك
بيصرخ قلبي جوايا واها طلعت غصب عني
لما دبلت الظلم جت في ايديك
من جوايا بقول الـ اااااااااااه
ليه منكونش مع الي نحبه ونهواااااه
ليه احبابنا في حضن غيرنا
ليه يكون ده ياقلبي مصيرنا
وغصب عني ياقلبي راح ااقول
مـــــــبـروك
شايفك ياقلبي وشايف دمعه نازله تحت الطرحه
وعينك بتدور عليا شويه شمال وشويه يمين
سايبه الكل وناسيه الضحك والسقفه والفرحه
وعاوزه تشوفي انا واقف فين
وانا بداري وتايه وسط الناس وسط الزحمه
ونار جوايا قايده وقلبي بيصرخ فين الرحمه
ليه يانور قلبي تكوني لغيري
وانا غصب عني ااقول
مـــــبـروك
مش مقسوملي افرح وياه
مش مقدر لهوانا يكبر ويعيش
كان حلم طوووويل في الحب عشناه
وادينا فوقنا وصحينا انا وانتا ياقلبي علي مفيش
يااااااااه ع الدنيا وعلي قسمتها
لما جرحها يقتل بسمتها
لما الحزن يقتل فرحتها
يااااه ع الدنيا وعلي قسوتها
مبروك ياغنوه علي عودي
كل شيء سايباه هنا هيكون زكري غاليه لحبنا
ده انا بعدك لا معني لوجودي
دول ليل نهار قدام عيوني ودايما يفكروني باحلي ايام الهنا
دي ليله بعدك 100 سنه
ده بعـــدك حني عودي
حكم عليا روحي تخرج مني
و نور عينيا اخدوه مني
وحكم عليا ااقول مبروك
مــــــــــبـــــروك

رساله الي كل شخص حب واحده من قلبه ومكانتش من نصيبه لا تحزن ولا تغضب وتثور
بس كل الي تقوله قول ..... مـــــبــــــروك

[الدموع العذبة]

والله حصل وقلتها

مش بس كده

ولبيت الدعوة وحضرت الحفله

أخي الرقيق المشاعر

المرهف الحس

نأتي في هذه الدنيا

وجميع أمورنا مكتوبة محسوبة

لا نختار من نتزوجهم

ولا نختار أيضا من نحبهم

لا الحب باختيارنا

ولا الزواج باختيارنا

فلا تحزن لو فاتك من احببته

فهو ليس زوجك

ولو كانت لك مقسومة

فلن تكون لأحد غيرك

فلتقل لها مبروك

وان كنت لحظتها تلفظها باللسان

والقلب يدمع من الحزن

ولكن قلها

فستمر الأيام والسنون

وتعود بك الذكريات للوراء

وستتذكر هذا الموقف

وستجد ابتسامة ترتسم على شفاهك

ودون أن تشعر

وستتذكر حالك يوم أن وجدت نفسك مجبرا على قول مبروك لمن أحببت

وستستغرب موقفك وقتها

وستلوم نفسك أنك عشت لحظات حزن على فراقها

انها الدنيا أيها العاشق الجميل

وتلك أحكامها

فليس لنا إلا أن نستسلم لأوامرها

كل الروعة أجدها في كلماتك

كل المنطق الحظة في تعبيراتك

وكل اللهفة لرؤية الجديد من روائعك

في انتظار جديدك

تحياتي

[لولو وبس]

اكثر من رائعه

بس نفسى تنسى وتفتكر الحياه الحلوه

بجد كلام جميل نابع من شخص اجمل

بس والله انا كل ما بقرء خاطر من خواطرك ببكى بشده

مش بستحمل كل دى قسوه

الله يكون فى عونك ويقدرك على النسيان

بس انا بئه مش هسيبك غير لما تكتب كلام يعبر على الفرحه

الى ان شاء الله فيوم تجيلك

تحياتى اختك لولو:36_3_12:

[¤¦¤™ امــ العذاب ــير¤®§‡]

صديقي العزيز دما الدموع العذبه اولا احييك علي نسيان ما حصل وعلي لفظك كلمه مبروك لمن احببت فعلا دي لعبه القدر وما كتب لنا لا نستطيع ان نغير مافيه
صديقي قلمي يبحث هائما عن الكلمات شريدا في الصفحات عن كلمه يخطها لك تعبر عن مدي جمال مشاركتك ولا يجد
فاعذر ضعف قلمي واعلم انا غلاوتك تسكن في قلبي
وتقبل تحياتي
امـــــــــ العذاب ـــــــير

[¤¦¤™ امــ العذاب ــير¤®§‡]

لولو اعذري جهل وضعف قلم بسيط لا يستطيع ان يعبر فصفحاتي ازدادت جمالا بمرورك عليها وسطوري الحزينه ترقص من الفرحه عندما تقرأها عينيكي فلا استطيع مع كل ما كتبه الشعراء من مشاعر واحاسيس مع ذلك لا استطيع وجود تلك الكلمه التي تتناسب مع جمال ردك فأنتي قمر المنتدي والقمر عالي وفي القلب غالي
وبعدين بيني وبينك كده يا لولو لو الواحد نسي الي فات هيغلط تاني وينجرح تاني ويتعذب تاني يووووووه هيا حكايه ولا ايه لا كده احسن خليني فاكر عشان مغلطش ولو مكتوبلي الفرح اكيد هيجيني وهو فعلا بيجيني بس انا الي مش مقدره بيجيني لما بتفوتي بس وتفكري انك تقري كلامي البسيط وكفايه انكم معايا دي لوحدها فرحه كبيره
اشكرك لاهتمامك
تقبلي تحياتي
امـــــــــ العذاب ـــــير

[yosief khalifa]

ألف شكر أخي العزيز امير علي الكلمات الرائعه

تحياتي

[دمــــــعــ قـمـر ـــه]

كلام جميل ورائع رائع مش عارفه ااقولك ايه تسلم ايدك

[¤¦¤™ امــ العذاب ــير¤®§‡]

اختي الفاضله دمعه قمر اشكرك علي مرورك الكريم وماتقوليش حاجه يا قمر يكفيني انك مريتي بس علي صفحاتي ده لوحده كفايه