لو علي الجراح

[¤¦¤™ امــ العذاب ــير¤®§‡]

http://www.arabsys.net/pic/bsm/1.gif
http://www.arabsys.net/pic/wrod/2.gif


لو علي الجراح انا شفت منك كتير
جراح وعذاب وتعبت من الاحزان
متقولشي السماح انا جوايا جرح كبير
ده راح الي راح وانتا الخسران
كلامك ليا .. كان تمثيليه.. مئلفها بس عشاني
وانا كان عليا .. ابقي الضحيه
ما خلاص كفايه .. ولا الحكايه .. فيها جزء تاني
قلبك ده ايه .. مفيهوش حنان
هانت عليه.. ايام زمان
تعبت كفايه.... نفسي ارتاح
ولا مفيش راحه كمان
عاوز نهايه .... للالم والجراح
ضاع من حواليا الامان
ضاعت البسمه وهمسه الافراح
فين كلامك عن الود
فين الحنين
مش شايف منك غير بعد
ونار وانين
مش انتا حبيبي الي كان
بيقولي انتا اغلي انسان
دلوقتي مش شايف غير احزان
حرام عليك ... تقتل باديك
قلبي الضعيف
بكره السنين تيجي عليك... والدنيا تضيع من ايديك
وتعيش ربيعك خريف
ليه تظلمني ... ليه تخوني ... وليه تبيع
جرحك قاتلني .... ظلمك اسرني... وعمري بيضيع
هعلم قلبي .. وهقوله اقسي ومتحسش بناس مبيرحموش
هعلم قلبي ... واقوله لازم تدوس علي كل الوشوش
حرام حبي.... ينداس في وسط دنيا من الوحوش
وهقوله كلمه واحده ... اوعي تدق دقه واحده
اوعي تكون عبد في يوم لواحده
ده العمر بيعدي مره واحده
ايه يا قلبي لسه دايم... سنين وانتا عايم.. في بحر ملوش بر
مادام الحب مبقاش نافع .... خلاص لقيت الدافع ... وبقيت منهم حر

هتعمل ايه في ناس بايعه ... وقلوب ضايعه... ممنهمش امل
سيبك منهم وفوق ... وسلمها للي فوق... ده عمر بابه ما يتقفل
لو ع الجراح انا شفت منهم يااااااماااا
نار وذل وقسوه وملامه
لو علي الجراح

[ملاك القدس]

خاطرة معبرة بس قاسية اوي على الجنس الاخر صح ولا ايه تقبل تحياتي اختك ملاك القدس

[لولو وبس]

رائعه
بجد رائعه اخى أمير
وانا مش مع ملاك فى الرئى
لأن عمر ما فى حد بيكتب ويقسه
ألا لو شاف قساوه اكتر من الحبيب
وقسوه غير متوقعه
يبقه من القاسى يا ملاك
على الاقل ده كلام معبر على ما بداخل امير
بس هى معبرتش بالكلام وبس لا
بالفعل كمان
مين فيهم بئه القاسى
اخى امير انسى الحزن وألى فاتك
وشوف الحياة كده من تانى اكيد هتلاقى قلب يدق علشانك تانى
تحياتى لولو:36_3_12:

[ملاك القدس]

لولو حبيبتي انا عارفة انه امير كتباته مميزة ولولا هيك ما بدخل اقراها بس كل واحد وليه رايه صح يا قمر
ههههههههههه والاختلاف بالاراي لا يفسد للود قضية وامير دة اخوي وانتي اختي اوك يا قمر
يلا سلام ملاك القدس

[لولو وبس]

حبيبتى ملاااااااااااااااااااااااك
اسفه بجد مكنش اصدى
انا كنت بقول رئى والله مكنتش اقصد ازعلك منى
اعتزاااااااااااااااااااااار عام لأحلى ملوكه فى الدنيا
تحياتى لولو:36_3_12:

[ملاك القدس]

اعتذار ايه هوة في بين الاخوة اعتذار بس انا حبيت ابينلك وجه نظري بالموضوع مش اكتر يعني امير كل كتباته تقريبا بتعجبني وحبيت اوصلك دة بس يا قمر
وانا مش بقبل اعتذار من اختي عيب بقى اختشي يا بت هههههههههههههههههههال اعتذار ال

[¤¦¤™ امــ العذاب ــير¤®§‡]

لولو انا متشكر جدا يا قمر المنتدي علي ردك الجميل ومرورك علي صفحاتي الي طبعا نورها وزودها جمال ده اولا
ثانيا بشكر اختي العزيزه ملاك علي مساندتها ليا بس احب اوضح نقطه صغننه يا ملوكه انا لو كنت فعلا قسيت في القصيده دي يبقي انتي الي شايفه كده وده رايك طبعا مع احترامنا
بس صدقيني انا عمر قلبي ما كان قاسي عمره ما كان ناسي
وطول اعمري اوفي لناسي واسيب الوصف والتعبير لمشاعري واحساسي
انا حسيت ظلم رديت عليه حسيت الم وغدر بدون داعي فا قولت ليه
وانا بشكرك مره تانيه يا لولو انتي وملاك وزي ما قولتي يا ملاك اختلاف الرأي لا يفسد للود قضيه
ومش عاوزين خناق عشان الشارع كله عندي هنا نايم هيقومو علي صوتكم ويجروا ورايا وهتبقي قضيه وانا مش ناقص ههههههههههههههه
تحياتي
امــــــ العذاب ــــــير

[الدموع العذبة]

تعبت كفايه.... نفسي ارتاح

ولا مفيش راحه كمان

عاوز نهايه .... للالم والجراح

ضاع من حواليا الامان

ضاعت البسمه وهمسه الافراح




لا طبعا من حقك ترتاح

ومن حقك أن تستعيد المفقود

تستعيد البسمة وألافراح

ومن حقك كمان ان جراحك تنتهي

ومن حقك تعيش انسان سعيد

ومن حقك تعيش زمن جديد

كل ده من حقك

ومش هلومك عليه

طلبات منطقية

ورغباتك شرعية

ومفيش حد يقدر يمنعك منها

او يحرمك من متعتها

وانت كمان

ياريت ما تحرمناش من كلامك الجميل

السهل البسيط

اللي بيحسسني انك بتقول اللي بتحس بيه على طول

يعني اللي فقلبك على لسانك

ودي شفافية جميلة

ووضوح يحترم

كل التحية

[¤¦¤™ امــ العذاب ــير¤®§‡]

اخي العزيز الدموع العذبه تعودت منك علي مشاركتك ليا ومساندتك ليا بجد اشكرك من كل قلبي
انتا انسان جميل لك من اجمل تحيه شكر وتقدير
تحياتي
امــــــــ العذاب ــــــير