هل تقبل الارتباط ..... عن طريق الانترنت ؟؟؟

[زين الدين زيدان]

بسم الله الرحمن الرحيم

نداء الى جميع الاخوه فى منتدى دردشه لابداء رايهم فى موضوع محيرنى و محير ناس كتير غيرى
الموضوع باختصار هوا ايه رايكم فى :

هل يستطيع المرء ان يحب عن طريق الانترنت او الشات تحديدا و هل اذا افترضنا انه فعلا بجد حس ان الانسانه ديه او الشخص ده هو او هي انهم متعلقين بيه بجد او بيحبوه هل هذه العلاقه ممكن تكون يوم من الايام ثمره لزواج ناجح ولا زى ما بنقول الى بيجى سهل بيتغير سهل و بينسوا هما الاثنين بعض بمجرد تغير مواعيد او ان معادهم معدش متناسب مع بعض فبالتالى معدوش هيشوفوا بعض تانى بسهوله و يعدى على الموضوع يوم و اثنين مع الشعور بملل احيانا او افتقاد لشخص انتا اتعودت عليه فى حياتك اليوميه و بعد اسبوعين لقاء تانى مع شخص اخر و تستمر الحياه......

ام ان من الممكن انهم فعلا يتقابلوا و يتفقوا و يكونوا فعلا حبيبين فعلا لقوا انفسهم عن طريق النت فى ظل الظروف السريعه للمجتمع الى احنا عايشينه الان ( فالغايه تبرر الوسيله ) زى ما المثل بيقول فالنت دلوقتى وسيله العديد من الافراد الغير متاح لهم التعرف فى الحقيقه على الاخرين من الجنس الاخر فيسعون لمعرفه هذا العالم الغامض او العالم الذى بعد عنهم بسبب بعدهم عن التعامل او انتهاء فتره الجامعه و خلاف ذلك من اسباب

وهنا يحضرنى سؤال هام
:هل تقبل الارتباط او الزواج من انسان تعرفت عليه عن طريق الشات ؟؟؟

*** فما رايكم فى هذا الموضوع و لو حد عنده قصه حدثت بالفعل لشخص قريب منه ياريت يحكيها حتى يستطيع الجميع الاستفاده منها وتكون بمثابه خبره للاعضاء

اشكركم و ارجوا الا تبخلوا برايكم فهوا فعلا موضوع محير !!!!!!!!!!!!

[الدموع العذبة]

الحب عن طريق الانتر نت

موضوع فرض نفسه في الآونة الأخيرة

ولي فيه رأي

أقول

أن الحب هو مشاعر وأحاسيس غير منطقية

بمعنى أنها لا تخضع لقواعد أو معايير معينة

فالنت هو وسيلة اتصال حديثة

ووسيلة تعارف أيضا

مثلها كمثل أن ترى فتاة في الشارع تعجبك

أو ان تتعرف على الفتاة في مناسبة معينة

او ان تقابلها مثلا في وسيلة مواصلات

فترغب في الزواج منها

او تحبها

هي مسألة متاحة

ولكن

هذه العلاقة لا تكون ناجحة إلا بالصدق والصراحة

والابتعاد كل البعد عن الغش والخداع

فلا يقول الشاب مثلا انه يعمل بكذا او كذا وهو عاطل

ولا تقول الفتاة انها كذا وكذا وهي على غير ذلك

ان وجدت الصراحة والصدق في التعامل

كانت العلاقة ناجحة


ولكن الارتباط من الانترنت أثبت خطره وفشله الذريع

فمن ضمن مئات الحالات لا نجد علاقة ناجحة إلا بسيطة للغاية

ومع ذلك شاهدت بنفسي زواج نتيجة تعارف على الانترنت


المعيار الاساسي كما ذكرت الصدق والوضوح منذ البداية



هذا رأيي في الموضوع


وتقبلوا تحياتي

أخوكم

الدموع العذبة

[زين الدين زيدان]

مشكور على مرورك يا الدموع وده طبعآ رايك فى الموضوع ولازم نحترم رايك هزود على كلامك أن بجد لو أنت

فى النت سواء كنت شاب أو فتاه غير طبعآ لما تتعرف على حد حقيقى فى أختلاف كبير طبعآ أنت فى النت

ما تعرفش مين ده أو ديه يعنى أنت بتكلم واحد ما تعرفوش وفيه فشر وكدب كتير يعنى الولد مثلآ بيوهم البنت انه

مقطع السمكه وديلها ويعرف بنات الدنيا وبتتحدف عليه من البلكونات ويطلع فى الاخر أنه معندوش اى تجارب مع

الجنس الاخر وداخل الشات علشان يتعرف عليه مش اكتر لانه مش عارف يكلمه فى الحقيقه أما البنت تعمل دور

البريئه الى ما تعرفش حد خالص ومالهاش تجارب ولما تنزل الجامعه أو الشارع يعرفها طوب الارض فتقريبآ الحب

على النت بالنسبالى تقريبآ مش كويس ألا طبعآ اذا توفر فيه الصدق رغم ده نادر طبعآ فى النت والكل عارف كده

طبعآ ومش عارف أنت قصدك أيه أن الحب هو أحساس وشعور غير منطقي ؟؟؟ اكيد بس غلط ههههههه وعلى

فكره ده مش تأيد لدموع بس بجد بألى شايفه قدامى وبيحصل ده رأيى برده الخاص

[mr_lonley]

الحب علاقه بين شاب وفتاه واللي يقدر يكدب بيكدب في اي مكان واي وقت يعني مش شرط الكدب يكون علي الشات وبس. اللي بيكدب بيكدب في اي موقف. يعني لو حظك وقعك في واحده من الصنف اللي بتحكي عليه دا يبقا هيا فعلا كدابه مش علي الشات وبس لاء دي كدابه في حياتها كلها. بس زي مافيه السيء في كمان الحلو.
يعني انا من رايي مش هتفرق لو اتعرفت عليها عن طريق النت او غيره
يعني من الاخر انتا مش هتتجوزها غيبا.
اوضح اكتر:: النت بيكون بدايه تعارف
ولو هتتكلم في الموضوع دا يبقا السؤال يكون: ايه رايكم في التعارف عن طريق النت.
واظن الاجابه هتكون بسيطه وواضحه

[yosief khalifa]

الحب عن طريق النت
ممكن
ولكن كما قلتم اهم شئ الصراحه
و لكن
المشكله في ان الشخص فتي او فتاة يرسم
في خياله صوره جميله
لحبيبه فياتري ممكن الصوره المرسومه تبقي حقيقه
اكيد بيكون صعب و لكن ممكن
يعني ان النت عباره عن حلم جميل الواحد يعيشه
و لكن
لما نصحي و نفاجئ بالواقع ياتري
حيكون مثل الحلم او لا
و ما اكثر الاحلام المحطمه علي صخرة الواقع
يارب احلامنا كلنا تتحقق
وعلي فكره انا اقبل الارتباط عن طريق النت

اشكرك موضوع حلو اوي كان شاغل تفكيري

:36_1_50: :36_1_49:

[زين الدين زيدان]

شكرآ يوسف على مرورك ويا رب تكون استفدت من الموضوع بجد

[زين الدين زيدان]

على فكره يا جماعه عنوان التوبك ده الأرتباط عن طريق الأنترنت ده بس للتزكير فقط !!!

أما يا أخى لونلى محدش طبعآ هيتجوز غيبآ بس ممكن تتصدم لما تعرف أنا الشخص ده غير الى كنت بتكلمه

أو مستواه الاجتماعى والمادى مش هيناسبك وعلى فكره فى حكايه احب أقولهالكم أن فى أتنين فى المملكه

كانو عادى أتعرفو على بعض فى النت ونشأءت بينهم قصه حب وأستمرت ل شهرين يراسلو بعض على الميل

و ظلو يبعتوا لبعض خواطر وأشعار فطلب الشاب من البنت تفتحلو الكاميرا وهى طبعآ فى الاول كانت رافضه

لكن بعد كده جت اللحظه وفتحتله الكاميرا فطلع أخوها تخيل أنت بقه بعد كده هيكون أيه تانىوكان قصه حب

ها رايك أيه ؟؟ بس ده كل الى عندى وده رايى فقط وشكرآ يا اخى لونلى على ردك للموضوع وعلى مرورك :36_3_12:

[mr_lonley]

هههههه والله حكايه طريفه اوي بس مع احترامي لرايك اللي بيحصل في النت بيحصل في الواقع بردو
يعني ممكن واحد يقول لواحد صحبه تعالي اعرفك علي بنت ويروح ويقابلها وتطلع البنت دي اخته
صح؟؟؟ يعني النت يعتبر مرايا مصغره للواقع يعني اي شيء ممكن تتخيله يحصل علي النت ممكن اوي يحصل في الواقع
وانا مستني انك تقنعني برايك....

[الدموع العذبة]

أخي الفاضل

زين الدين زيدان

عندما قلت أن الحب هو مشاعر وأحاسيس غير منطقية

كنت أقصد أن الحب مشاعر وأحاسيس تختلف عن أيه مشاعر أخرى نعرفها

بمعنى

أننا نري شابا يعشق فتاه ويعتبرها أجمل الجميلات

والجميع غيرة يتفق على أنها تفتقر للجمال

منطقيا هي ليست جميلة

ولكنه لأنه يحبها فيراها ملكة جمال

هذا ما قصدته من أن الحب مشاعر غير منطقية

قواعده تختلف عن القواعد المنطقية

فالحب يلقي بنا في عالم من الخيال الواسع

يأخذنا لدنيا غير الدنيا

ولهذا هو غير منطقي





من آراء الاخوة الأفاضل

وجدت الاتفاق على الصدق والصراحة عند التعارف على الانتر نت

وأن النت ما هو إلا وسيلة مبدأية للتعارف

بمعنى اني لن أتزوج الفتاة على النت

ولكن تكون تلك البداية

ثم بعد ذلك ان أردنا تتويج العلاقة بالزواج

فتكون هناك اعدادات وترتيبات أخرى




ظريف جدا الموقف الذي تتعرف فيه على من توهمك بأنها فتاة

فتكتشف أنها رجل وبشنب

هههههههههههههههه

عالم فاضية

مش لاقية حاجة تعملها

تفكيرهم سطحي




اقول


ان الصدق والصراحة اساس نجاح اي علاقة



للجميع تحياتي

[زين الدين زيدان]

ههههههههه ايه يا عم لونلى اللى انتا بتقوله ده انتا ساكن فين و لا منين يعنى مش للدرجادى انتا زودتها اوى بموضوع واحد يعرفك على اختك ده ههههههه ليه هوا فى حد ميعرفش صاحبته ساكنه فين ولا منين يعنى ولا اى حد بيقابله فى الشارع بياخده يعرفه على صحابه ههههههههههه
موضوع التوبك ده انا اقصد بيه ان من الممكن لناس يكون ملهمش طريق للتعارف على الجنس الاخر الا عن طريق النت و كلنال طبعا عارفين ان بعد الجامعه و الحوارات دى الانسان بيحس بافتقاد للشله و البنات و الولاد و احيانا و دا الاغلب عند الشباب و البنات بيحبوا يرتبطوا بناس يكونوا يعرفوهم قبل كدا يعنى مبيحبوش جواز الصالونات فعلشان كدا انا بقول لو انك وجدت انسانه مناسبه على النت هتفكر فيها بجد ولا هتقول عادى مهى بتكلم 200 غيرى على النت

[زين الدين زيدان]

شكرآ أخى الدموع لرجوعك مره تانيه وأكيد انا عارف أنك مش كنت تقصد بغير منطقى بمعناها المعروف وكويس أنك وضحت الى تقصده أيهأما حكايه الشنبات الى بتتكلم عنها بتحصل كتير يا ما دقت على الراس طبول هههههههه